|
رد: سؤال لعباقره التكييف والفريون والناس اللي بتحب تشتغل بايدها
اقتباس:
بس تكمل الموضوع عادى لأنى مجربتوش قبل كده، إنما موضوع كباس العربية ده أسهل ( من وجهة نظرى) عموما لو هتعملوا الموضوع ده انا ممكن اساعد 90 % من الصنايعية مش بيعرفوا يقروا ويكتبوا يبقى هيدرسوا إزاى |
رد: سؤال لعباقره التكييف والفريون والناس اللي بتحب تشتغل بايدها
اسلام عليكم
شكرا استاذ هشام النجار على المعلومة الهامة بتاعة جهاز شفط الهوا .... انا مش فى مصر دلوقتى .. لما ارجع ان شاء الله ممكن نتقابل و نعمل الموضوع ده سوا اجزاء التكييف عندى مفكوكة برة العربية .. و انا ححتاج الحم بعض المواسير و كمان عاوز الحم بلوف الشحن بالمرة .... فالموضوع حيحتاج غلبة شوية ..... بالنسبة لموضوع اللحام فده حيحتاج انبوبة بوتجاز ( ربنا يستر و نعرف نلاقيها ) و حيحتاج اسياخ لحام ... و دى سهلة نشتريها ان شاء الله موضوع الشحن .. حيحتاج مانيفولد للشحن و التفريغ و احنا عندنا تلاجة قديمة ... لو عرفت اجيب الموتوربتاعها يبقى كويس جدا ( على الله ميكونوش باعوها ) و تقبل مرورى |
رد: سؤال لعباقره التكييف والفريون والناس اللي بتحب تشتغل بايدها
اقتباس:
متزعلش يا سيدى حقك على راسى انا :010104~171: ..... احنا متأكدين ان قصدك النصيحة و الافادة كمان دى مش اول مرة حضرتك تفيدنا بالراى و المشورة ان شاء الله الكباس مش حيتحرق ولا حاجة .. و لو اتحرق يبقى عوضى على الله ... عادة مش قادر ابطلها ... مش قادر ابطل العب فى الحاجة ... و بعدين التكييف كان بايظ اصلا .. يعنى يا صابت يا 2 عور ... انا ناوى اجرب على عربيتى الاول علشان لو عكينا الدنيا فهيا كانت بايظة اصلا و تقبل مرورى |
رد: سؤال لعباقره التكييف والفريون والناس اللي بتحب تشتغل بايدها
اولا شكراً على الموضوع الجامد وفى الحقيقة مقدرش اخفى اعجابى باللى بيحب يجرب ويتعلم ويشتغل بايدة حتى المتهورين منهم :clapW15:
ثانياً لاشك ان اراء الباشمهندسين احمد على وتونسى صح من الناحية النظرية وفى رائى طرحهم اضاف قيمة للموضوع ككل ومن الناحية العملية تحذيراتهم منطقيه جداً :010104~171: فانا شايف ان مفيش تعارض حقيقى بين الرائيين ثالثاً وده الاهم شوفو هتتقابلو امتى علشان اجى معاكو بس انا مش هشتغل بايدى انا هتفرج واصور بس (صورة) |
رد: سؤال لعباقره التكييف والفريون والناس اللي بتحب تشتغل بايدها
السادة الاعضاء الاعزاء المشاركين جميعاً فى هذا الموضوع الممتاز
80% فعلاً من الفنيين فى مجال السيارات لا يعرفوا القراءة والكتابة وهذا معلوم للجميع لكن دائماً يفضل عند الرغبة فى عمل شىء فى السيارة او اى إصلاح ان لا ننسى ان قطع الغيار والمعدات ليست كل شىء يجب ان نتذكر ان من يقوم بالعمل فى اى إصلاح فى معدة سيارة /ثلاجة /غسالة تعتبر هذة المهمة هى وسيلة كسب قوت اليوم الاختلاف يوجد فى ان بعض الفنيين يقوم بطلب قيمة رخيصة ويقوم بعمل العيب على عدة مراحل وفنى آخر يقوم بطلب مبلغ وقدرة ولكن يتم إصلاح العيب مرة واحدة فلنفكر جميعاً أى الطريق افضل بدليل انه فى المنتدى هنا قد قمنا بعمل موضوع متجدد تحت عنوان بروفيشنال اسكندرية يقوم فيه الاعضاء الكرام بذكر كل صانيعى ماهر فى جزء معين وتستمر الحياة الى ما يحب الله ويرضى به عنا جميعاً عذراً على الاطاله ولكن أرغب فى معرفة آرائكم جميعاً سواء المتفقين او الرافضين وايضاً بدون تكسير للهمم لمن يرغب فى المحاولة فى سيارته دمتم سالمين فى رعايه المولى عز وجل |
رد: سؤال لعباقره التكييف والفريون والناس اللي بتحب تشتغل بايدها
باذن الله تعالى انا ناوى اعمل الموضوع ده لما ارجع ( مش اقل من 3 اسابيع للأسف ) ... لو حضراتكم اتقابلتوا و اشتغلتوا فى الموضوع .... ياريت تحطوا صور للمقابلة و تعرفونى وصلتوا لحد فين ....
|
رد: سؤال لعباقره التكييف والفريون والناس اللي بتحب تشتغل بايدها
اقتباس:
بس المشكلة ان ساعات كتيرة مش بلاقى صنايعى بيفهم و يراعى ربنا .... انا بودى عربيتى عند ميكانيكى فى المنيب .... استاذ و صنايعى معلم .... بس بيلطعنى جنبه بالساعات علشان بيبقى على طول مشغول و عنده زباين كتير ( ربنا يزيده ) غلطت قبل كدة و استقربت و وديت العربية عند واحد عندنا فى 6 اكتوبر ... و اتعلمت منه بصراحة ... اتعلما انى لما ابوظ حاجتى بايدى احسن 100 مرة من ان لما ميكانيكى تانى يبوظهالى ... فجمدت قلبى و اتوكلت على الله و قررت انى احاول اصلح عربيتى بنفسى ... و لما ابوظ الدنيا اروح زى الباشا للميكانيكى الى فى المنيب ..... اسمع لى منه كلمتين بايخين و انا موطى راسى فى الارض من الى عملته فى العربية :F_14WA~16[1]: او انى حروحله لما ما اعرفش العيب الى عندى من فين انا موافق حضرتك جدا على موضوع بروفيشنال اسكندرية ده و ياريت نعمله فى القاهرة شاكر لحضرتك اهتمامك :CONGRA~238: |
| الساعة الآن 07:10 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017