رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

لية حد بامكانيات غبور لا يقوم بتصنيع بعض من كماليات السيارت مش هنقول انة يصنع عربية رغم انى ارى انة لو مش هو ال بداء بتجميع وصناعة عربية فى مصر هيكون مين غيرة
لية غبور الى الان رغم انة بيصدر عربيات الى افريقيا لم يقوم بعمل مصنع كبير لة فى مصر ويزيد من عملة فى مصر فى صناعة السيارت

اكيد ده هيحصل بس في الحاله اللي الاقتصاد العالمي فيها دلوقتي صعب جدا نتكلم في حاجه زي كده
ومشروع زي اللي حضرتك بتتكلم فيه محتاج اكتر من رجل اعمال لانه بيحتاج ميزانيات ضخمه جدا ومحتاج دوله تشرف عليه ( يعني رئيس جمهوريه ...
ووزير نقل ومواصلات يقدر ياخد قرار
وحكومه واوضاع امنيه تؤمن لرجال الاعمال اموالهم ومشاريعهم


تنصحنا باية لتوجة كلمتنا كمستهلكين وتجار وموزعين لغبور

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

بسم الله الرحمن الرحيم

الاجابة: انجلترا

انا ذكرت المثل ده قبل كده و حذكره مرة تانية

لما تجار السمك في انجلترا حبوا يرفعوا سعر السمك بسبب او لاخر جميع المستهلكين في وقت واحد و بدون اتفاق بينهم قاطعوا سلعة الاسماك و مع تزايد خسائر التجار اضطروا الى العودة للسعر القديم و لكن المقاطعة استمرت و اللي اتخرب بيته في الاخر هو التاجر الحرامي الجشع اللي حاول يستغل حاجة الناس لزيادة مكاسبه

و بعد مرور 80 سنة من الموضوع ده لا يزال السمك هو السلعة الوحيدة التي لم يرتفع سعرها حتى الان في انجلترا...

في ناس بتتعلم الدرس بالايزي واي و ناس لازم تتعلم بالهارد واي

لو احنا معلمناش التجار الجشعين الدرس بالهارد واي احنا اللي حنتعلم الادب ...

و للاخ العزيز محمود او مستر مامو

لما بتتكلم عن تاجر مكسبه كان 500 جنيه غير صاحب توكيل مكسبه كان 2 مليون جنيه في الشهر و باقى مليون و ربع

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

يا جماعة بمشاركتى حبيت اوصل شى مهم للجميع ولاستاذ محمود
هو وضحوا المشكلة فى اية فى نقاط وضحة واستاذ محود سعتها يدلنا نوصل صوتنا ازاى انما نجلس نقول غبور غالى غبور جشع من غير منكون محددين طيب انا هقولكم مثال بسيط
احنا الشعب المصرى لو غبور باع عربية فرنا 55 الف برضة هنقول غالى وحرام وبيكسب كثير
وكمان عايز اقولكم شى مهم غبور بيسكسب مليارات وصدقونى مصريفة كبيرة جدا
بس مش دة المشكلة
واستاذ محمود لما ذكر المال فى الاول ذكر ارقام بسيطة علشان الناس تفهم
لان لما انت بتشتغل فى راس مال كبير مصاريفك والتزماتك بتكون اكبر

علشان كدة انا بناشد اننا نحدد اية المطالب وازاى نوصل صوتنا لغبور فى مصر او حتى لشركة الام
وطبعا مينفعش نروح نقول لغبور انت غالى كدة وخلاص ولا نقول للشركة الام ان الوكيل فى مصر غالى كدة وخلاص
لازم نحدد

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

بصو الخبر الجديد ده كده


نخفضت قيمة الجنيه المصري أمام اليورو بنحو 1.6% عن مستواها في الأسبوع السابق ليبلغ سعر اليورو 8.087 جنيه مصري، وذلك حسب النشرة الأسبوعية الصادرة عن مركز المعلومات ودعم اتخاذ القرار التابع لمجلس الوزراء تحت عنوان "اتجاهات الاقتصاد". وانخفضت قيمة الجنيه أمام الدولار أيضا بنحو 0.04% عن مستواها في الأسبوع السابق ليصل سعر صرف الدولار 5.956 جنيه مصري، كما واصل أيضا الجنيه انخفاضة أمام الجنيه الاسترليني بنحو 0.8% ليصل سعر الجنيه الاسترليني إلى نحو 9.315 جنيه مصري.
وتراجعت ايضا قيمة الجنية المصري مقابل المائة بحوالي ين الياباني 0. 1% ليبلغ قيمة المائة ين الياباني بنحو 7.761 جنية مصري .
أما بالنسبة لأسعار صرف العملات الأجنبية، فقد انخفضت قيمة الجنية الاسترليني أمام الدولار بنحو 0.2% .
بينما ارتفعت قيمة المائة ين الياباني مقابل الدولار الأمريكي بنحو 0.1% عن مستواها في الأسبوع السابق.











