رد: العربية سخنت وطلعت دخان ......
 

بسم الله الرحمن الرحيم
دورة التبريد نوعين واحده مغلقه و النوع الثاني مفتوحه
في معظم العربيات الحديثة الدورة مغلقه بمعني انها تمر علي الموتور بعدة خراطيم و لا يوجد مكان لوضع المياة مباشرة بالرادياتير و لكن يتم وضع المياة بقربة المياه

دورة المياة المفتوحه و هي التي في السيارات القديمة و يوجد مكان لزيادة المياة في الرادياتير عن طريق غطاء الرادياتير او في القربة او كلاهما و الدورة بسيطه تتكون من خرطومين واحد لدخول المياة الي الرادياتير من الاعلي وواحد لخروج المياة منه من اسفل

دورة المياه المغلقه ضرورية للسيارات الحقن ( انجكشن ) و ذلك لتوفير درجة حرارة ثابتة للماكينة مناسبة لحرق كميات بسيطه من الوقود

سبب الثبات النستي لدرجة الحرارة في دورة المياة المغلقه عن طريق ثيرموستات ميكانيكي موضوع بداخل كوعة المياة الخارجه من الموتور ووظيفتة انه عند ادارة المحرك و هو بارد لا تدور المياة و تخرج الي الرادياتير قبل ان تصل درجة حرارتها الي 78 درجة مئوية و هو ما يؤدي الي ثبات درجة الحرارة نسبيا في الموتور في مدي من 80 و حتي 90 درجة مئوية

مشاكل دورة المياة المغلقة
1 - تلف في الثيرموستات الميكانيكي بالكوعه و ينتج عنه ارتفاع درجة الحرارة المفاجيئ بعد تخطي درجة 80 مئوية
2 - وجود هواء بدورة التبريد و يؤدي الي عدم سلامة عمل طلمبة التبريد و غليان الميه بالقربة و يتم سحب الهواء عن طريق ادارة السيارة و انتظار وصول درجة الحرارة الي 80 حتي يفتح الثيرموستات الميكانيكي و بالبحث في خراطيب المياة ستجد بلف سحب الهواء و هو غالبا عبارة عن مسمار يتم فكة و تزويد المياة من القربة حتي تمام خروج الهواء بالكامل
3 - عدم كفاءة غطاء القربة او احد الخراطيم او بلف سحب الهواء او الرادياتير به تسريب و كلها يمكن ملاحظتها بالعين و تكون ملاحظتها اسهل في حال ان المياة المستخدمة خضراء فيستدل علي تسريبها او اثر تسريبها حيث ان تعرضها للهواء و هي ساخنه يترك اثر مشابة لترسيبات النحاس يكون ماءل الي اللون البني المحمر
4 - عدم كفائة الثيرموستات الالكتروني الموجود بالموتور و المسؤل عن دوران المروحه او احتراق الفيوز او الكتاوت المسئول عن المروحة

بعيدا عن ماسبق و سبب الدخان هو تسريب الجوانات ووقوع الزيت علي الفرن و هو ساخن مما يسبب رائحة مميزة كريهه لاحتراق زيت الموتور
و سبب تذبذب الحرارة بسيارتك ان يكون الميكانيكي قد قام بازالة الثيرموستات الميكانيكي الموجود بكوعة المية علما بأنه مهم جدا في انتظام الاحتراق و ثبات اداء الموتور في الظروف المناخية المختلفه
و اي خدمة
م / سامح ليله

رد: العربية سخنت وطلعت دخان ......
 

الف شكر استاذ سامح :Wkiss5:

انا الحراره عندي دلوقتي تمام مش بتعلي عن بين الربع والنص
بس ساعات بتقل لما اهدي او اشيل بنزين هل ده عادي


ثانيا انا جوان وش التاكيهات باظ وشكله ساح لما سخنت وبتسرب زيت من حوالين الموتور وساعات بلاقيه من تحت الموتور
هل لو سبتها شويه علي كده علما اني بمشي بيها مشوار كل يوم حوالي 5 كيلو فقط
وراكنها طول اليوم
عادي ولا في مشكله

رد: العربية سخنت وطلعت دخان ......
 

اخطر الاشياء على الموتور هو السخونة والظاهر ان عدم انتظام التبريد قبل كده هو اللى سخن الموتور للدرجة التى ادت الى الضرر اللى وصفته
نصييييييييييييييييييييييي يحة ماتهملش الموتور ابد ابدا ابدا شوف ايه اللزم واعمله
لان مش من الطبيعى اللى حضرتك بتقولة (زيت من فوق وتسريب وجوان وش التاكيهات باظ...)
لا لا لا ماتسكتش على كده ابدا لا قدر الله مع الوقت حتى لو استعمالك خفيف ممكن الموتور يروح منك بسبب اللى حصل واللى ممكن يحصل
عامة مش عايز كلامى يخضك انا بس بنبهك جامد شوية عشان تهتم
وان شاء الله ماتتضرش اكتر من كده يا عم روميو

رد: العربية سخنت وطلعت دخان ......
 

:12C186~161::12C186~161:
جزاك الله خير

رد: العربية سخنت وطلعت دخان ......
 

الحمد لله ان الحراره بقت تمام ..

بالنسبة لجوان وش التاكيهات .. اعمله على طول افضل بدل ما الموتور يغرق زيت ويلب تراب ويبقى مش نضيف .. وكمان بدل ما الزيت يقعد ينقص معاك ..

وبعدين جوان وش التاكيهات ده ب 15 - 20 جنية تقريبا وانبوبه سليكون ب 7 جنية ومصنعيه 10 - 15 جنية وخلص الموضوع ..وريح دماغك ...

رد: العربية سخنت وطلعت دخان ......
 

ROSE4UROSE4UROSE4U

رد: العربية سخنت وطلعت دخان ......
 

الزيت هيقل من الموتور دي حاجه و الحاجه التانية انه هينزل علي الفرن و علي الشكمان و هتشم روايح مش كويسة و انتا ماشي بالعربية فالاحسن انك تغير الجوان هوه كله مش هيعمل 50 جنية