مصر موتورز مجتمع السيارات - ضبط كهربة الاسبيراتير بالمصباح الضوئى؟ حد يفيدينا يا اهل العلم

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم

بسم الله ماشاء الله عزوجل
بصراحة ممنون وعاجز عن الشكر
ومهما قلت لا أوفيكم حقكم
وبصراحة المنتدى فعلا يفخر ان فيه ناس عظيمة ومش بتبخل علينا ابدا
اشكرك يا استاذ احمد على
أشكرك يا أستاذ mr astra
أشكرك يا أستاذ atgps

ومعلش استحملوا رخامتى لانى بحب جدا اعرف ازاى وليه ولانى بحاول اضغط على نفسى اعتمد على الله ثم على معرفتى البسيطة المستمدة منكم فى حل مشاكل عربيتى الصغيرة 128

المصباح وصل وفهمته وهو عندى جاينى من السعودية لانى عايز اطبق الكلام ده
دلوقتى انا رحت طليت على وش سير الكاتينة البلاستيك الى بيغطى المنطقة دى لقيت فعلا 3 علامات صفلر و5 و10
بصت على ترس الكرنك مش لاقى حاجة خالص فيه
ما فيش اى علامات
حاولت والمكان اصلا ضيق جدا وعلى قد ما قدرت بس ما فيش
علشان كده انا لسه متعطل مش عارف اضبط على ايه فى الترس الكرنك تحت
لان العلامة مش موجوده
انما الغطاالبلاستيك عليه 3 علامات
المهم

طبقت التجربة الثانية الى تفضلتم بها هنا
هى ضبط توقيت الاشعال اعتمادا على زنبه ترس الكامة
لقيت بالفعل زنبه الترس وليها علامة فى جسم الموتور قدامها
طبقت بالحرف
وجبت اللمبة ووصلت على الموبينه
ولفيت الكاوتش لغاية الزنبة اتقابلت مع مثيلتها على جسم العربية
بس اللمبه حالفة ما تنور أبدا فى نفس التوقيت
رحت مخفف مسمار ضبط الاسبيراتير ولفيته علشان اللمبه تنورلما الزنبتين يتقابلوا
الشاكوش على بوجيه رقم 1
العربية حالفة يمين ما تدور ابدا
ايه بقى رأيكم
دى تانى مرة اعمل التجربة دى لانها قراتها من قبل وحاولت وبرده فشلت
اذا خليت توقيت لمبه الموبينه مع توقيت تساوى الزنبيتين ترس الكامة = زنبة الجزء المقابل
لا يمكن العربية تدور
لكنها بتنور بدرى خالص ساعتها بس تدور

ياترى ايه تفسير ده

وبالنسبة لاستخدام المصباح الكهربائى
اعمل ايه فى ترس الكرنك
ما فيش علامة عليه
ايه رأيكم
لو عملت زى ما تفضلتم هنا بالشرح انى افك بوجيه رقم 1 وادىالعربية غيار
والف لغاية ما المفك يكون فى اعلى نقطة ليه
وابص على وش شاكوش الاسبيراتير
هل ساعتها اقدر احدد علامة ترس الكرنك المناسبه
ولا ايه

بعدين سؤال
ذنبه ترس الكامة فوق ايه لازمتها
يعنى لما تقابل اختها على جسم الموتور
معناه ايه
ايه الى بنضبطه
توقيت الاشعال
ولا توقيت سير الكاتينه ؟

دوختكم وتعبتكم
معلش انا اسف
بس فضولى للمعرفة كبير
سامحونى على الاطالة

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم

اقتباس:

المشاركة الأصلية كتبت بواسطة خميس حسن (المشاركة 593787)

لو اسبراتير الكترونى تنفع نفس الطريقة؟؟

يعنى هوا الابلاتين مش موجود و مكانة الكترونى ؟
بس بتهيالى لو الاسبراتير له صامولة زنق و لو اتفكت ممكن يلف يبقى تنفع
و الله اعلم