ايه رايكوا في الكلام ده

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

الاخ الفضل/Mr.Mamo لك الشكر علي هذا الموضوع الهام والشائك-واحب ان اوضح ان النقد للصالح العام لا يلغي الاحترام والتقديرابدا مهما كانت سخونة النقاش-وفي الموضوع:مثال حضرتك لا يصلح ابدا للشركات الكبيرة المحترمة انما يصلح لمنشاة صغيرة صاحبها ينتظر الارباح اخر الشهر/السنة للانفاق علي اسرته والارباح هنا ليست ارباح بالمعني المحاسبي/الاقتصادي لها انما هي فائض متبقي للمالك لكي يعيش هو واسرته-والمثال به خلط للمفاهيم فالضرائب ليست من اعباء الشركة وانما هي توزيع للارباح-ويوجدخلط اخر في المثال بين التكاليف والمصروفات وسياسة التسعير التي بموجبها يتم تحديد سعر السلعة تعتمد علي التكاليف فقط دون المصروفات وهذا يتم في كافة شركات العالم-التكاليف هي كافة ما ينفق علي السلعة لتصبح جاهزة ومعدة للبيع وهي نوعان متغيرة وثابتة-اما المصروفات فهي كافة ما تنفقه الشركة بعد ذلك في سبيل تسويق وبيع السلعة وما تنفقه علي الاعمال الادارية بصفة عامة ومن ثم فالمصروفات نوعان تسويقية وعمومية/ادارية-والحسبة كالتالي:الايرادات-التكاليف=مجمل(هامش)الربح-المصروفات(تسويقية/ادارية)=صافي الربح||وسياسة التسعير تعتمد علي حساب التكاليف للوصول لتكلفة الوحدة الواحدة من السلعة لتصبح جاهزة ومعدة للبيع وسعر السلعة=تكلفة الوحدة+نسبة معينة من هذة التكلفة تمثل هامش الربح للوحدة-هذا الهامش هو الذي يساهم في تغطية باقي النفقات التسويقية/الادارية وصولا لصافي الربح-وبعد الوصول لصافي الربح يتم حجز جزء منه كاحتياطيات لمقابلة اي ظروف طارئة قد تحدث في المستقبل والباقي يتم توزيعه بطرق ونسب معينة طبقا لقوانين الشركات-المهم في الموضوع ان سياسة التسعير في اي شركة محترمة لا يجب ان تتاثر الا بتكلفة الوحدة(التكلفة بدون المصروفات)............... ......................... يتبع (الموضوع له بقية)

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

لو عاوزنا نتكلم بعقلانية ok

العربيات الجديدة كلها موديل 2012 زي الالنترا واكسنت ار بي والفيلوسترنزلت وظهرت بالظبط بعد الثورة يعنى بعد الازمة المالية والجنيه كان مضروب بالنار ادام كل العملات التانية والسعر كان مثلأً 5 قروش بهامش ربح مثلاً 1 قرش مكسب
بعد العربيات باشكالها الجديدة دي ما خطفت عيون الناس وسبحان الله السعر ابتدى يعلى اكتر بسبب زيادة الطلب وليس بسبب العملة المصرية (على فكرة الجنيه لما بيشد حيله مفيش عربيات بينزل سعرها تانى) فى الوقت اللى المفروض السعر ينزل فيه ليه... اقولك ليه لان الجنيه الى حد ما استقر (اكتر المتفائلين كان فاكر ان الجنيه ادام الدولار هيوصل لـ 8 و9 جنيه كمان) وكمان طبقاً لنظرية الجملة والخصومات كل ما غبور هيستورد اكتر كل ما تكلفة العربية الواحدة ما تبقى اقل بالنسبة له
يعنى لو 100 عربية ب 500 قرش وعمالة 5 قروش ومصروفات اخرى 5 قروش يبقى العربية الواحدة واقفة تكلفتها بكم ... صح بـ 5.1 قروش فلما يبع العربية بـ 6 يبقى هو كسبان 0.9 قروش فى العربية
طيب لو استورد 500 يبقى التكلفة الاجمالية ليهم كام... تبقى 2510 قروش وتكلفة العربية الواحدة 5.02 قروش ويبعها بـ 6 يبقى كسب كام .. يبقى كسب 0.98 قروش يعنى المكسب بيزيد لما الكمية بتزيد
فكمان هو عاوز يرفع السعر يبقى هو عاوز يكسب الطاق 2 او 3 او حتى 10

