أستاذ الكريم أنا كنت فى نفس الحيره اللى كنت إنت فيها ، ما بين الأوكتافيا فانتازيا و الفلونس والجيتا .
الجيتا فيها مشاكل للركب ، هى منظر وبس وبالتالى إستبعدتها ، أما الفلونس فهي عربيه لا غبار عليها ، ولكن فيها عيبين ، الأول أنا قطع غيارها أغلى من الأوكتافيا ، الثانيه أن العربيه رغم إسمها العريق وكماليتها إلا إنها مجرد ما بتعلق نمر سعرها بيروح فى خبر كان ، على العكس من الأوكتافيا اللى بتحفظ سعرها كغيرها من العربيات الألمانى أو اليابانى ، يعنى تشترى الفلونس بـ170000 وتبيعها بعد سنه بـ 130000وطوب الأرض يقطم فيك وإنت أما الفانتازيا تشتريها بـ 200000وبعد سنه ممكن تبيعها بـ 190000أو 185000 وإنت واقف مش بتدلل عليها .
الأوكتافيا عربيه أنا بصراحه مكنتش حطتها فى بالى ، لولا إن ربنا هداني بعد إستخاره ليها ، والحمد لله عربيه لا غبار عليها ، وكل يوم بكتشف فيها مزايا أكثر من اللى قبله.
أول فئه من الأوكتافيا الفانتازيا فيها كماليات أكثر من الفلونس ، وممكن حضرتك تفكر فى الخليجى ، بصراحه أفضل من المصرى بألف مره وكماليات مش موجوده فى المصرى ، وبالنسبه للضمان ممكن تضمنها فى التوكيل مقابل 7000جنيه أو عند شركات الضمان مقابل 2000 جنيه لمدة سنتين أو 40000كم.
وأخيرا إبعد عن المازدا 3 أنا معايا مازدا3 ، 2010 وندمت إنى جبتها والكورولا عربيه رائعه بس سعرها كتير عليها وعلى الأوبشن اللى فيها.
على العموم إعمل إستخاره وتوكل على الله وهو سيهديك للأصلح

المشاركة الأصلية كتبت بواسطة omaralfateh (المشاركة 514951) شكرا يا باشا أنا والله مستني حد يكلمني عن تجربة والحمد لله إنت أفدتني جدا بجد :) أنا كدا حددت إن شاء الله الأوكتافيا بس معلش على جهلي هي الأوكتافيا كام نوع .. أنا سمعت عن الـ A5 لكن معرفش إيه الفانتازيا رغم إن كله بيتكلم عليها وإيه هي أوكتافيا 1 وأوكتافيا 2 ؟:286:

المشاركة الأصلية كتبت بواسطة abdullahalbadry (المشاركة 514946) أستاذ الكريم أنا كنت فى نفس الحيره اللى كنت إنت فيها ، ما بين الأوكتافيا فانتازيا و الفلونس والجيتا . الجيتا فيها مشاكل للركب ، هى منظر وبس وبالتالى إستبعدتها ، أما الفلونس فهي عربيه لا غبار عليها ، ولكن فيها عيبين ، الأول أنا قطع غيارها أغلى من الأوكتافيا ، الثانيه أن العربيه رغم إسمها العريق وكماليتها إلا إنها مجرد ما بتعلق نمر سعرها بيروح فى خبر كان ، على العكس من الأوكتافيا اللى بتحفظ سعرها كغيرها من العربيات الألمانى أو اليابانى ، يعنى تشترى الفلونس بـ170000 وتبيعها بعد سنه بـ 130000وطوب الأرض يقطم فيك وإنت أما الفانتازيا تشتريها بـ 200000وبعد سنه ممكن تبيعها بـ 190000أو 185000 وإنت واقف مش بتدلل عليها . الأوكتافيا عربيه أنا بصراحه مكنتش حطتها فى بالى ، لولا إن ربنا هداني بعد إستخاره ليها ، والحمد لله عربيه لا غبار عليها ، وكل يوم بكتشف فيها مزايا أكثر من اللى قبله. أول فئه من الأوكتافيا الفانتازيا فيها كماليات أكثر من الفلونس ، وممكن حضرتك تفكر فى الخليجى ، بصراحه أفضل من المصرى بألف مره وكماليات مش موجوده فى المصرى ، وبالنسبه للضمان ممكن تضمنها فى التوكيل مقابل 7000جنيه أو عند شركات الضمان مقابل 2000 جنيه لمدة سنتين أو 40000كم. وأخيرا إبعد عن المازدا 3 أنا معايا مازدا3 ، 2010 وندمت إنى جبتها والكورولا عربيه رائعه بس سعرها كتير عليها وعلى الأوبشن اللى فيها. على العموم إعمل إستخاره وتوكل على الله وهو سيهديك للأصلح (أوكتافيا) :286:

المشاركة الأصلية كتبت بواسطة sherif ride (المشاركة 514699) انا هقولك راى السيارتين من ناحية الاعتمادية 10/10 قطع الغيار تميل نسبيا لأكتفيفا بس فى القطع الخفيفة زى المرايات و الأجهزة الصغيرة هتحس بالفرق لكن فى الحجات التقيلة فى السيارة هتلاحظ فرق سعر انى الرينوا اغلى نسيبا من ناحية الأداء السيارتين فوق الممتاز بس الرينوا افضل من جوانب معينة مثلا قوة الموتور مقابل وزن السيارة فى صالح الفلوانس. التصميم الخارجى فى الاول و الأخر مسألت ازواق و الاتنين يعتبروا مستوى ممتاز يعنى لو على الشكل اللى تعجبك. وسع المقصورة الداخلية لصالح الاكتفيا تصميم داخلى تقريبا ممتاز فى الاثنين الارتفاع معقول فى الاثنين الاكتفيا افضل بمارحة فى سهولة اعادة البيع بحكم الانتشار و الشعبية سعر الفلوانس جديد افضل لكن الاكتفيا مبالغ فى سعرها بعض الشىء. و انا لو مكانك ابص على الفرق بين السيارتين و اشوف الفرق يستاهل فرق السعر ولا لا و لو مش فغاارق يبقى هات الفلوانس.