|
رد: لانسر 2012 ولا النترا 2012
اقتباس:
|
رد: لانسر 2012 ولا النترا 2012
انا معايه الانترا 2012
عربيه ماليهاش حل بس انا مجربتش الانسر هقولك الاول مميزات الانترا 1- شكل انسيابى اجمل بمراحل من اللانسر 2-رافاهيه عاليه جدا اللى معايه مش الفول اللى اقل بتعمل 130 الف 3- ثبات عالى جدا يعنى العربيه انا مجربها 200 او 180 كيلو ممتازه 4- استهلاك بنزين ممتاز230 كيلو اما عيوبها 1- الشكل الانسيابى ده بهدلنى فى الركنات كل شويه الفوانيس بالذات تتكسر علشان بارزه عن جسم العربيه 2- الصيانه مشكله علشان كل سنتين الالنترا بتنزل شكل جديد 3-العربيه كورى طبعا اقل كتير بالنسبه لليابانى دى خبريتى مع الالنترا بقالها شهر ونص معايه ياريت حد يكلمنا عن اللانسر وشكرا |
رد: لانسر 2012 ولا النترا 2012
النترا طبعا و بدون منافس عايز اقولك ان اخر مقارنة الانترا ضد هوندا سيفيك مش لانسر كانت النتيجة لصالح الانترا , النترا ومن غير تردد ان شاء الله
|
رد: لانسر 2012 ولا النترا 2012
خليك فى الجديد وهات الينترا وصدقنى مش بتفرق كتير من حيث الصيانة بس لما تيجى تبيع ما تخصرش كتير .
:1336::1336: |
رد: لانسر 2012 ولا النترا 2012
طيب يارجالة كدا فى ناس بتقول لانسر وناس بتقول النترا عاوزين نحسم الموضوع دة حد يكون جرب العربيتين ويعرفهم كويس ويمكسهم كدا ويعمل مقارنة حلوة بينهم عشان نقدر نحدد وانا متفق جدا مع الناس الى بتقول النترا حديثة وشكلها تحفة وتكنولوجيا احدث واعلى مفيش حد يقدر ينكر كدا نهائى غير لو متعصب دة موضوع تانى عشان كدا عاوزين من اصحاب العربيات يعملولنا مقارنة تحسم الجدال دة لائن احنا بنقارن الالنترا بعربية مشهورة وليها سمعة برضة يعنى مش بسهولة نقدر نحدد وفى نقطة فى صالح لانسر سعرها ارخص من الالنترا بمبلغ محترم يجيب عربية مستعملة تانية لوحدة و ربنا يجزيكم خير يارب على مجهودكم معايا الف الف الف مليار شكر ونورتوا الموضوع وكامل احترامى لكل الاراء والرجالة الى دخلت وشرفتنى وفى انتظار الحسم فى الموضوع ان شاء الله AHLNWSHALN
|
رد: لانسر 2012 ولا النترا 2012
اقتباس:
الموضوع ده شاغلنى انا كمان لدرجة انى من اسبوع رحت المصرية للسيارات واتفرجت على اللانسر وقررت اشترى وبعدين رجعت احترت لان الالنترا عجبانى جدا بس فيه حاجة لازم نحطها فى المقارنة و هيه ارتفاع العربية عن الارض عشان الطرق عندنا ذبالة ففيه ناس من المنتديات بيقولو ان الالنترا واطية شوية وخصوصا وهيه محملة فياريت حد يفيدنا فى النقطة دى انهى فيهم الاعلى؟ برده معلهش سؤال لحضرتك انت بتقول لانسر 2012 هيه نزلت مصر؟ عشان كل الموجود دلوقت 2011 ومش عارفين 2012 هتنزل امتى شكرا |
رد: لانسر 2012 ولا النترا 2012
بصراحه لو كيا سبورتاج لسه فى تفكيرك يبئى هى رقم واحد و بعدها الجيتا
بس لو مستبعد الاتنين دول و تفكيرك محصور بين الالنترا الجديده و الانسر يبئى الالنترا شكلها حلو اوى و الاوبشن بتاعها كتييييييييير الانسر بجد بيستعبطوا العربيه من 2004 وشكلها هو هو ومن ناحيه الثبات و الكلام ده هو فعلا للانسر بس يا سيدى الواحد مش على طول ماشى على 160 ده كل فين و فين لما الواحد بيعملها اما على السرعات الصغيره ما اظنش ان العربيتين بينهم اختلاف كبير و ربنا يوفئك:CHICKA~11: |
| الساعة الآن 06:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017