وعلى فكرة لو راجعت سجلاتكم كويس هتلاقى معظم - ان لم يكن كل - الناس اللى مشتريين موديلات جديدة مشتريينها تقسيط
يعنى الفلوس دي مش زايدة عن حاجتهم ولا حاجة
وكمان لما تيجى تقارن عربيات غبور بالعربيات فى نفس الفئة السعرية تلاقى ان العربيات التانية تتفوق بمراحل كبيرة جداً عن عربيات غبور فى حاجة مهمة جداً وهى الامان يعنى ABS , Airbags, EBD & Stabolity

كمان العربية دلوقتى بقت بتساوى بالنسبة لبعض الناس السلع الاساسية
ولو مش مصدقنى جرب انك تنزل انت والمدام والاولاد لمدة اسبوع واحد بس من غير العربية وشوف هتصرف كام وشوف البهدلة هتبقى اد ايه

يمكن انا خرجت شوية فى المطع الاخير عن الموضوعية بس دي برضه حقائق ولازم تتقال

يبقى السبب الوحيد اللى انا شايفه من وجهة نظرى ان ارتفاع اسعار عربيات غبور ملوش لازمة على الاقل فى الظروف اللي البلد فيها يمكن لو كانت ظروف البلد اتحسنت ودخل الفرد زاد طبعاً مع ثبات الاسعار كان ساعتها ممكن يكون فيه مبرر كويس

الحلول من وجهة نظري:
1- اعادة دراسة السوق المصري
2- التركيز على العميل اللى لسه مشتراش من غبور ومعرفة الاسباب
3- الاهتمام اكتر بخدمة ما بعد البيع
4- الاهتمام بالامان اكتر من النواحي الشكلية بس
5- عمل استفتاء عام ولو لمرة واحدة بس يطلب فبه من الناس كلها تحديد القيمة العادلة لعربيات غبور مع الاسباب

سامحنى لو التعبير خاننى فى حاجة من اللى كتبتها بس انت طلبت اراء وحلول وانا مكنش اقولهم من غير ما اوضح اسبابي

