رد: النترا 2012 مانويل ولا اوتوماتيك
 

يبقى على كلام حضرتك بقى يبقى صح الى قلتة فى الاول ان الناس هنا عندها عقدة الخواج بتاعت الالمانى واليابانى رغم ان انا لما كانت معايا الرينو فى الاول خالص كانت حلوة بس لما جبت النيو اكسنت كان فرق كبير جدا بين دى ودى حسيت ان النيو اكسنت افخم واهدى على الطريق وتجميعها رهيب والثبات ممتاز ممتاز لحد 200 كيلو ومزعل بيها عربيات كتير جدا ودية عربية كورى والى قبل منها فرنساوى اة الفرنساوى كانت حلوة وبتجرى وكل حاجة بس مش زى الكورى خالص يبقى انا كدا ان شاء الله حتوكل على الله واكيب اوتوماتيك استيبترونك وفعلا حرام ادفع كل دة واجيب مانيوال الف شكر لحضرتكم كلمك ولسرعة ردكم عليا وسرعة الاستجابة والمعلومات بجد انتم كلكم ناس محترمين جدا جدا وربنا يجعلة فى ميزان حسناتكم شكرا

رد: النترا 2012 مانويل ولا اوتوماتيك
 

يأستاذ المفروض مع التطور دة تكون كل السيارات اتوماتيك ويبطلوا المانيوال وانا ايضا معي النترا 2009 اتوماتيك والله ما دخلت ورشة ميكانيكي حتى الان واجمل ميمكن في القيادة والراحة

رد: النترا 2012 مانويل ولا اوتوماتيك
 

ربنا يطمنك خصوصا ان حضرتك زى مذكرت معاك العربية من 2009 اوتوماتيك ومادخلتش ورشة ميكانيكى بسم الله مشاء الله ربنا يعطيك خيرها ويكفيك شرها ان شاء الله الف شكر على رد حضرتك

رد: النترا 2012 مانويل ولا اوتوماتيك
 

انا مش معاك فى حتة عقدة الخواجه دى لان دى مش عقده اصلا لان دا عن تجربة ويمكن انتا مش بتحس بالحتة دى عشان العربية زيرو بس بعد سنة من الاستخدام هتحس بالكلام دا وهاتعرفه عملى فى السحب بتاع العربية لوهاتشترى اتوماتيك زيرو بعد سنة بالظبط ويمكن اقل اركب نفس العربية اللى انتا راكبها بس تكون لسه طالعه من الصاله وشوف الفرق فى السحب وقولى واكيد المانيوال هيا اللى عقده بقى بالنسبة للى مابيعرفش يسوق المانيوال يعنى مايعرفش حاجه عن السواقه .

رد: النترا 2012 مانويل ولا اوتوماتيك
 

بص ياباشا
اولا فى ناس بتحب المانيوال و محدش يقدر يولمهم فى كده
انا عن نفسى بعشق القياده المانيوال على الرغم طبعا فى بعض الاوقات لازم يكون اوتو عشان الزحمة و خلافه
انا معاك ان الاستربتونيك حل المشكلة بس بردو المانيوال لة طعم خاص
ثانيا فكك من اللى بيقولك الالمانى (شوف عيوب الاوتو فى الجيتا) و اليابانى (شوف عيب الاوتو اللى كان فى الكورولا) . الكورى طالع لفوق امريكا بس استوردت مليون و 300 الف عربية هيونداى و كيا السنادى يعنى عقدة خواجة
يعنى مكنتش هتشوف كل عربيات هيونداى دى كلها لو عربية فاشلة
اخيرا العربية هتديك كل الخيارات مانيوال ماشى. اوتو شغال بس طبعا حرام تجيبها مانيوال مش عشان هتدفع كتير لا عشان العربية 6 سرعات يعنى هتزهق لما توصل للغيار السادس عشان كده توكل على الله و هات العربية ربنا يباركلك فيها ان شاء الله
العربية انا ركبتها بجد جميلة جدا :286:

رد: النترا 2012 مانويل ولا اوتوماتيك
 

يا راجل اتوماتيك طبعا!!! و بالذات العربيات الستيب ترونيك... متعة

رد: النترا 2012 مانويل ولا اوتوماتيك
 

اتوماتيك طبعا
والكورى مانيوال دى كانت فى التسعينات