مصر موتورز مجتمع السيارات - المختصر المفيد في الإلانترا الجديد

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - المختصر المفيد في الإلانترا الجديد (https://www.masrmotors.com/vb/showthread.php?t=71148)

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة star over (المشاركة 545121)

ارجوك بس متتكلمش على السعر لان لو اتكلمنا على السعر هاتلي عربية واحدة في مصر سعرها مش غالي .. العيب مش على هيونداي العيب على حكومتك .. انا معرفش مواصفات العربية ايه بس فيها 2 ايرباج وخاماتها مش رديئة ولا حاجة مش عارف انت شايل منها ليه كده :) العيب مش على العربية العيب على حكومتك اللي بتغلي الجمارك وطبعا غبور ما بيصدق يغلي اسعار العربية وينهب فيها

ليه يافندم ما اتكلمش عالسعر ؟؟
منا عارف ان كل العربيات في مصر غاليه وعارف الجمارك و...و...و...
والعيب فعلا مش على غبور العيب علينا احنا دايما بنحب نصنع إله في كل حاجه حتى العربيات
بنضحك على نفسنا عشان مانقولش ان احنا بنقرطس نفسنا بنفسنا:010104~171:

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة fineart607 (المشاركة 545127)

على فكره يا فندم انا بحس ان لما عربيه كورى او صينى تنزل حلوه تلاقى بتوع اليبانى واللألمانى بيزعلو كانهم مش عايزنا نركب عربيات حلوه والله اعلم ههههههههههههههه:funny25:

وماله ياسيدي ؟ يارب السوق يتفتح وقبل السوق الناس عقولها تتفتح وتعرف تحكم ك price over value يعني يشوف هيدفع ايه وهياخد بيه ايه
يعني اكيد مش منفسنين من هيونداي مثلا, وانا ماقلتش انها هتعطل في اول الف كيلو, انا كلامي واضح جدا بس حضرتك ماخدتش وقتك عشان تقراه

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة MOSTAFA SALLAM (المشاركة 545155)

للأسف والله سعر العربية مبالغ فيه جدا ليه يعنى اروح اشترى عربية كورى ب التمن دة طب ما انا عندى رينو فليونس عربية ممتازة و شكلها خراااااااااافى و تكنولوجيا بى ام و مستوى امان عالى جدا و توكيلها احسن توكيل فى مصر حاليا و على الأقل اسمها رينو عربية اوروبى مش كورى !!! .
و عندك تيوتا كورولا مثلا او فور فوكس او لانسر قرش ....الخ
و دول انضف من الألنترا مليـــــــــــــــــون مرة و انا روحت و اتفرجت على العربية و فعلا الخامات رديئة جدا على عربية بالسعر دة هى حلوة على عربية ب 80 - 90 الف انما عربية بالسعر دة تعتبر رديئة جدا و كمان مستوى الأمان يعتبر معدوم فيها ايه يعنى ABS دى العربيات الصينى دلوقتى فيها ABS و ايه يعنى اير باج واحدة للسائق يا باشا الفليونس فيها 6 اير باجز تقريبا و كمان بقى انا شايف ان الكيا سيراتو افخم و اشيك منها و دة رأى و اختلاف الرأى لا يفسد للود قضية و لو اتفقت الأراء لبارت السلع و كل عام و انت بخير :THE_PR~18:

طيب خد بالك بقى أحسن يقولوا عليك مش عايزهم يركبوا عربيات حلوه هههههههههه
والله العظيم انا كنت عارف ان معظم الردود دي هتتقال اول ما انزل الموضوع
لكن فعلا وانا بالف عالعربيه دي حسيت اني بكلم بتوع بطاطا, او اني انا بتاع البطاطا لما سمحت لنفسي اني اسيب اي حد فيهم يشتغلنا الاشتغالات دي :)
وانا نسيت كمان الفليونس وعالاقل مش هكون راكب تاكسي, وحتى السيراتو الكيا زي ماحضرتك قولت تقفيلها عموما انضف
لكن, كل واحد في دماغه فكره, اللي مقتنع ان قطع غيار الكوري رخيص هيفضل مقتنع بكده, حتى لو صيانة العشرين (مثلا) كلفته ألفين جنيه, او حتى لو لقى الفانوس ب 2500 برضه هتفضل في دماغه نفس الفكره
وكل عام وحضرتك بصحه وسلامه

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة miam0502788391 (المشاركة 545157)

