رد: مابل اسباير و الانجلون و عجز ابو غالي عن اصلاحها
 

السادة الأفاضل
السلام عليكم ورحمة الله وبركاته

شفت ردود كتير وكلام أكتر عن السيارات الصينية الصنع الحقيرة والتى ترد إلينا من أفقر دولة فى العالم وأكثرها ضحكاً على ذقون المستهلكين .. وده حسب كلام بعض الناس
ولى رد فى كام كلمة ولو سمحتم لى .. مش حاقول ان السيارات الصينى مكسرة الدنيا فى مصر أو خارجها أو أنها راس براس زى الالمانى ولا أى حاجة .. ولكن .. هى قلة قطع الغيار وعدم انتشار العربية حكر على السيارت الصينية وحدها؟ وهل عجز التوكيل عن صيانتها برضه حكر عليها لوحدها؟
يا جماعة الخير .. من كان يؤمن بالله واليوم الآخر فليقل خيراً أو ليصمت
وبعدين ... شوفوا الأول مصداقية التوكيل وبعدين اتكلموا عن العربيات سواء صينى أو غيرها
وبعدين شوفوا برضه ان فيه ناس كتير عندها عربيات صينى من سنة 2005 وربنا مبارك فيها ..مش برضه كنتم بتقولوا مش حاركب صينى الا بعد 3 ولا 5 سنين؟ فيه عربيات صينى دلوقت عملت ما يقرب من 200 الف كم ولسه ماشية

وحاجة كمان نفسى ابوح بيها لكل من يتحدث هنا .. احنا فى منتدى عام وكل من يتحدث سواء بيطرح سؤال او بيناقش شكوى بيكون بيلتمس العون من أخوان له .. لكن عاوزه يسأل نفسه .. وبصراحة .. بيعمل ايه بعربيته؟ فلوسها حلال؟ بيصونها عشان تصونه؟ ويشوف بالمرة ما يمكن يكون محسود للأسف .. لأن فعلا الكحكة اصبحت فى يد اليتيم عجبة ومنهم لله من يحسدون غيرهم ويتمنون زوال النعمة من أيديهم

وولله الأمر من قبل ومن بعد فى وكلاء وتجار جشعين وفاسدين ونظام لا يراعى ابسط حقوق مواطنيه .. وشعب يمد يد الشماتة والاستهجان ولا يمد يد العون والنصح
وفعلا .. حمارتك العارجة تغنيك عن سؤال اللئيم

ولإدارة المنتدى كلمة أيضاً ... أنا عمرى 38 سنة وبادخل يومياً لأقراً الجديد هنا ... فإن كان للإدارة سلطة فى حذف الكلمات التى تسىء لنا نحن ملاك الصينى من نوعية كلمات زبالة .. أو غيرها أو اننا انضحك علينا .. فرجاء إلغاء المشاركة تماماً لأننا مش أطفال حتى نسمع من الصغار كلمات مثل هذه، لأن عيب كده بجد، وكمان حتى لا نفقد ثقتنا فى إدارة منتدى أعتقد أنه حتى هذه اللحظة محترم وصمم لخدمة أهل مصر كلها وليس ملاك فئة سيارات بعينها رغم ما نراه أيضاً فيها من عيوب

ولكم جزيل الشكر والتقدير

رد: مابل اسباير و الانجلون و عجز ابو غالي عن اصلاحها
 

يا جماعه تم بحمد الله حل جميع المشاكل
مهندس الورشه الجديد محترم جدا و شاب كله ذوق و دخلت الورشه معاه وقام بتصليحها جميعا و بالمجان
و اسمه المهندس شادي
و فعلا تم اصلاح السياره بالكامل والصراحه انا بعد كده سافرت بيها الغردقه رايح جاي و مفيش اي حاجه و جبت بيها 200 و العربيه ثابته و مفيش فيها مشاكل الحمدلله بس المشكله اني اتلقط رادار رايح جاي :(
بجد تسلم ايده المهندس شادي

رد: مابل اسباير و الانجلون و عجز ابو غالي عن اصلاحها
 

[QUOTE=ابو ياسين الشيمى;550064]
هو حصل اتفاق متبادل ولا ايه يا استاذ احمد ؟

فى مقابل الاهتمام وتصليح السيارة حضرتك تنزل توضيح ان السيارة اتصلحت وكله تمام ؟

لان انا شايف حضرتك بتشكر كمان فى العربية مش فى ابوغالى بس وبتقول جبت بالعربية الـ 200 رغم ان السرعة القصوى لها فى الكاتلوج 160 ده غير ان حضرتك قلت انها بتسخن من اول يوم والمؤشر بيجيب 120 حرارة وغيره كتير

وبعدين حضرتك ما شرحتلناش بالظبط هما عملوا ايه وغيروا ايه وايه اللى حصل معاك لان السيارة بتقول اتركنت عنهم شوية

طبعا انا فقط بسئلك وارجو الرد بكل صدق لان دى مصلحة الجميع

هل اى شخص اخر هايروح الصيانة هايصلحولوا كل حاجة فيها ؟
علما بأنك رافع شكوى فى حماية المستهلك كما قلت
وهل تنازلت عنها ؟

أشكرك وتقبل تعليقى بصدر رحب من اجل مصلحة الناس كلها والكلمة امانة امام الله

رد: مابل اسباير و الانجلون و عجز ابو غالي عن اصلاحها
 

[QUOTE=ابو ياسين الشيمى;550064]
يا استاذي الفاضل كل اللي حصل :
تم تغيير مروحه الموتور و مروحه الكومبرسور
تم تغيير سنسور الحراره
تم تصليح سنسور a.b.s , وتنظيفه
بالنسبه للسرعه هي فعلا في الكاتلوج 160 و لكن العداد فيه لحد 220 و فهلا العربيه ثابته لحد 200 و انت يا باشا ممكن تيجي و تشرفني و تجربها و سوقها كمان عشان تصدق كلامي
وانا تحت امرك و جربها وبالنسبه لقطع الغيار انا عرفت مكان اخر غير التوكيل متخصص في استيراد قطعها فقط

رد: مابل اسباير و الانجلون و عجز ابو غالي عن اصلاحها
 

[QUOTE=hamadaz;550187]اشكرك على الرد واتمنى ربنا يباركلك فيها

رد: مابل اسباير و الانجلون و عجز ابو غالي عن اصلاحها
 

انا مش فاهم الاخ hamadaz قاعد يطلع القطط الفاطسة فى التوكيل والسيارة وبقدرة قادر اتحول الراى الى اشادة بالتوكيل والسيارة هى مش ديه السيارة اللى كنت عايز تبيعها وتخلص يا جماعة الشفافية ارجوكم :dzy:

رد: مابل اسباير و الانجلون و عجز ابو غالي عن اصلاحها
 

يا باشا المشكله ان في اصلاح جديا حدث و لو عاوز تجرب العربيه و مش مصدقني شرفني