رد: اشترى ولا لا انا بجد محتار جداااااا
 

يا باشا والله عارف ان قطع غيارها غاليه .. بس معمره جدا .. عربية نضيفة واصيله "اوروبى" ...

وعلى فكره قطع الغيار ابتدت تنتشر بره التوكيل .. وانا اشتريت مرايه جديده كامله ب 200 جنية .. يعنى سعرها عادى خالص وكمان لقيت لها مقصات وحاجات فى العفشة متوفره ..

احسبها صح يا باشا .. الانوس اه حاجتها رخيصة ومتوفره بكثره .. بس قصاد كده هتحتاج صيانه كتير بالمقارنة بعربية زى اللوجان .. ده غير انك ممكن تلاقى فيها عيوب صناعة او اى حاجه تدايقك .. ده غير توكيل منصور اللى محدش شكر فيه قبل كده .. ده غير انها عربية غاليه اوى اوى اوى على مستواها .. وبجد انا رأيى لو مصمم على لانوس يبقى خليك فى الدايو الكورى وهاتها مستعمله وتكون حالة نضيفه وموديل حديث ..

نصيحة اخ لأخوه والله بلاش من الانوس خالص .. ولو شايل هم موضوع الصيانة وقطع الغيار ده هات فيرنا .. افضل بكتير من الانوس واوسع شويه وادائها افضل بكتير ...

رد: اشترى ولا لا انا بجد محتار جداااااا
 

هوة يابية بس مع احترامى ليك لية الفيرنا احسن فى موضوع الصيانة وقطع الغيار ثانيا انتا هاتجيب عربية مستعملة مهما بلغت درجة كفائتها بالزيرو مش عارف بس ماعلينا اخيرا اى عربية فى رينج ال 70 بتنزل فيها عيوب صناعة سواء الانوس والفيرنا واللوجان
خد منى بقة يا اخ سمسم انا لسة جايب لانوس 2012 جميلة جدا ومريحة جدا ربنا يباركلى فيها ومريحانى جدا وجايبها من شهر ونصف يمكن عيبها بس انها واطية شوية بس سدقنى مريحة جدا وواسعة وقطع غيارها نزلت اسال عليها فى المنصورة لقيتها عند السباك كما الموديل الجديد مغيرين فى الكاسيت الكاسيت جميل والازاز الفامية مديها شكل بصراحة حلو وعربية جراية وفراملها فى الموديل دة كويسة يعنى انا مش بحب الجرى اوى واخرى مشاوير جوة البلد كمان عيب تانى صاجها ورق شوية بس بيتحمل بس ورق انا لمجرد واد تخين ركن على الرفرف جامد شوية حتة صغيرة منة دخلت لجوة هاعملها فى التوكيل باذن الله فى صيانة ال 5000 بس نصيحة لو عاجباك اتوكل على الله وهاتها عربية كويسة وتقفيلها مش وحش على فكرة دى معيايا اة وعلى فكرة مافيش عيوب صناعة ولا حاجة معيا اهى بقالها شهرين ومافيش حاجة وحشة الحمد للة يعنى اة كمان حاجة ماتسمعش اللى يقولك الدايو كانت احسن من الشيفرولية لان انا معايا وكويسة وعربية اعز اصحابى دايو و 99 ومش لاقى فرق يذكر بين الاتنين سدقنى واخيرا اوعى تجيب مستعمل هات زيرو انتا اول ايد ونصيحة اتوكل على الله وهاتها كويسة جدا واللوجان هاتقرفك فى قطع الغيار لانها غالية ومن الاخر كدة كلة بيتحك وبيتخبط يبقة لية توجع قلبك سدقنى اوتكل على الله .... اة نسيت الفيرانى فى الانوس الجديد حلوة ابقفة اتفرج عليها هاتعجبك

رد: اشترى ولا لا انا بجد محتار جداااااا
 

اعتقد ان الانسبلك لانوس او فيرنا خصوصا انك لسة جديد فى السواقة عشان متتعبش فى انك تلاقى حد بيفهم فى العربية ساعة الصيانة
انا معايا لانوس 2010 والحمد لله مريحانى جدا

رد: اشترى ولا لا انا بجد محتار جداااااا
 

كان عندنا لانوس موديل 2000 زيرو وقعدت معنا 9 سنوات ماشاء الله طبعا كانت دايو
دلوقتى الشركة جابت واحد زيرو الشكل زى ما هو التافيل اصبح اسوء والحالة مش مريحة بس هى اقتصادية نصيحة سيبك من شيفوليه لانوس وخش فى لوجان او ام11

رد: اشترى ولا لا انا بجد محتار جداااااا
 

يا باشا الف مبروك العربية وربنا يباركلك فيها ويحفظهالك من العين ومن شر الطريق يا رب ..

مبدئيا انتا فهمتنى غلط فى موضوع الفيرنا احسن فى الصيانة .. انا اقصد اقول انه لو عاوز عربية قطع غيارها رخيصة يخليه فى الفيرنا افضل بكتير من الانوس ..

ولكن انا شايف ان نصيحه لوجه الله تعالى اللوجان افضلهم بدون ادنى شك ومعلش لما ادفع زياده شويه فى الصيانة قصاد انى اركب عربية مرتاح فيها وواسعه وعاليه وشيك واوبشنز اعلى واعتمادية اكبر وثبات ممتاز والاهم تكون شكلها جديد مش بقاله 15 سنه ..

اما لو شيلنا اللوجان من الموضوع يبقى الافضل الفيرنا لان معتقدش ان فى ميزه واحده تتفوق فيها الانوس على الفيرنا ...

