رد: حد جرب منفاخ الكاوتش اللى بيشتغل على ولاعة السيارة 12 فولت
 

بصراحة ممتاااااز جدا وعملى جدا
انا اشتريت واحد... اتنين بستم من حوالى شهر ب 300 جنيه من سعر 320 بالسويس
حاسس ان التاجر ضحك عليا بس قلت انا محتاجه ومش خسارة الفلوس فيه علشان البهدلةعند تغيير الكاوتش واهو فرق المواصلات لو جبته من القاهرة
اليكم مواصفاته :-
ـــــــــــــــــــــــــ ـــ
صينى الصنع
اتنين بستم
قدرته 150 psi ولو اعلى من كده يبقى احسن طبعا
يوجد عداد مثبت على الجهاز لمراجعه وضبط ضغط الهواء بالاطارات
يوجد كشاف طوارىء مثبت بالجاهز احمر اللون يعطى اضاءة ثابتة او متقطعه
يعمل على بطارية السيارة وليس الولاعه وده مهم جدا لان الذى يعمل على الولاعه تكون قدرته وكفاءته ضعيفه
يوجد معاه اتنين بلف ادابتر للاستخدام فى نفخ مختلف الاغراض من كور وعجل ومراتب هواء وقوارب هواء الخ
اول استعمال ليه ان الفردة اليمين الامامية كانت نايمة على الاخرفوجئت بها بعد انتهاء عملى
ركبت الجهاز وفى خلال دقيقتين كانت منفوخه للمعدل المطلوب( وبدون رفع العجلة بالكوريك ) عن الارض وكله عال العال
ورحت مدور العربية ورايح على ورشة لاصلاح الكاوتش كشفت على العجلة طلع البلف مشروخ لان اليومين اللى فاتوا كانوا شديده الحراة راح مغيره بخمسه جنيه
الخلاصة ان الجهاز عملى جدا وريحنى بدل بهدلة تغيير الكاوتش او السير بالسيارة والكاوش نايم مما يتلفه...كمان ممكن تراجع ضبط الهواء فى كل عجل السيارة فى اى وقت تشاء دون الذهاب لورش الكاوتش

الملاحظات ايه ياترى
_______
لاتستخدم الجهاز اكثر من عشر دقائق متواصلة يعنى لاتشغل الموتور او الجهاز اكثر من عشر دقائق متواصلة دون ايقاف :w6w200504112245306e
اذا لزم الامر اتركه فترة ليبرد ثم عاود الاستعمال
ان تحتفظ بالجهاز بوضعه الطبيعى وليس مقلوبا او على جنبه وذلك طبعا على مااعتقد للمحافظة على زيت الضاغط فى مستواه الطبيعى
بلاش تشتروا منفاخ هواء واحد بستم لانه ضعيف :12F099~16:
والغالى تمنه فيه رغم ان كله صينى الصنع
يفضل خلال استعمال المنفاخ توقف السيارة تماما عن العمل يعنى افصل كونتاك السيارة
لاحظ ان قراءة عداد الجهاز بتكون اكبر وهو شغال عما هو متوقف والقراءة الحقيقية تكون عند ايقاف الجهاز عن العمل وهو متصل بالعجلة
علشان كده انا باسيب الجهاز يقرا اعلى خمس درجات عما هو مطلوب وبعدين اوقفه
واذا كانت القراءة اعلى فعلا من المطلوب اقوم بفك بلف الجهاز قليلا سنة سنة يعنى افك واربط بلف الجهاز لتسريب الهواء الزائد عن المعدل المطلوب وبعدين اقوم بفك البلف مرة واحدة لما اوصل للمعدل المطلوب
وبكده اكون وصلت لضغط الهواء الحقيقى المطلوب واكون انتهيت من العمل:lvly:
وبعدين اجمع كابلات الجاهز واحفظه مع الشنطة الخاصة به والمرفقه معه عند شراءه
كما سبق القول بوضعه الطبيعى وليس على جنبه او مقلوبا
اسف للاطالة وارجو ان اكون افدت الجميع
وتقبلوا وافر تحياتىROSE4U

رد: حد جرب منفاخ الكاوتش اللى بيشتغل على ولاعة السيارة 12 فولت
 

فعلا كلام الاستاذalmohaor صح جدا وانا كنت عاوز اقوله بس انا اشتريت منه اكثر من قطعة اخرها من حوالى شهرين من سوق التوفيقية القاهرة كان بحوالى 220 جنية تقريبا ولو حد عاوزنى ارفع له صورته تحت امره وعلى فكرة انا مشترى الاجهزة دى من اكثر من 10 سنوات وكانت بتبوظ بسرعة وبعد شراء الجهاز ال2 بستم الصينى الحمد لله ادائة قوى ومستحمل والجهاز مفيد جدا

رد: حد جرب منفاخ الكاوتش اللى بيشتغل على ولاعة السيارة 12 فولت
 

رد: حد جرب منفاخ الكاوتش اللى بيشتغل على ولاعة السيارة 12 فولت
 

الصينى اللى فى مصر
شغال
حسب نظرية
انت وحظك
يا يعيش العمر كله
يا ينخع منك من أول نظرة
انا بقى مسكت العصاية من النص
شفت الموجود
خدت فكرة
وبعت جبته من السعودية
مع اخويا وهو نازل
بس ايه
منفاخ انسى
ما لوش حل
برده الحاجة اللى بره ليها رونق ولمعه وكفاءة غير عندنا

رد: حد جرب منفاخ الكاوتش اللى بيشتغل على ولاعة السيارة 12 فولت
 

طيب معلش ممكن استفسار اولا هو فيه فرق بين انه يكون بيشتغل علي الولاعة او انه بيشتغل علي البطارية مباشرة بكابلات ثانيا هو مافيش خوف من انه و هو شغال علي الولاعة يكون حمل زيادة يخلي الفيوز يضرب مثلا و لا بيبقي عادي لان انا كنت هجيبه بس واحد ابن حلال خوفني من النقطة دي و شكرا لحضراتكم علي الموضوع المميز

رد: حد جرب منفاخ الكاوتش اللى بيشتغل على ولاعة السيارة 12 فولت
 

اسف على التاخير بالنسبة لشغله على الولاعة مفيش مشكلة خالص
وده صورة الجهاز الى عندى
http://www13.0zz0.com/2012/08/10/12/708115206.jpg
http://www13.0zz0.com/2012/08/10/12/708115206.jpg

رد: حد جرب منفاخ الكاوتش اللى بيشتغل على ولاعة السيارة 12 فولت
 

بس اعرف منين اذا كان الجهاز 1 بستم ولا 2 بستم ؟؟؟ و الاقى البستم ده فين فى جهاز نفخ الكاوتش ؟؟؟