مصر موتورز مجتمع السيارات - 3 بلطجية فى الطريق ................ والحمد للة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - 3 بلطجية فى الطريق ................ والحمد للة (https://www.masrmotors.com/vb/showthread.php?t=80775)

رد: 3 بلطجية فى الطريق ................ والحمد للة

علي فكرة مسدسات الصوت مش غالية في من اول 600 جنيه ، بس 1000 او 1500 يجيبولك مسدس رش شبه المسدس الحي نفس الشكل بالظبط ، ولو ضرت بيه حد مش هيموت
وطبعا انت شاريه عشان تدافع عن نفسك فلو لقدر الله اتحطيت في موقف وكان لازم تستخدمه اضرب اللي قدامك 4 او 5 طلقات ومتستناش

الهدف من المسدس انك تقدر تدافع عن نفسك عند الضرورة او انه ممكن يجنبك التعرض للمواقف اللي زي كده
فبعد ما تستخدمه او ترفع في وش اللي قدامك ، اخلع علي طول

البلطجي بيعتمد علي عنصر المفاجأة للضحية عشان يخاف ويرتبك ، وانت هنا هتعكس الموقف لصاحك هتخليه يرتبك شوية ويتفاجاء هو برده مش هيكون متوقع ان الموقف كده
فانت استخل الثواني اللي هيرتبك فيها واخللللللللع ،
عايزك تعرف حاجة مهمة ان البلطجية معظمهم مش محترفين من الاخر بيجربوا حظهم

واي بلطجي بيحاول يبين انه شرس وشجاع مع انه في الحقيقة خاااااايف اكتر منك

وحاول ديما تعلي صوتك و وانت بتتكلم واشتم وقل ادبك بصوت عااااالي ، اللي بيثبتك مش عايز اكيد الناس تتلم وعايز الموقف يعدي بسرعة عشان كل الموضوع ما هيطول احتمال حد يعدي

نصيحة كمان لو هتشتري مسدس صوت حاول تتعلم ازاي تستخدمه و طريقة النشان عشان يكون فعال معاك في المواقف ديه

التدريب علي النشان مش صعب خالص ومش هيحتاج منك وقت

وربنا يا رب يسترها علي كل الناس

رد: 3 بلطجية فى الطريق ................ والحمد للة

اقتباس:

المشاركة الأصلية كتبت بواسطة ابو الشوق كاديلك (المشاركة 624088)

استاذي الحمد لله ان حضرتك كويس و الموضع عدي علي خير

طبعا يا جماعة المفروض كل واحد يمشي بالعربية يكون مسوجر كل الابواب ، ويكون فاتح جزء بسيط من الزجاج في الابواب الامامية فقط

اي بلطجي بيعتمد علي عنصر المفاجأة فاي موقف زي ده متقفش وتقعد تتكلم معاه دور عربيتك واكبس بنزين وانت ممور او علي الN وبعدين اطلع بالعربية صوت العربية هيخوفه شوية
ولو وصلت انك تخبطه اخبطه ومتستحرمش عشان هو لو مسكك مش هيستحرم يعورك او يموتك

ونصيحة حاول تخلي معاك شومة تحت الكرسي بتنفع في المواقف البسيطة اللي زي ده

وحاول تهدي خد نفس عميق من انفك وانفخه من بقك كررها مرتين وفكر في خلال ثواني من غير تردد

نصيحة كمان لو حد معاه فلوس ممكن تشتري مسدس رش ده مسدس بيضرب خرز صغير حديد
ومش محتاج ترخيص ، بس منظر المسدس بيخوف اللي بيثبتك فممكن ترفعه في موقف زي ده او تضرب طلقة في الهوا واخلع يا معلم

انا معايا عصايه وكزلك مشرشر وإليكتريك 8كيلو فولت
بس انا مش بتاع مشاكل وفعلا الواد اتخض من صوت الكلاكس والموتور لأنى تقريبا قفلت الأر بى أم
ربنا يستر مع الجميع

رد: 3 بلطجية فى الطريق ................ والحمد للة

انا لو منك اسحبه وهو ايده متعلقه كده واعمل قلق خصوصا انك بتقول العربيات اتجمعت وراك والطريق وقف يعني في ناس كتير
اسحبه كام متر كده وبعد كده افلته واقفل الازاز وتنزل تستلمهم بقي مع الناس اللي موجوده بعد متعرفهم ان في مشكله واكيد المفتاح في ايدك واول متنزل تقفل السنتر
وتخلي الحفله عليهم بقي
لكن انت كده تعتبر محاوله بالنسبالهم وفشلت وحيعيدوا الحوار ده تاني

رد: 3 بلطجية فى الطريق ................ والحمد للة

اقتباس:

المشاركة الأصلية كتبت بواسطة Hisham.Elgazzar (المشاركة 624122)

ربنا يسترها معانا جميعا
الظاهر الواحد اليومين دول لازم يمشي بعربيته فيها شنطة اسعافات وشنطة عدة و (شنطة اسلحة)

رد: 3 بلطجية فى الطريق ................ والحمد للة

اقتباس:

المشاركة الأصلية كتبت بواسطة screamseko (المشاركة 624127)

كلامك جميل بس ممكن الواد ينزل تحت العجلات اللى ورا وكمان عسكرى المرور واقف يعنى الناس هتتلم والعسكرى هيبقى شاهد إثبات لأن محدش هيسيبوا لأنه رمز الحكومة وممكن الموضوع ياخد أكبر من حقه
وبينى وبينك إحنا كبشر مختلفين محدش متوقع هو ممكن يعمل اه لو حصل معاه نفس الموقف بس إحنا ناخذ حذرنا وربنا يستر مع الجميع
تقبلوا مرورى

رد: 3 بلطجية فى الطريق ................ والحمد للة

حمداً لله على سلامة حضرتك
فى طريقة جديدة احزروها وهى انك تلاقى مجموعة ماشين فى نص الطريق و اول ما تقرب و تكلكس يشتموك ويحولوا يفتعلوا مشكلة وطبعاً احسن حل للموضوع ده انك تقف على دواسة البنزين و مفيش مانع لو تشوط 3 او 4 منهم و اهو تكسب فيهم ثواب برده :fun_rofl:

رد: 3 بلطجية فى الطريق ................ والحمد للة

اشكرك على النصيحه الغاليه .. والحمد لله على سلامتك