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم

لالالالالالالا
فى نقطه مهمة جدا
اما اللمبة تنور نتيجة للف الاسبراتير دة التوقيت المناسب للشرارة وكدة المفروض الدنيا تتظبط لكن النقطة المهمة اوى انك تشيل اللمبة او اسلاك اللمبة من الموبينة
وتدور العربية عادى
سؤالك حولين اية لزمة زنبة ترس الكامة
الاجابة ان المفروض الكامة مظبوطة دلوقتى ان صباب العادم على مقفول وصباب البنزين على مقفول والبستم فى النقطة الميتة العليا وايضاااااااااا توقيت الشرارة المناسب دلوقتى
لى ملاحظة صغيرة على تجربتك
حضرتك بتقول انك لفيت العجل لغاية اما البستم وصل للنقطة الميتة العليا والكلام دة منقوص
لو تفتكر انى قلت لحضرتك خلى اى حد يدورلك المارش تكات متتالية وانت فاكك البوجية رقم واحد وحضرتك سادد مكان البوجية بصباعك الكبير لغاية اما تحس ان فى ضغط واقع على صباعك يبقى كدة مدلولة ان البستم فى شوط الكبس او الضغط .....بعدها بقى تكمل الطريقة بوضعك مفك سنة رفيع على سطح البستك وتلف العجل فى اتجاة السير لغاية اما المفك يبقى فى اعلى نقطة لية
كدة يبقى التجربة تمام ومنتظر ردك وبامر الله خير

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم

بص يا استاذ الايطالى الصغير
و الله اعلم
اللى انا فاهمه ان ترس الكرنك لما يلف مرتين بيلفف ترس الكامة لفة واحدة
فانت لو حتعتمد على ترس الكامة يبقى لازم تتاكد زيى ما mr astra قالك ان الابلاتين مقفول و الشاكوش على النحاسة واحد

بالنسبة لطريقة ال strobe light فى فكرة ممتازة
فك البوجيه رقم 1 و اعمل الطريقة اللى انت فاهمها عشان توقف البستون عند tdc بس عشان تتاكد انه شوط الضغط بص على الابلاتين و الشاكوش عشان لو طلع شوط الطرد نزل البستون و طلعه تانى
كده انت عند ال tdc اللى هو اعلى وضع خد علامة على ترس الكرنك فى اى حتة تعجبك المهم تاخد علامة قصادها على اى مكان ثابت على الصاجة مثلا او اى مكان قريب
و حط فى بالك و انت بتختارمكان العلامات ان يبقى سهل الرؤية لما تسلط عليه ال strobe light
و اشتغل على كده

ملحوظة اخيرة العلامات اللى انت شوفتها على الصاجة اللى هيا صفر و 5 و 10 باين
الصفر اكيد عشان السلانسيه و الاتنين التانيين على rpm اعلى لان المفروط خرطوم الفيكم يقدم و ياخر مع ال rpm و عشان تضمن على السلانسيه عدم تدخل الفيكم فكه مؤقتا و سد فتحته فى الاسبراتير و الخرطوم
و للاسف عشان تظبط التقديم و التاخير على ال rpm العالى لازم كتالوج المصنع لانه حيوضح عند rpm كام المفروض تقدم او تاخر اد ايه ( طبعا و الخرطوم راكب )

بس اللى يهمك دلوقتى الوضع الصفرى على السلانسيه فقط و الباقى حتعتمد على سلامة منظومة الفيكم فى التقديم و التاخير مع تغير ال rpm

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم

الله يباركلك يا mr astra بنتعلم منك كتير
انا عملت تعديل فى مشاركتى اللى قبل دى يمكن حضرتك مشفتوش لسة
برجاء بص عليه لحسن يكون فيه حاجة غلط صححهالى و يبقى جزاك الله خيرا يا باشا :GROWIN~12:

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم

اقتباس:

المشاركة الأصلية كتبت بواسطة احمد على 1999 (المشاركة 593843)

بطل تواضع بقى دة احنا اللى بنتعلم منك
صباح الفل يا باش مهندس احمد وادعيلى عشان رايح المرور دلوقتى بلبس ونازل اهو
وابارح برضة كنت فى المرور بس الرخصة مش عاوزة تخلص والنهردة تانى يوم مارحش الشغل حاجة تزهق بجد
بس انا لنهردة يا قاتل يا مقتول لو اتاخرت هات الرجالة وتعالولوى المرور لحسن يفتكرونى لوحدى ولا حاجة

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم

هو المصباح اللى عند حضرتك نفس اللى أنا قلت عليه؟ إذا كان نفسه يجب أن تتبع الخطوات التى ذكرتها ويجب أن يكون
المحرك فى حالة تشغيل وليس الدوران باليد.
وعلى فكرة هى العربية نوعها ايه لأن كل عربية ليها ضبط مختلف وليس هناك محرك يتم ضبطه على النقطة الميته العليا ولكن قبلها بعدة درجات تتراوح بين 3 و12 درجة حسب نوع العربية.
ويجب أن يكون المحرك فى وضع سلانسيه والـ RPM أقل من 900 لأن مع تزؤيد الـ RPM ستجد العلامة أصبحت على أكثر من 20 درجة وأحيانا 30 قبل النقطة الميته العليا TDC