رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

عايز اقول حاجة بخصوص الحل ايه ؟؟؟
طبعا الكلام اللي قاله استاذ تامر كلام زي الفل بس عايز اقول حاجة : بخصوص السواق اللي بيشرب مخدرات ، هو السواق ده بيشرب ليه مش عشان يقدر يسوق مسافات طويلة بدون راحة ، طيب هو ايه اللي يخليه يشتغل فترات كبيرة ، مش عشان يقدر ياخد من صاحب العمل مبلغ يعيشه هو واسرته في مستوي اجتماعي متوسط

يبقي الحل ان الناس ديه يتوفرلها ظروف شغل ادمية بمرتب يعيشه في مستوي اجتماعي متوسط
يعني صاحب العمل يشغله ال8 سعات القانونية ويوفرله يوم اجازة بمرتب يقدر يأكل منه عياله واي ساعات اضافية تكون باوفر تايم ، الكلام ده لو متوافرش يبقي محدش قدر يلوم السواق اللي بيشرب مخدر عشان يقدر يستحمل السواقة لعدة ايام متواصلة اللي فوق قدرة احتمال اي انسان ، وهو بيشرب مخدر وهو عارف انه هيضره بس لازم عشان يقدر ياكل عياله، اما لو توافر الكلام اللي بقوله يبقي ساعتها السواق اللي يشرب مخدر اقطعوا رقبته
يبقي العيب مش علي السواق العيب علي صاحب العمل اللي بيطلب من السواق معدل شغل مفيش انسان يقدر يستحمله والمفروض نحاكم اصحاب العربيات النقل مش السواقين


والناس اللي بتلوم علي السواقين عايز اقلهم حاجة ، سواق النقل اتواجد في ظروف صعبة وبيشتغل في ظروف صعبة كان ممكن اي حد يتحط فيها ، يعني انا مثلا خلصت كلية حقوق عشان اهلي صرفوا عليا ايام المدرسة وصرفوا عليا ايام الكلية يعني اتوفرليا ظروف مناسبة، وكان ممكن لو اتواجدت في ظروف مختلفة الله اعلم كان زماني بشتغل ايه ، احنا مبنخترش نبقي ايه ربنا هو اللي بيوزع الارزاق وفيه توفيق ربنا ، فبلاش يا جماعة نبص لاي انسان بنظرة دونية لمجرد انه اتواجد في ظروف وشروط غير ملاءمة كان ممكن اي حد يتحط فيها وطالما بيشتغل شغلانة شريفة يبقي احترمه واحطه علي راسي

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

انا شاكر لحضرتك ردك ...حضرتك وفرت عليا الرد على الاخ الى كان بيتكلم .... حسبى الله و نعم الوكيل فيه و فى طريقة كلامه التى لا تخلو من الكبر و الاصرار على الذنب زى ما بيقولو

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

أنا المرة الوحيدة اللى سافرت فيها بالعربية كانت السويس عن طريق القاهرة - السويس
طبعا أول نفحة من نفحات الشاحنات كانت الحصى (كان يتطاير على السيارة وكنت خايف يُصيب الزجاج) وطبعا الحارة الشمال عندهم أساسى والمشكلة أحيانا بيمشو جنب بعض
وطبعا مسك الختام كان سباق بين شاحنتان وأنا اللى كنت هروح فيها تخليو كل دة يحصل لي أول مرة اسافر بالعربية

ربنا يسترنا ويهديهم

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

السلام عليكم

انا متفق مع اغلب راى الاعضاء ... و ليا ملاحظاتى من خلال احتكاكى البسيط بسواقى النقل فى الشغل :-

1- صعوبة التحكم فى العربية النقل ... غير ما اغلب الناس الى على الطريق معتقدة انها سهلة و العربية مكيفة و بور ... السواق بيبذل مجهود علشان ينتقل من حارة لحارة اخرى
2- سواقين النقل بيكسل ينقل الغيار و بيكسل يدوس على الفرامل احيانا علشان عارف ان العربية حتتعبه فى النقل و الجرى مرة اخرى
3- فيه سواقين كتير بيشربوا حشيش و مخدرات و هما سايقين ... علشان مزاجهم فى الغالب ... مش علشان يقعد سايق كتير زى ما اغلبهم بيدعى ... انا اعرف سواقين بيركن عربيتوا و يناملوا 30 دقيقة و يرجع يسوق تانى لعدة ساعات
4- الحمولة الزايدة و البروز من اهم الاسباب الى بتعمل مشاكل فى الطريق .... عربيات الظلط لازم الطوب او الظلط فيها اقل من ارتفاع الجوانب

و اخيرا ... انا لا ارى اى عزر انسانى لسائقى النقل من طعوبة الظروف او العمل ساعات اكتر و الكلام ده ....
انا اعرف سواقين سابوا الشغل عند ناس و راحوا اشتغلوا مع ناس تانة علشان موضوع عدد ساعات الشغل ... احوالهم المعيشية مش وحشة اوى زى ما الناس فاكرة
السواق ملهوش عزر انه يشرب مخدرات ... و دى حاجة محرمة شرعا ... علشان اى سبب اخر
يعنى ... ميعملش حاجة حرام علشان يكسب قوت عيشه ... زى الحرامى الى بيسرق علشان يكسب لقمة عيشه

على فكرة .. علاقتى بسواقين النقل كويسة جدا على الطريق او فى الشغل ... و مع دلك انا شايف انهم غلاطين فى اغلب المواقف الى بيتسببوا فيها
و شايف ان الحل فى تشديد الرقابة الحقيقية

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

يا جماعة انا شايف ان التعميم غلط ...... انتوا حسستوني ليه اني كل سواق نقل بيركب العربية و سيجارة البانجو في ايده ليه مش بتتكلموا عن السواقين المحترمين اللي طالع عين اهلهم علي الطريق طوول النهار و اللي بلاحظ دايما انهم سواقين بجد و فاهمين سواقة يعني كذا مرة و انا علي الطريق سواق نقل يمنع حدوث مصايب بسبب نه رفع رجله من علي البنزين يعني اقصد انهم بيبقوا مركزين مع الطريق كويس ده غير طبعا البلوه اللي هو سايقها
و بعدين ما هو برده في الملاكي لو دورتوا هتلاقوا اد الاخطاء دي عشر مرااااااااااااات
يعني تقول ايه لما تلاقي واحد بعربية سوبارو ضربت في دماغه انه يخمس علي الطريق الدولي و اللي جاي هو اللي ياخد باله بقي

رد: النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟
 

انا شاكر جدا لردودكم والمشاركه
طبعا استحاله نعمم الأهمال
الملاكي فيه المحترم والمستهتر ونفس الكلام فى النقل

احنا بناقش ازاي نجد حل لهذه الظاهره بدون غلط فى حد طبعا
سواقين النقل الثقيل طول عمرهم (ملوك الطريق) ودايما الناس وأنا كمان بقول (النقل الثقيل يعنى اتعلم منه ادب الطريق) سواقين النقل الكبار فى السن كنت بجلس معاهم فى الرست وخصوصا لما اكون مسافر الصعيد (والله احلي صحبه) واحلي حكاوي علي السكك وهما هما ألي بيشتكو ان الصنعه دخلها عيال كتير (لما واحد بيسوق نقل تقيل بقاله 40 سنه ) يبقى طبعا السواقين الجداد عياله
بيشتكو ان المجال دخله ناس كتير ملهمش فى أدب و فن النقل الثقيل

احنا كمان عيزين الأمان للطرق ولأسرنا ونرجع النقل التقيل لسمعته القديمه