رد: تاكسى
 

انا كان عندي تاكسي قبل كدا و بعتو لأسباب كتير بس انا من محافظه المنوفيه او بالذات شبين الكوم
النمر عندنا هنا بي 105 الف لوحدها
انا تجربتي اني اشتريت تاكسي 124 و قلبته بعد كدا فيرنا لقيت التكلفه وصلت لسعر تاكسي فيرنا من الاول + ان الجاهز كان حيقف علي بنفس السعر مع كمان موديل اعلي + غلطلتي اني مقلبتوش غاز ففوت المكنه من البنزين ال 80 بعد 8 اشهر من الاخر حقولك علي كذا نقطه عشان دا حيبقي مشروع اكل عيش

1-هات تاكسي جاهز علطول
2- اقلبو غاز و عمرك ما تغلط و تمشيه بنزين
3-امن عليه عند شركه تأمين محترمه ضد السرقه و الحوادث تصلح بره و تجيب مقايسه يصرفو المبلغ الحادثه
4-نقي السواق اللي يحافظ علي العربيه و امين و دا حيبقي صعب شويه علي ما تلاقيه لان هوه مفيش حد حرامي و حياخد من الاراد الا نادرا بس السرقه بتبقي في حاجات تانيه
5- متخليش التاكسي بتاعك عاوز جنيه بمعني الحرفي للكلمه
6-خليك في الفيرنا او الانوس و بلاش الانواع التانيه انت مش لسه حتيجيب عربيات عشان تثبت كفائتها
الفيرنا قطع غيرها متوفره و رخيصه اي ميكانيكي بيشتغل فيها فميبقاش في عطله
7-انزل بنفسك كل اسبوع شيك علي العربيات عند الميكانيكي وكل شهرين عند العفشجي لانك اما تسأل السواق عمرو ما حيبقي فاهم اوي ايه اللي بايظ او صوته غريب اركب عربياتك و اسمع صوتها و اتأكد بنفسك كل يوم اما يجي التاكسي بليل و شوف في برجله او تقطيع او اي مشكله ومش كل اما العربيه تتحك تعمل الحكه لان العربيه بتجيلك محكوكه في الاسبوع علي الاقل 3-5 مرات فخليها تتحك براحتها
8- شغل التاكسي ورديه واحده عشان السواق بيبدأ يهتم بالتاكسي اكتر لو رجلو بس علي العربيه مش فيه حد تاني معاه وكل اما تبقي البدايه في ساعات الذروه للشغل يبقي احسن مش الذروه للزحمه
9-اهتم بنضافه العربيه عن طريق السواق يسلمهالك نضيفه بليل الدواسات و العربيه متلمعه و الجنوط والكاوتش مغسولين و بيغسلهالك مره كل اسبوع

وربنا يبارك ليك و يجعله مشروع السعد عليك ان شاء الله

رد: تاكسى
 

السلام عليكم شكرا ياباشا على الرد لاكن بلنسبه للاخ على بيبو وبرحب به عضوا جديد الحل بلنسباله ايه علشان يقلب عربيته تاكسى وشكرا