|
رد: حد عندة تفسير للفديو دة
والله انا مش شايف ان الفيديو دة فية اى مشكلة ... فعلا ناس شايفة شغلها
معلش احنا كلنا ايام اللجان الشعبية اى بلطجى بيتمسك كان بيتعمل فية كدة واكتر وبعدين يا فرحتى لما اعاملة قانونى واحبسة وبعدين يخرج يمارس نشاطة تانى وهو بينضرب لية لانة مش بيتكلم ولا عاوز يعترف جايب السلاح منين والاشكال دى مينفعش معاها الا كدة وكل الى بيحصل فيهم حلال ولا احنا بس نعد نعيط ونقول فين الشرطة لو شفنا عيل بمطواة فى الشارع ولما الناس تشوف شغلها نقول دة اية الظلم دة ... والله حاجة عجيبة ياريت قبل اى كلام نقدر ان الناس دى راحت واتضرب عليها نار وبتموت فى اليوم الف مرة علشان تمسك بلطجى زى دة واحنا اعدين فى بيوتنا فياريت نقدر دة كويس اة الشرطة فيها فساد وفيها ظلم وفيها ضرب وفيها افترى بس الى بيحصل فى الفيديو دة ولا هو ظلم ولا هو افترى والصح ان اى بلطجى مش يتحاكم ... لا دة يتعدم فى ميدان عام دة بلطجى يا ناس يعنى واحد بيسرقك وبيقتلك وبيعرض حياتك وحياة اسرتك كلها للخطر منتظر منه اية مثلا لما تعاملة كويس بجد انا مبقتش فاهم احنا بنفكر ازاى |
رد: حد عندة تفسير للفديو دة
لو واحد كان اتاذى منهم مكنش هيدافع عن الاشكال الزباله دى
|
رد: حد عندة تفسير للفديو دة
اولا بشكر كل الاخوة الى قالو رايهم ...وكنت احب ان ناس تقرا اللى بين السطور وهو من وجهه نظرى
ان الفديو واضح جدا تعمد التصوير فية لان كان فى عسكرى تانى بيصور والكلام دة ادام عين الظباط يعنى عارفين ان الفديو دة بكرة هايكون فى ايد الناس كلها وبيوصلو رسالة معينة ان احنا زى محنا ونفس الاسلوب ويا ويل اللى هايمسك صحيح اللى ممسكوين دول مجرمين لكن يظل فى مخيلة اى واحد انة لو حتى اتمسك باى حاجة تافهه وصغيرة ممكن يتعمل فية كدة ...... تانى حاجة احب اقولها ان الاتنين المجرمين دول اتحكم عليهم واحد بـ 15 سنة والتانى 10 سنوات وهو دة اللى انا عاوزة مش بدافع عنهم ولا حاجة بس فعلا هو دة الجزاء المطلوب لكن تعذيب وضرب دة اللى انا بستنكرة فى احد الاخوة الكرام بيقول ان دول لو متعملش فيهم كدة هايخرجو يقتلونا احنا وانا بقولة ابدا دول مظبوطين بسلاح.....ياخدو عقابهم على اد التهمة انما مش لازم بقى ضرب واساليب زمان اعترف ياض وجبتهم منين وبعتهم لمين وياخدو اهلة وامة ومراتة عشان يعترف انما لو فى فعلا عمل منظم مش هيحتاج لتعيذيب عشان يتمم باقى القضية |
رد: حد عندة تفسير للفديو دة
اتقوا الله وبلاش كلام كله جهل بالدين وبالقانون وبالاعراف الاخلاقية حتى
ده اللى بيبقى اسير حرب ميصحش يتعامل كده واللى عليه حكم الاعدام لا يصح انه يهان او ينكل به ونهينا على المثلى او التمثيل بالجثث ده حتى لطم او ضرب الوجهه منهى عنه تماما لان ربنا كرم بنى ادم وده الاسلام وديه الاعراف وده القانون الدولى والمحلى ايه الفتاوى والاحكام اللى عمال اقراها ديه ولما البهايم اللى المفروض تمثل القانون هم نفسهم اول ناس تخرقة وتنكل بمتهم (مازال برى الى ان تثبت ادانتة) وواحد تانى يقولك اضربهم بالنار ،، بالذمة يبقى ناقص ايه فى الجهل مش فينا طب وايه لازمتة التعب والاقسام والمحاضر والقواضى والمصاريف ما احنا ندى للشرطة طبنجات وراشاشات واللى يلاقوه مش عاجبهم يضربو بالنار على طول فى ساعتها حتى يبقى اكثر ادمية من التعذيب |
رد: حد عندة تفسير للفديو دة
ياراجل ده حتى فى الافلام العربى كان يجيبلك الظابط اللى بيعذب كده ليه هيبة ويقعد يعذب فى المسجون بنفسه لكن 4 ولا خمس ظباط جيش وشرطة قاعدين يضربو فى اتنين بالقفا ويكرهبوهم فى ودانهم
بالزمة ديه رجولة ولا ديه ديه فروسية فعلا الاحرار يبكون شهدائهم والعبيد يبكون جلاديهم |
رد: حد عندة تفسير للفديو دة
فعلا الاحرار يبكون شهدائهم والعبيد يبكون جلاديهم
جميل هذا التعبير,وعشانه اتشتمت فى هذا المنتدى لما قلت مامعناه اننا نشرب بقه لومازلنا ننظر الى القائمين على الحكم نظرة المنقذين على الرغم من جميع اخفقاتهم,بل والوقوف الى جانب الطاغية فى محاكمته,للأسف بقيت انا قليل ادب ,ولكنى كل ذلك لايعنينى وما يهمنى هنا هو ان تعرف الناس الحقائق ولاترضى المهانة ولا الأذلال وتعرف انه لاقيمة لأمة لاتحترم شعبها .... |
رد: حد عندة تفسير للفديو دة
اللي ايده في النار مش زي اللي ايده في الميه الساقعة:125935~148:
|
| الساعة الآن 11:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017