تسلم لى يا رب يا استاذ حسام ..
ربنا يعزك يا رب ..


والله المشكلة مش فى الفلوس خالص , القصة انى عايز الحاجة تتعمل صح وخلاص !! لأنى قرفت من العربيات وسنينها , الواحد يجيب عربية جديدة من التوكيل احسن له ..


ناس كتير بتقول اقلبها عادة احسن لى ..
وكمان هحتاج كبالن تانية لأن الراس بتاعتها مش بتمشى مع الاوتوماتيك ..
ففعلا قصة ..
ربنا ييسر الحال ,, واشكرك يا اخى للمساعدة ..


ولو انى لحد النهاردا مش مقتنع ان الفتيس محروق !! اصلها فجأه كدا فى ثانية
بدون مقدمات ولا اى اسباب !! فجأة يفصل
كأن سلك كهربا مثلا فصل !! او اى حاجة فصلت !
يلا الله المستعان

اشكرك :)

المشاركة الأصلية كتبت بواسطة ENG/A.S.A (المشاركة 510479) تسلم لى يا رب يا استاذ حسام .. ربنا يعزك يا رب .. والله المشكلة مش فى الفلوس خالص , القصة انى عايز الحاجة تتعمل صح وخلاص !! لأنى قرفت من العربيات وسنينها , الواحد يجيب عربية جديدة من التوكيل احسن له .. ناس كتير بتقول اقلبها عادة احسن لى .. وكمان هحتاج كبالن تانية لأن الراس بتاعتها مش بتمشى مع الاوتوماتيك .. ففعلا قصة .. ربنا ييسر الحال ,, واشكرك يا اخى للمساعدة .. ولو انى لحد النهاردا مش مقتنع ان الفتيس محروق !! اصلها فجأه كدا فى ثانية بدون مقدمات ولا اى اسباب !! فجأة يفصل كأن سلك كهربا مثلا فصل !! او اى حاجة فصلت ! يلا الله المستعان اشكرك :)

طيب يا استاذ حسام ؟
مش عايز منى اى حاجة اصورها فى العربية ؟
اجيب لك شوية صور قريبة من الحدث ؟
وادور لكم العربية واسمعكم صوت العربية مثلا والذى منه ؟
اهو ,, جايز تطلع بفائدة ؟



وكمان انا كلمت الاستاذ محمود دياب , راجل عالموقع هنا لسه عامل مشاركة واحدة
والله وكيل راجل ذوق اوى اوى اوى اوى
وتابع معايا وكلمنى شوية وقالى على شوية حاجات , بس برده موصلتش لنتيجة ..
وقالى ان سعره الاوتوماتيك يعمل حوالى 1700 جنيه .. -- حاسس اه غالى اوى --


بس كدا !!

المشاركة الأصلية كتبت بواسطة ENG/A.S.A (المشاركة 507431) بسم الله والصلاة والسلام على رسول الله وبعد .. عندى مشكلة يا جماعة ,, عندى عربية نوبيرا , موديل 98 ,, والعربية دى كانت مرفوعة وهى كانت بتاعة معاقين وكدا والمهم اشتغلت وزى الفل .. وفجأة فى يوم بدون اى مقدمات خالص ولا اى شىء لاقيت ال R بس شغال , يعنى بترجع للخلف زى الفل وكل غيارات الدفع الامامى معطلة الــ D و ال 1 وال 2 وال 3 واحاول يمين شمال , مفيش !! والفتيس صوته عادى جدا , مفهوش اى مشكلة !! عادى يعنى ومعملتش حاجة سابقة زى دى قبل كدا ؟ ولفيت ياما عالنت اشوف حل , لاقيت ان المشكلة دى بتتكرر وبيغيرو فتيس وكمان عرفت ان فتيس نوبيرا الاتوماتيك زبالة الزبالة !! ملحوظة // 1- لما بفتح كونتاك العربية بس ,, بلاقى المربع البرتقالى اللى مكتوب فيه Check l ظاهر .. ولما بدور العربية بقى ,, العلامة دى بتروح ومش بتظهر !! الكلام دا بعد المشكلة ,, لكن صراحة مش فاكر شفتها قبل كدا قبل المشكلة ولا لأ !! 2- قبل ما الفتيس يعطل بأيام قليلة خالص , كان ساعات دايما لما اعطى R عشان ارجع من الجراش وبعدها بسرعة ادى D بعد ما تكون وقفت , كانت ساعات بتفلت ومش بياخد الغيار الا لما احركه سنه صغيره كد او اغير الغيار وارجع تانى عال D بس مكنش فى بالى خالص !! قلت عادى يعنى 3- شفت قياس الزيت بتاع الفتيس , لقيته احمر وجميل , وزيادة عن ال Max كمان .. 4- انا صورت لكم كل حاجة بالموبايل , حتى قياس الزيت , ومشكلة ال check وكل حاجة , بس هبقى ارفعهم لكم هنا .. وفى النهاية تنويه بس للأداره // الطبيعى انك بعد التسجيل تشارك فى المنتدى ! حتى بعد ال activation بس ليه تقلبونى تلت اربع ايام لحد ما انسى الموضوع خالص !! لحد ما تفعلو العضوية ؟ مينفعش الكلام دا !! المشكلة مهمة ومحتاج انشىء موضوع والشكر موصول للجميع مقدم

شكرا لك يا استاذ ماجد ..
الله يصلح حالك يا اخى ..