اى اشتغالة والسلام
الراجل بيقول ان الديسكات بتعوم العربية وان الفرامل الطبلة(القابقبيب) احسن ....عجبى؟؟
احنا شعب الفهلوة

لا والله احنا بس بنحب ونموت قوي انهم يشتغلونا
لو جيت لواحد ستريت وقلتله دي اغلى عشان كذا ودي ارخص عشان كذا مش هيقتنع
لازم تلفله رأس الرجاء الصالح وتجيبهاله يمين وشمال وتدفعه دم قلبه عشان يمشي مبسوط وميه ميه:CHUBBY~36:

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة AboNoRa (المشاركة 545165)

تحياتى لصاحب الموضوع واتفق معاه تماما

ونقول كمان ،،

هيونداى ناجحة برة بانها بتقدم عربيات عملية فيها اوبشن كتير بسعر منافس
وبره العربيه بتتقارن بالهوندا التويوتا عادى جدا وبتتفوق عليهم

هيونداى هنا سعر كبيييييييير واوبشن قليييييييييل جداً
لكن الميزة الحقيقية لهيونداى هنا انها ماسكة سعر وقطع الغيار والصيانة فى كل حتة

لكن الكلام ده كله ينطبق على العربية فى الفئات الصغيرة يعنى انا رائى اخرها 120 وكده تبقى تستاهل انها اغلى شوية من السيراتو

لكن الفئات اللى معدية ال 130 ديه انا شايف انها اوفر برايس اوى مقارنة بالكماليات والفئه
والفئات اللى معدية 150 الف بصراحة تهريج لان بالسعر ده تخش فئه اكبر واوربى بمواصفات وكماليات اعلى بكتير من الالنترا

خاصة انها مش هتديك اى تميز عن اللى راكب اختها باقل 30 الف جنية

اشكر مرورك الكريم واحب اضيف ان الفكره مش في انها ماسكه سعر وبس
الفكره ان احنا سوق اشاعات والناس بتصدق بدون مابتعمل لا دراسه للسوق ولا للعربيه
والله انا كنت بكلم بتوع المبيعات على موضوع الديسكات ورا كانوا بيبصولي كأنهم اول مره يسمعوا الكلام ده او كأني مجنون مثلا
يعني الناس بتجيهم يشتروا منهم على اي اساس انا مش فاهم ؟
عاجبه شكل العربيه ؟ طيب اوك شكلها الخارجي حلو وخطوط وبتاع طيب وبعدين ؟؟ يافرحتي !!!
ده اشترى العربيه الفلانيه وده اشتراها اه يبقى حلوه انا كمان هشتريها !!!
وفعلا لو يشوفوا نفس العربيه بره, حاجه تانيه خالص وفيها كل حاجه وأرخص من كل العربيات اللي في نفس الفئه, لكن هنا تحس ان وهما بيتعاقدوا عالشكل الجديد في المصنع بيقولوا ( شيل منها كل حاجه يابني البقر كده كده هيجروا عليها) وعموما مبروك عليهم لأنها فعلا دلوقتي شبه خلصت من السوق:286:

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة hishastat (المشاركة 545350)

شكرا على هذا التحليل الجيد، ولكن أود أن أوضح ما يلي :
1 -- السيارات التي تباع في الخارج مختلفة تماما عن تلك التي تباع في مصر.
2 -- وأنا أعلم أن السيارة الكورية يحتوي على جميع مواصفات السلامة والأمان (أقراص الأمامية والخلفية، ABS ، EBD ، BAS ، لا يقل عن 6 أكياس هوائية ،.. إلخ)، بالإضافة إلى خيارات مثل تعمل باللمس ، وفتحة سقف مكيف /... إلخ مع سعر أقل من 90000 جنيه في كوريا.
3 -- أنا أعرف أن درجة الأمان لهذه السيارة هو 4 من 5 مثل هوندا سيفيك على سبيل المثال.
4 -- إن المشكلة في مصر في معدلات ضرائب ضخمة إذا particularely نحن نعلم أن تحسب هذه المعدلات لمواصفات السلامة أيضا. كيف!!!!!!!!؟
5 -- وفيما يتعلق الأسعار ، وتباع السيارة مع نفس الأسعار من هوندا سيفيك وتويوتا corrola.. إلخ.
6 -- أنا أعيش في انجلترا ولقد قرأت جميع الآراء من أصحابها. لم أجد أي شكاوى حول هذه المشاكل وذلك لسببين : مواصفات السلامة والسعر الصافي.

