مصر موتورز مجتمع السيارات - الماتور بياكل زيت اعمل ايه؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - الماتور بياكل زيت اعمل ايه؟ (https://www.masrmotors.com/vb/showthread.php?t=72886)

رد: الماتور بياكل زيت اعمل ايه؟

يافندم ده من ذق حضرتك والله...
انا اشتغلت 3 سنين في توكيل كمنز وتنقلت بين ورشه العمرات وبين قسم صيانه المواقع واخدت خبره كتبيره جدا ووجدت حلول لمشاكل كتير .اشتغلت في الكمنز من اول 3 سلندر لغايه ال 16 سلندر(المكن العادي والالكتروني والمارين)والحمدلله بحب الموضوع ده جدا
ودايما يبقى في الاخر قول المولى(وفوق كل ذي علم عليم)

رد: الماتور بياكل زيت اعمل ايه؟

اقتباس:

المشاركة الأصلية كتبت بواسطة sharooo (المشاركة 562321)

welcome back

رد: الماتور بياكل زيت اعمل ايه؟

اقتباس:

المشاركة الأصلية كتبت بواسطة mr_astra (المشاركة 561584)

كلام حضرتك مظبوط 100% فنيا
لكن بزمتك لو انت مكانة وفكيت الوش مش هاتعمل رودية بحوالى 40 جنية مع العلم اننا بنتكلم فى مشكلة نقص زيت ومش عارفين منين ممكن تاكل فى الشنابر او تسريب من جلد الصباب او جوان وش سلندر او جوات تاكيهات
طب انا هاؤلك
لو انت واقف عند ميكانيكى وفك الهد بالكامل والكامة عشان يوصل للصبابات ويغير الجلد بتعها هياخد كام ولو نفس الميكانيكى فك الوش بالكامل وزى الباشا بعتة للخراط وجالة متقفل جاهز هنا هياخد كام
الموضوع ببصلة بنظرة عامة وشمولية وان كل واحد يشتغل فى الحاجة اللى بيفهمها يعنى الوش احسن واحد يعملة الخراط ......... وبالمرة يا سيدى يبصى على عتب الشمايز وممكن يقدر يحكم على مدى احكام الشنابر فى الشمايز
اخيرا بشكر حضرتك لاثراء الموضوع

اقتباس:

المشاركة الأصلية كتبت بواسطة sharooo (المشاركة 561944)

السلام عليكم
كلام حضرتك مزبوط واسلوبك راقي جدا...شكرا
انا بتكلم على اساس انه كده بيلم الموضوع ف امدام بيلمه يبقى نقلل التكاليف وانا بتكلم عن الطريقه بتاعتي انه هيوفر مصنعيه خراط وش سلندر وتمن جوان وش السلندر وتمن القواعد والدلايل....وانا كنت بشتغل بايدي في المحركات..زوكنت لما بفك الوش في الموقع واختبره بضغط الهوا ويطلع سليم كنت بركب كل صباب مكانه من غير ما اغير اي حاجه عشان اوفر للعميل قدر الامكان.لان كل حاجه تمنها كبير في محرك الديزل
وعموما انا رايي يجرب ويغير طقم كوتش صباب ويركب الزيت الي قلتله عليه...فعلا المكنه هتزبط جدا انشاء الله وخاصه ان احنا في الشتا
انتو عارفين يا جماعه قبل السيفيا كان معايا بولونيز بس كانت حكايه والله وكنت مزبطها جدا جدا
كنت بجيب بيها 160 و 170(مع العلم ان كارونتها كانت بايزه)وكنت بحرق عليها وبسقط كمان وكانت بتجري ولما بعتها...والله كانت منزله من الشكمان حنفيه ميه وكبس المتور كان ممتاز (بعد الكشف عليه في البنزينه طبعا).
وده لاني كنت بحطلها زيت دلفاك بتاع الديزل او حتى ريميولا .الزيوت ده فعلا هيفي ديوتي للمواتير الي بتسخن او خفيفه.

طيب يعني اتوكل على الله وافتح المتور وانا وحظي ولا ايه رايكم اسقط موتور ايهالصح واقل تكلفه وفي نفس الوقت يمنع الدخنه دي؟ ارجوكم افيدوني؟ولو حد فيكم ينفع هو الي يعملي الموضوع ده انا ممكن اجيله لحد عنده ونشتغل في العربيه

رد: الماتور بياكل زيت اعمل ايه؟

الزيت التقيل بيجيب اجل الموتور بدري بدري
مواتير البنزين فيها مزانق و زيت الديزل ما بيقدرش يتوغل جواها زي زيوت البنزين
لذلك انصح باستخدام اي زيت متعدد و زيت شنبر افضل بكثير

رد: الماتور بياكل زيت اعمل ايه؟

من الاخر يا كبير ومن غير كلام كتير ...

موتورك بيطلع دخنه بيضاء مزرقة (سماوى) وبياكل زيت ..

يبقى بكل تأكيد محتاج طقم شنبر ...

وبما ان الموتور ناعم معاك ومفهوش ترزيع .. يبقى ده مؤشر كويس ان الموتور سليم من جوه وهيكتفى بطقم شنبر فقط باذن الله ..

النصيحة الصح بقى اللى حضرتك محتاجها :

حضرتك قبل ما تعمل اى شئ هتفترض الاسوء .. وهو ان الموتور حالته مش تمام ومحتاج خراطة شمايز او كرنك (وده احتمال ضعيف باذن الله) .. يبقى الصح ان حضرتك تجيب موتور استيراد بكل تأكيد .. لان فى الحالة دى الوتور مش هيكون استاندرد ومش هيرجع زى الاول ..

يعنى حضرتك تعمل حسابك انك ممكن تغير موتور .. وبعدين تروح لميكانيكى كويس يشتغل فى موتورك ..

لو فتح الموتور ووجد ان حالته كويسة ومش محتاج غير طقم شنبر فقط .. يبقى توكل على الله والحمد لله انها جت على قد كده .. وبكده هتتكلف فى حدود 500 - 700 جنية بالكتير باذن الله ..

اما لا قدر الله لو احتاج خراطة يبقى بلاش تصرف عليه وهات موتور استيراد نضيف وتوكل على الله وسقطه .. وطبعا حضرتك كنت عامل حسابك على كده ...

وربنا يوفقك يا غالى .. بس ابقى طمننا عملت ايه ....

رد: الماتور بياكل زيت اعمل ايه؟

كلام الاخ حسام البورسعيدي تمام التمام لو لقيت الموتور هيكلف اكتر من شنبريعني اكتر 700 جنيه انزل بورسعيد وسقط واحد استيراد بس خد معاك ميكانيكي بيفهم وربنا الموفق

رد: الماتور بياكل زيت اعمل ايه؟

اقتباس:

المشاركة الأصلية كتبت بواسطة jojojojojo (المشاركة 562571)

كلام سليم يا غالى ..

وفى حالة انك هتجيب موتور من بورسعيد انا ممكن ابعتك للميكانيكى بتاعى ينزل يجيبلك موتور ممتاز وممكن يسقطهولك كمان .. وهو ميكانيكى ممتاز جدا واضمنه برقبتى ..

بس ربنا ييسر الحال وتكتفى بنصف عمره فقط (طقم شنبر)