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

بل وصل الامر بكثير من الشركات المحترمة ان تستبعد من التكلفة(التي يتم علي اساسها تسعير الوحدة) تستبعد منها تكلفة الطاقة الغير مستغلة(فلو المصنع طاقته القصوي انتاج4مليون وحدة مثلا وهو ينتج3مليون اذا فالطاقة غير المستغلة هنا الربع ويحدث هذا غالبا في ظل ركود السوق او حدوث ظروف طارئة ادت الي تخفيض الطاقة المستغلة كما هو الحال في المثال الذي ذكرته سيادتكم) فيقوم المصنع باستبعاد ما يخص(نصيب)الطاقة الغير مستغلة من التكلفة الثابتة التي تدخل في تسعير سعر بيع الوحدة علي اساس ان المستهلك ليس له ذنب في تحمل خسائر الظروف الطارئة وتكلفة فشل ادارة الشركة في استغلال هذة الطاقة الغير مستغلة(مش يااما تسرح العمال يا اما الزبون يدفع) ويتم تحميل تكلفة/خسائر هذة الطاقة الغير مستغلة ضمن مصروفات الادارة اي تحميلا علي/خصما من هامش الربح لانها تخص ادارة الشركة وتعبر عن فشلها في استغلال الطاقة المتاحة كاملة بسياسات التسويق الناجحة او فتح اسواق جديدة او اضافة سلعة/نشاط/خدمة جديدة لسلة انشطة الشركة او ان هناك مبالغة من الاساس في حساب وتوفير طاقة قصوي لا يستوعبها السوق(فشل دراسات الجدوي) وهذا ليس للمستهلك ذنب فيه- انظر كيف وصل امر احترام الشركات المحترمة لنفسها ولمستهلكيها-بل انظر الي ذكاء الشركات في حساب وتقدير ظروف السوق الطارئة فلو حدث وقلت المبيعات لركود السوق تقوم بوضع سعر للوحدة(مؤقت)علي اساس تحليل يسمي تحليل نقطة التعادل وذلك بتسعير الوحدة مؤقتا علي اساس التكلفة المتغيرة فقط وتستبعد كافة التكاليف الثابتة من حسبة التسعير من منطق ان اي هامش ربح يضاف للتكلفة المتغيرة(اي هامش)سوف يساهم في تغطية جزء من التكاليف الثابتة التي سوف تتحملها الشركة اصلا سواء يوجد بيع ام لا(انظر كيف انه لزاما علي الشركة ان تتحمل التكلفة الثابتة حتي في حالة عدم وجود مبيعات لانها مثلا لاتستطيع ان تسرح العمالة المدربة التي انفقت عليها الكثير لتدريبهم فالظروف مؤقتة ولا يمكنها ان تحمل المستهلك اعباء ذلك بدون ذنب مش يااما تسرحهم يااما الزبون يدفع)وهذا الاجراء يساهم في تقليل خسائر الظروف الطارئة التي هي اساسا عبئ علي ادارة الشركة وليس المستهلك - وطالما وصلنا الي ذكر الخسائر فمن المعلوم ان ارباح اي مشروع هي عائد المخاطرة اي ان اي استثمار ينطوي علي وجود احتمال ارباح/خسائر والربح هو عائد المخاطرة براس المال وتعريضه لاحتمالات الخسائر وظروف السوق ليست مواتية دائما لصالح الشركة فخسائر الظروف الطارئة احتمال وارد وبالتالي فلا بد ان تستخدم الارباح السابقة(المحققة في الاعوام السابقة) في تغطية خسائر الظروف الطارئة ومن هنا جاء وجوب تكوين احتياطيات من الارباح لمواجهة هذة المخاطر فلا يجب باي حال من الاحوال ان يتحمل المستهلك هذة المخاطر واعبائها نيابة عن الشركة التي حصدت الارباح في الماضي والان ترفض ان تتحمل اعباء المخاطر بالرغم ان الارباح التي حصدتها كانت مقابل تحملها هذة المخاطر واعبائها فتقوم الان بتحميلها للمستهلك في صورة زيادة سعر البيع دون وجود مبرر متمثل في زيادة التكلفة وليس المصروفات (بمنطق الحلوة لى والوحشة لكم ) والا فان الشركة سوف تفقد سمعتها في السوق وتفقد مستهلكيها -نقطة اخيرة فقد اثار اهتمامي رد حضرتك علي العضو الفاضل الذي اراد ان يوضح ان السبب في غضب المستهلكين هو فقدان الثقة بناء علي التجارب السابقة في غلو الاسعار دونما مبرر- ردكم يمكن اختصاره في الاتي: ان هذة هي الحقيقة كما قلتها انا ( انا هنا المقصود بها المنتج/المستورد) ومن لا يصدق هو حر (دون نقاش او تعليق او تحليل) لانني لن احلف علي المصحف والدنيا لن تقف علي احد(احد هنا المقصود بها المستهلكين )اي ان من لايشتري الدنيا لن تقف عليه في غيره 85مليون لانني محتكر(في كافة اسواق العالم لا يوجد حاجة اسمها حلفان علي مصحف او انجيل او توراه بل يوجد قواعد/اسس/مبادئ/اعراف اسواق/خطط/استراتيجيات/تحليل/........) الذي اثار اهتمامي ان هذا الرد يوضح بصورة جلية سياسة المحتكرين في تعاملهم مع المستهلكين في مصر بالرغم من ان ارباحهم من المستهلكين وهنا نضع مليون خط تحت كلمة مصر لان المحتكر في اي دولة في العالم لا يتعامل بهذة السياسة اطلاقا بل سياسته سعر عالي نعم لكن لا يزيد عن السعر العادل الا بمقدار تكلفة النقل من اقرب دولة بها منتج مماثل وفي المقابل يلتزم بجودة عالية وخدمات ما بعد البيع عالية وقطع غيار بسعر عادل (مش لو جبت اي سيارة جديدة وقمت بفكها قطع غيار باسعار اي وكيل ستجد ان سعرها تم ضربه في 5اضعاف علي الاقل -هل يعقل ان سيارة ثمنها200000 جنية وثمن الفتيس فقط74000جنية-سيارة ثمنها80000جنية والكوبلينفقط7500والفانوس امامي3500) المهم ان المحتكر في الدول المحترمة يقوم بهذة السياسة لكي يحافظ علي الاحتكار والا فان القوانين بالمرصاد كما ان السوق العالمية مفتوحة وواسعة والاحتكار يستمر فقط في الاجل القصير اما في الاجل الطويل فان انفتاح الاسواق يجعل السوق يلفظ المحتكر الردئ .وشكرا واسف علي الاطالة.