الرجاء أخي، قل لي من خلال تجربتك هل هو سيارة جيدة في حالة الحصول على هذه المواصفات مع السعر حوالي 145 آلاف في مصر أم لا؟ مع جزيل الشكر

أستاذي الفاضل
انا قبل ما اجي مصر كنت عايش في الخارج برضه
وانا في مصر من 2002 وعارف موضوع الجمارك
ولكن 160 ألف ده مبلغ ومبلغ كبير كمان, ممكن تركب بيه رينو فلوانس, سيات ليون, ممكن تزود شويه وتركب جولف, وكل ده زيرو جديد مش مستعمل
لو عندك استعداد تركب كسر زيرو هتلاقي امثله اكتر طبعا
يعني ال الانترا الجديده دي بصراحه في مصر ك price over value هي صفقه فاشله بكل المقاييس للأسف

رد: المختصر المفيد في الإلانترا الجديد

بجد بشكرك جدا جدا جدا ع الموضوع وانا متفق معاك جدا لان مجرب وعارف دة كويس وفاهم الفرق بين العربية برة مصر وجوة مصر .

بس اسمحلى انى اختلف معاك فى مسألة السعر ... مش لان هما صح واحنا غلط ... لا علشان للاسف دة بقى وضع طبيعى وبقى صعب نغيرة لانة مرتبط باقتصاد الدولة باكملها ..

تانى حاجة اسمحلى بردة اختلف معاك فيها .. الالنترا الجديدة عربية جميلة فعلا ومحرك قوى وثبات عالى بغض النظر انها مش كاملة جوة مصر دى حاجة تانية انا بتلكم ع العربية نفسها .

اللانسر شارك وتويوتا الشكل الجديد فاشلين فاشلين فاشلين ودة رأى انا ومش معنى كدة انهم فاشلين فعلا فى ناس شيفاهم كويسين ورأيهم واجب عليا احترامة وع راسى من فوق.

ثانيا .. موضوع الاوبشن والامكنيات والكلام دة ... دة بالذات بادينا بس محتاج اننا نقف وقفة رجالة بجد قصاد الوكلاء .. يعنى سعر ومش معترضين بس نزلها كاملة وخلى عند الى جابوكو دم

انا نفسى حاجة واحدة بس تحصل .. نفسى الناس تبطل تجيب من التوكيل وتخليهم يخبطوا دماغهم فى الحيط ... ولو ع الصيانة وربنا ما فى احسن من الصنايعية فى مصر وبرقبة بتوع التوكيل .

التوكيل حافظين مش اكتر بيجيلهم مع العربية كتيب صيانة بيذاكرو منة .

انا لما جبت عربيتى من برا جبت الكتاب دة بيشرح فية كل حاجة بالتفصيل الممل واجزاء العربية بالمسمار

ضماااااااااان .... الضامن هو الله يعنى من الاخر لو مكتوبلك العربية يكون فيها حاجة هيكون فيها حاجة حتى لو منين .. ولو مكتبلك العربية هتتصلح هتتصلح حتى لو ملهاش صيانة اساسا .

بس الموضوع محتاج مننا ارادة وعزم واننا ناخد القرار فعلا.

لو ع قطع الغيار هنجيبها منهم عادى ونركبها احنا بمعرفتنا طيب هحكيلكم ع موقف بسيط حصل معايا ...

انا عندى حساس الاية بى اس فى العربية باظ .. وبرنامج بتاع عربيتى اصلا مش موجود فى مصر ... بس بالصبر والتعاون وشوية تعب جبت البرنامج .. وكشفت عليها بالكمبيوتر وعرفت العطل فين بالضبط .

روحت التويكل علشان اجيب الحساس لقيتهم بيسألونى س و ج ونمرة العربية

قولتلهم لية فى اية علشان كل دة .. قالولى علشان ندخل العربية قولتلهم انا مش عاوز ادخلها هات قطعة الغيار وبس ... وجبتها وركبتها ومسحت الايرور وكلة تمام بفضل الله

ملحووظة اخيرة .. الكلام دة بيعبر عن رأى ومش معنى دة انة رأى هو الصح والباقى غلط .. جميع الأراء ع راسى من فوق وبحترمها واى حد يحب يعترض ع كلامى باسلوب حضارى انا تحت امرة