المشاركة الأصلية كتبت بواسطة horas3000 (المشاركة 52501)

العفو يا ياشا و انا في الخدمة دايما

طبعا المقارنة بين السيدان و الجيب محسومة طبعا و كويس انك عارف ان فيه فرق عشان تاقلم نفسك. كنت عايز الفت نظرك ان الباثفيندر الحديدة كبروها و بقت في حجم الباجيرو و البرادو و اعتقد ان سواقتها بقت زيهم و القديمة منصحكش بيها لان العربية ده متورها قوي زيادة عن اللزوم غير انها ابعد حاجة عن الفخامة و الراحة. اما الباجيرو فهي وحش خارج الطرقات و مش بتاعت جري خالص و هي تفرق عن السيدان كتييييير و اعتقد عشان كدة معجبتكش و ده هيبقي نفس شعورك في العربيات اللي زيها زي البرادو و الباترول و اللاندكروزر و ان كان دول مواترهم اقوي فخليك في الكروس اوفر احسن.

معلش بس انا شايف ان الكابريس كبيرة بما فية الكفاية عشان تشيل عائلات كبيرة و مش شايف ان الجيب هيفرق معاك من حيث النقطة دي انا كنت فاكرك عايزها عشان طبيعة شغل او حاجة تانية و بصراحة انا حاسس انك مش هتستريح مع الجيب حسب ما فهمت من كلامك.

بالنسبة للطوارق فهي في المتوسط يعني لا رخيصة و مش غالية اوي و بتعتمد علي العطل نفسه و اغلي حاجة فيها القطع الخارجية زي الفوانيس و المرايات و الاكصدامات الخ اما قطع غيارها مفعقولة و مناسبة للكاتيجوري دي من العربيات و الميزة انها متوفرة عند بهبهاني الوكيل الحالي و فؤاد الغانم توكيلها سابقا و في اختلاف في الاسعار بين التوكلين و ده مصلحة و طبعا لازم تفحص العربية كويس قبل ما تجيبها

انا لسة عند و عدي في التجارب الكايين و المورانو دول موجودين عندنا و الطوارق مع جوز اختي و ممكن انسق معاه لو عايز تجربهم فعلا ده بلاضافة للاوتلاندر طبعا. انا نمرتي 97860605 كلمني و نظبط مع بعض ده احنا حتي جيران و هي تعدية الشارع



الله يخليك و يكرمك يا باشا
و الناس لبعضيها برضو خصوصا في الغربة

المشاركة الأصلية كتبت بواسطة bmkbmk (المشاركة 52511)

كلك ذوق يا باشا و الف شكر لكرم اخلاقك
و هى الناس كلها بتشكر فى الباجيرو فعلا فى البر بس هى فعلا مش بتاعت جرى و سرعة و كد و الف شكر يا باشا على النصائح الغالية عن الجيبات التانية

بالنسبة للكابريس يا باشا هى فعلا واسعة و مريحة و انا عيلتى مش كبيرة ولا حاجة دا انا و مراتى و بنوتين صغيرين فيه واحدة منهم لسة ماشفتهاش علشان عمرها 3 اسابيع بس :) و اتولدت فى مصر الفكرة يا باشا ان الكنبة ورا بقى فيها خلاص 2 كرسى بيبى و الشنطة فيها 2 عربية بيبى يعى تخيل راحين سيتى سنتر مثلا ولا كارفور علشان نجيب حاجةا الشهر .. صدقنى هيبقى فيه مشكلة و كل حاجة هتبقى فوق بعضها .. لو انت متجوز هتحس بيها لكن لو لسة عاذب يا باشا مش هتحس بيها :) الفكرة فى الجيب يا باشا ان الشنطة هتشيل زى ما انت عايز و كمان الكابريس فيها مشكلة انها واطية على الارض و قاعدة العجل بتاعتها طويلة فا لو العربية فيها 3 او 4 بتحك فى المطبات العادية دى بتاعت شارع المطاعم... بس هى دى الاسباب اللى مخليانى عاوز اغير .. يمكن تكون اسباب عبيطة شوية :) بس هى فعلا مضايقانى فا مش عاوز اغير و اندم بعد كدة .. و معلهش يا باشا بجد ان حاسس انى وجعت دماغك معايا سامحنى

هو فعلا اللى هيحسم الموضوع هو تجربة العربيات اللى انا بفكر فيها و الحمد لله انك طمنتنى على قطع غيار الطوارق

و انا ليا الشرف يا باشا انى اكلمك و نتقابل بس انا بصراحة مش عاوز اعملك قلق و دوشة دماغ و انا كدة كدة ان شاء الله لسة هنزل اجازة و ارجع و بعدين ابدا ادور
فا انا هكلمك اظبط معاك و الف شكر مرة تانية ... بجد كلك ذوق