|
رد: إستطلاع هام : حظر المواضيع السياسية
غير موافق طبعا
ليه ياأستاذ حازم كل لما منتدانا بيكبر وتتفتح فيه أقسام وتكتر المشاركات عايزين تقفلوها .. قبل كده حجبتوا مواضيع الاستراحه عن القائمه الرئيسيه للمواضيع . ليه كل لما مصر موتورز يكبر ويكون عملاق بأقسامه عايزين تخلوه قزم صغير . القسم الاجتماعى خلا ألاعضاء يتعرفوا على بعض اكتر بالمشاركه فى المواضيع والإختلاف والاتفاق فى الرأى وخلا فيه حيويه فى المنتدى وألفه بين الاعضاء ومشاركه فى الحياه اليوميه وماتمر به البلد من أزمات . ياجماعه إللى مالوش فى السياسه يسيب الناس تعبر عن رأيها وتخرج شحنه الكبت إللى جواها .....ولا نروح ندور على منتدى سياسى ونشارك فيه ونرجع نقول ليه الأعضاء إختفوا .... وبعدين عايزين تقفلوا حاجه من غير رأى صاحبها الأستاذ وائل حبيبنا كلنا ....مش هو إللى فتح قسم ثوره 25 يناير ؟؟؟ إللى عايز يقفل قسم الثوره يبقى من الفلوووووووووووووووووول. |
رد: إستطلاع هام : حظر المواضيع السياسية
بالرغم انى نادرا لما بشارك فيه عشان اتجنب مداخل الشيطان
الا انى من المتابعين و يكاد يكون المنتدى هو مصدرى الوحيد للوقوف على مجريات الامور ده غير ان الاطراف لما تتقابل فى الشارع حيخف الضرب شوية لان كل طرف عارف مبررات الطرف التانى فبدل ما يطحنوا بعض حيشتموا و يزقوا بس و ان شاء الله يوصلوا لدرجة انهم يخدوا بعض بالحضن لا طبعا مش موافق و اخترت لا فى الاستطلاع |
رد: إستطلاع هام : حظر المواضيع السياسية
لا والف لا هذا القسم يمثل المصدر الوحيد للتفاعل مع الاحداث بعيدا عن الاعلام الموجه المضلل المؤدى فى النهاية الى تنكيس الثورة المجيدة.
فالارجح هو التعامل بحزم مع العضو المسىء حسب قوانين المنتدى ويمكن مضاعفة الجزاء وشكرا للسادة اعضاء الادارة الموقرة:GROWIN~12: |
رد: إستطلاع هام : حظر المواضيع السياسية
رغم انى انا مش مقتنع بكلامى بس انا بصراحة مخنوق من المواضيع دى و كفاية الناس اللى فى الشارع و المواقع السياسية و البرامج اللى طول النهار فى التلفيزيون لكن هنا ده منتدى سيارات يعنى منتدى تخصوصى فاملهوش داعى يعنى!!
|
رد: إستطلاع هام : حظر المواضيع السياسية
النقاش هنا مفيد, و تبادل الاراء السياسية شىء طبيعى و صحى لأى مجتمع يريد ان يكون ديموقراطيا.
كما ان حدة الاحداث السياسية حاليا تدفع معظمنا الى الانشغال بالامور السياسية و بالتالى التحدث عنها, و يجب ان يكون لذلك منفذا داخل المنتدى. لذا فاننى ارى بقاء هذا القسم. |
رد: إستطلاع هام : حظر المواضيع السياسية
بصراحة انا كنت عايز اتكلم في الموضوع دة انا بقيت ادخل المنتدي احس ان انا داخل علي صفحة اليوم السابع مفيش اخبار سيارات كلها اخبار سياسية ونقاشات سياسية ودة مش مكانها دة مكان لزيادة الخبرة في السيارات وصيانتها والاستفادة من خبراء المنتدي في السيارات
|
رد: إستطلاع هام : حظر المواضيع السياسية
رد سريع على الدكتور كمال لإنه بيتهمنى بمحاولة تقزيم المنتدى !!!! خلال السنتين إللى كنت مشارك فيهم فى أدارة المنتدى تم إنشاء 93 قسم جديد يا دكتور و لم يتم إغلاق أى قسم سوى قسم رمضان و المطبخ بعد رمضان و سيعاد فتحهم فى رمضان القادم إن شاء الله الفترة إللى كان فيه حجب لمشاركات الإستراحة فى الإحصائيات كانت بسبب قيام بعض الأعضاء بإغراق المنتدى بمواضيع لا علاقة لها بالسيارات و كان بهدف الحفاظ عل هوية المنتدى أبونورا صاحب الموقع الإلكترونى لكنه غير متحكم منفردا فى المحتوى و رأيه بيتحسب بصوت واحد فى أى قرار و منها الإستطلاع الحالى أخيرا عمل إستطلاع إغلاق قسم الثورة كان نزولا على إقتراح الأعضاء أنفسهم مش الإدارة |
| الساعة الآن 11:33 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017