بس الحمد لله العربية اشتغلت :D
ولله الحمد


جبت لها واحد محترم من عندنا اسمه , اسلام حموده , بيشتغل فى توكيل عيسى فى المنصورة
جالى المهم قعد يقرص على البنزين وعاتى غيار ويمسك فرامل , ويرجع تانى يدوس جامد ويمسك فرامل وهكذا ويغير الغيارات ويعمل نفس القصة دى ..
قامت بدات تتحرك سنة سنة بسيطة اوى ..
والحمد لله لحد ما مشيت ,, واشتغلت ورجعت تانى زى ما كانت تانى ولله الحمد ..


بس بيقولى وارد انها ترجع تانى ..
وهو شايف ان الفتيس عايز شغل جامد ولا يتحل ويتعمر ,, ومش ينصح بأننا نجيب واحد تانى ..
قالى الفتيس دا زى البطيخة .. ممكن تجيبه يطلع قرعه !!


المهم بيقول انها عايزة استك وحاجة كمان .. ولو فتح فيه ممكن يلاقى حاجات تانية ..
بس حل المشكلة دى فى استك وحاجة كمان بس ..


المهم ان العربية شغالة , وانا شغال بيها لحد ما نقرر هنعمل الشغل اللى فيها امتى ..
والشكر موصوع لجميع الاخوة الافاضل اللى دخلو الصفحة هنا واهتمو وردو عليا :)
اشكركم :)

المشاركة الأصلية كتبت بواسطة ENG/A.S.A (المشاركة 515313) شكرا لك يا استاذ ماجد .. الله يصلح حالك يا اخى .. بس الحمد لله العربية اشتغلت :D ولله الحمد جبت لها واحد محترم من عندنا اسمه , اسلام حموده , بيشتغل فى توكيل عيسى فى المنصورة جالى المهم قعد يقرص على البنزين وعاتى غيار ويمسك فرامل , ويرجع تانى يدوس جامد ويمسك فرامل وهكذا ويغير الغيارات ويعمل نفس القصة دى .. قامت بدات تتحرك سنة سنة بسيطة اوى .. والحمد لله لحد ما مشيت ,, واشتغلت ورجعت تانى زى ما كانت تانى ولله الحمد .. بس بيقولى وارد انها ترجع تانى .. وهو شايف ان الفتيس عايز شغل جامد ولا يتحل ويتعمر ,, ومش ينصح بأننا نجيب واحد تانى .. قالى الفتيس دا زى البطيخة .. ممكن تجيبه يطلع قرعه !! المهم بيقول انها عايزة استك وحاجة كمان .. ولو فتح فيه ممكن يلاقى حاجات تانية .. بس حل المشكلة دى فى استك وحاجة كمان بس .. المهم ان العربية شغالة , وانا شغال بيها لحد ما نقرر هنعمل الشغل اللى فيها امتى .. والشكر موصوع لجميع الاخوة الافاضل اللى دخلو الصفحة هنا واهتمو وردو عليا :) اشكركم :)

اشكرك ..
يا استاذ حسام , ربنا يعزك يا رب وشكرا للمتابعة


انا هبقى اسأل تانى الشخص اللى صلحها واعرف منه تفاصيل وكدا واقولها لك هنا ..
بس راجل فاهم يعنى

المهم /
الغيارات كويسة وبتنقل زى الاول ومفيش اى مشكلة ومتنشنتش مرة واحدة من يوم ما اشتغلت ..
بس بحس انها بتكركر عالتالت كدا !! بس يمكن لأنى بحط لها بنزين 80 !!

بس ساعات الغيارات بتتأخر او بتتقدم شوية !! تحس انها مش مظبوطة اوى ..
وعند النقل من الاول للتانى , بستمع صوت شهأة كدا ..

الراجل اللى صلحها بيقول , ان فيه تفويته فى جلده او اسمها ايه ؟؟ ممممم عايزة استك !! اه استك
قال ان اللى فيها بسيط اوى ..
لكن لو فتح فيها ممكن يلاقى حاجات كتيرة عايزة تتصلح ..
وانا سايبها شغاله والسلام



وحصل مشكلة تانية عايز فيها مساعدة معلشى //


دلوقتى العربية لما بتمشى قيمة نص ساعة او ساعة الا ربع ,, تلاقى دواسة الفرامل نزلت فى الدواسة ..
وبتمسك بسيط اوى
زى ما بيقولو كدا / بتهرب منك , ولما تكارك شوية تبدأ تجمع
بس عالوقت دا من السواقة عطول تفضل هربانة
لازم العربية تقف شوية وتبرد وتبقى تمام تانى
يعنى فى المشاوير العادية اللى اقل من نص ساعة وكدا , العربية زى الفل والفرامل زى الباشا


رحت لميكانيكى , من غير ما يجرب العربية
قالى خزنة فرامل / ماستر
رحت جبت له ماستر ب 450 جنيه اصلى والله .. بس شكله للمانيوار ..
المهم ركبه وروحت , حصلت نفس القصة بالمللى بعد حوالى نص او ساعة الا ربع
وانا راجع له تانى اهو


وهتجنن من ساعتها , المفترى لبسنى فى 450 جنيه ماستر فرامل ؟
ممكن دى تكون ايه ؟


معلومة /
العربية بتسخن اوووووووووووووووووووووووو ووووووووووى فعلا !! مش عارف من ايه , المكنة !!
احتمالاتى : يا اما الشكمان مثلا عايز يتسلك ؟ يا المراوح مش كويسة اوى مثلا ؟
وممكن تكون دى سبب فى ان لزوجة زيت الباكم بتقل وتبقى ميا ,, وبالتالى تهرب الفرامل من تحت رجلك ؟ دا تحليلى مهندس بقى :D


عايز رأيكم؟ وانا راجع تانى اهو للراجل يشوف لى البتاعة دى ..