المشاركة الأصلية كتبت بواسطة hossamhussein0 (المشاركة 536388)

يا باشا تعالي نفكر فيها سوا

انت كل اللي هتعمله في ضفيرة العربية هو عمل كوبري علي سلك الكهرباء بتاع الكنترول و سلك الطلمبة بتاعت البنزين فقط لا غير ، يعني مافيش احتمال لبوظان اي حاجة ، ولو حبيت تلغي الكلام ده كله هتوصل السلك في بعضه تاني ، يعني الموضوع في اللذيذ

التكلفة
هتشتري وحدة سنتر بـ 120 - 150 ج مثلا و هتدفع مصنعيات كام يعني 30 - 40 ج بالكثير ،، يا سيدي لو ماعجبكش الموضوع اهي وحدة السنتر هتنفع في اي حاجة ثانية مش غرقة يعني

تعالي بقه نفكر في الايجابيات

هتنام و انت مطمن و هتركن في اي حته و انت مطمئن انك علي الاقل مش هتنزل ماتلاقيش العربية لا قدر الله

اذا ما تعرضت لموقف بايخ زي ما بنسمع حوالينا سطو مسلح و قطع طرق و نيلا و قرف (لا قدر الله) فانت تنقذ حياتك و كمان تنقذ سيارتك ....

يبقي نعمل القصة دي ولا لأ ؟؟؟؟

زملائي الاعزاء في المنتتدي الغالي ،،، أؤكد لسيادتكم ان هذا الموضوع هو عمل خاص لوجه الله تعالي عسي ان ينفع احدنا و ننال ثواب الدعاء و اكبر دليل علي ذلك ان الفكرة مشروحة بالتفصيل و ممكن تنفذها عند اي حد و ججهاز السنتر هتشتريه من اي حته يعني انا ماليش اي مصلحة علي الاطلاق الا ان افيد غيري كما استفيد من الاخرين

المشاركة الأصلية كتبت بواسطة hossamhussein0 (المشاركة 536385)

الكهربائي اسمه الاسطي محسن و عنوانه تقاطع شارع 22 مع شارع منشية التحرير - عين شمس و هوه راجل كبير في السن و مخضرم و بيتقي الله في عمله و مصنعياته اقل من السوق بكثير - كل مشكلته انه بطئ شوية و بيفتح المحل مش قبل 12 ظهرا و بيشتغل يوم الاحد و بيرتاح يوم الجمعه روح عنده و قوله انا من طرف الحاج حسام و عاوز اعمل كذا كذا

بس ياريت تشتري جهاز السنتر قبل ما تروح علشان هوه معندهوش

المشاركة الأصلية كتبت بواسطة medo1919 (المشاركة 551367)

شكراً لك أخي الكريم, بارك الله فيك وجزاك كل خير