عموما اهم شئ صلاة الاستخاره وربنا يوفقك لما فيه خير ليك .. وباذن الله تشترى العربية اللى تلاقى نفسك معاها ...

رد: اشترى ولا لا انا بجد محتار جداااااا
 

خليك في اللوجان عربية كويسة و محترمة و مين قالك قطع غيرها مولعة بالعكس دي قطع غيرها عادي جدا جدا جدا
و كمان شكلها احلي من اللانوس و عاليه عن الارض علشان بجد لما هتجيب عربية زيرو و انت ماشي بيها تحك في المطبات هتضايق جدا .. عن تجربة مع والدي معاه فيرنا و شوف يا معلم ال بيحصل فيها من المطبات خليك في الحاجة المحترمة زي اللوجان و ال قالك قطع غيرها غالية ممكن يكون غلطان انزل بنفسك واسال في التوكيل
ولك مطلق الحرية تقبل تحياتي

رد: اشترى ولا لا انا بجد محتار جداااااا
 

لا انا مش معاك ان الفيرنا احسن من الانوس بالعكس اولا الفيرنا ضيقة جدا من جوا لانى ركبت الفيرنا ستين مرة تاكسى لانها منتشرة جدا فى المنصورة جدا يعنى فا لو اتنين ركبوا ورا خلاص العربية اتقفلت من ورا وكمان بتبوس المطبات بوس كدة الانوس الجديدة بكررر الجديدة مديل 2012 ياريت تشوفها لانى كنت زيك بقول على الانوس واطية لا هما معلينها شوية من ورا ادى نقطة كمان مما لاشك فية ان الانوس اعلى شوية من الفيرنا وتقريبا على فكرة فى المنصورة هنة الاتنين قطع غيارهم واحدة فى السعر ( انا بتكلم بحكم خبرتى وخبرة المكان اللى انا عايش فية ) اة كمان اية اللى بتتفوق علية الفيرنا عن الانوس مش فاهم يعنى ماتورها اقوى شوية طب واية يعنى هاتستفيد اية من عربية بتجرى بس مابتقفش بس فى الناحية التانية فرامل الانوس اة مش جامدة اوى لكن بالتاكيد مسعفة اكتر من الفيرنا يعنى يعنى افضل شوية لكن الاتنين اكيد فراملهم مش اد كدة لكن الانوس بالتاكيد افضل شوية لانى ركبت الاتنين على فكرة انا لما اتعملت سواقة اتعملت على فيرنا ولما جبت جبت الانوس فا انا بكلمك بحكم خبرتى يمكن ان الفيرنا ابعادها اسهل شوية فى السواقة وبتبقة قاعد شايف الدنيا حواليك بعكس الانوس شوية لكن بردة ابعاد الانوس مش سيئة اوى ....
انا شايف يا اخ سمسم لو هاتجيب عربية كدة من الاخر وانتا يعنى من بيرفكت فى السواقة يعنى وبتخاف من التكاليف وتكاليف التصليح يبقة خليك فى الانوس وفى رايى اى عربية مهما بلغ قائدها من حنكة فى السواقة فى البلد الجميلة بتاعتنا بتتخبط يعنى فا احسنلك هات الانوس
اولا : قطع غيار عند السباك وبرخص التراب
ثانيا :اعتمادية وكويسة وواسعة من ورا على فكرة انا كنت مركب اربعة ورا فى فرح وكانت كويسة مش ضيقة ابدا
ثالثا :حمارة شغل
رابعا : بقة واهم حاجة سعر اعادة البيع للمستهلك المصرى اكيد بتتفوق على الوجان بمراحل ونفس سعر اعادة البيع تقريبا للفيرنا
خامسا :بقة السباك بيفهم فيها مش هاتروح لحد يقولك لو عطلت من يعنى على طريق سورى ماعرفش ومابفهمش فى اللوجان
واخيرا بقة توكليها مش سيى انا اتعاملت معاهم هنة اللى فى طنطا كويسين جدا ومتعاونين يعنى ماشوفتش حاجة وحشة بالعكس واسعارهم اكيد اكيد اكيد اكيد افضل من توكيل اللوجان النصاب
فاتوكل على الله فى الانوس الجدية 2012 وشوف الفيرانى سدقنى هاتعجبك مع الازاز الفامية وماتنساش تامن عليها سدقنى كويس فى الظروف دى
اخيرا انا نفسى افهم لانى ركبت اللوجان اية الاوبشنز اللى فى اللوجان مش موجودة فى الانوس او حتى فى الفيرنا يعنى ماشوفتش بلوتوث ولا شوفت كاسيت خرافى يعنى ولا شوفت تكيف تاتش ولا شوفت يعنى حاجة اية بقة الاوبشنز كل حاجة مش فى مكانها وتوفير التوفير يعنى فى كل حاجة تابلوة فقير جدا جدا اية الاوبشنز اة نسيت اير باج هوة دة الابشن اللى فيها يعنى بتتكلم علية زيادة عن الانوس والفيرنا اة يمكن مش عارف بس فى الكثير من الاحوال الاير باج بيبقة عيب مش ميزة يعنى وانتا عارف سعر قطع غيار اللوجان فى التوكيل لو وديتها التوكيل والاير باج اتفتح بالغلط يعنى انى واى انا مش بقارن لاسمح الله بس فعلا كلهم عربيات موفرة من الفئة الاقتصادية اللى بتبقة كل حاجة فيها توفير تابلوة توفير كاسيت توفير وحتى العربية توفير