مصر موتورز مجتمع السيارات - لية مفروض نتبرع للصومال ؟

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - لية مفروض نتبرع للصومال ؟ (https://www.masrmotors.com/vb/showthread.php?t=66435)

لية مفروض نتبرع للصومال ؟

رزقنا الله واياكم بركة هذا الشهر الذي قارب علي انتهاء ايامه وتقبل الله منا ومنكم صالح الاعمال وبلغنا ليلة القدر بفضله وتقبلها منا امين
ماذا لو قلت لكم انني في ازمة شديدة واحتاج الي مساعدتكم
كاي فرد منكم في هذا المنتدي الجميل سيكون رد الفعل موافقا للحديث التالي القائل المؤمن للمؤمن كالبنيان يشد بعضه بعضا

طيب معلش انا هقولك انا ابقي لكم اية
انا اختكم وفقط انني امر بازمة
فكيف بكم اذا قلت لكم ان لي اخوة سيموتون جوعا
لا علي فكرة مش هيموتو لأ دول بيموتو فعلا
فين؟
في الصومال
يا ستي طب ما احنا عندنا كل واحد مشاكل وفي اللي مكفية
احكيلك عن عربيتي اللي عاملة حادثة ؟ ولا قريبي اللي مفروض يعمل عملية وعايز فلوس ولا اقولك عن الشقة اللي بحوش عشان اشطبها ؟
طيب معلش لحظة انت واخد بالك انا بقولك اية؟
اخواتك بيموتوا عشان مش لاقي اكلة او شربة
احكي بتفصيل اكتر
الام لما بتلاقي اكل بتفكر تختار مين من ولادها تاكله عشان الباقي هيموت؟
النازحين من جنوب الصومال للعاصمة ليحصلو علي الطعام
انت عارف مفيش هناك مخيمات
ملهومش بيوت
عارف بتعمل بيت باية؟
اعواد من الشجر تضعها في الارض لعمل قبة تنصب عليها قطعة قماش لتكون لها سكن
يا ستي في ناس كتير مبتشتغلش اصلا ومش لاقيين ياكلو هم كمان
ايوة بس انت لو متعشتش هتفطر بكرة ولو مفطرتش هتتغدي
لكن هو لو مفطرش هيصلو علية الجنازة علي معاد الغدا
!!!!!!
قال تعالي ومن احياها فكانما احيا الناس جميعا
ما نقص مال من صدقة
اللي عند ربنا مش بيضيع!
غفر الله لبغي لانها سقت كلب ! غفر الله لها بهذه السقية لكلب فما بالك ببشر, ما ذا اعد الله لك باحيائه!
وعلي فكرة المسؤولية مش عليك انت وبس
لا روح لجيرانك وقرايبك وحاول معاهم لا معلش مش حاول لا خليك رخم!!! احكي عن اخواتك واستشهد بالايات

قوله بلاش معطر الجو الشهر دة (اللي ب10 جنية) مشكلتنا هنا في مصر اننا مش حاسين بيهم وصل انت بقي الاحساس دة للي حواليك ولم فلوس وتاكد انك ليك علي كل جنية بتلمه اجر عظيم ومتخافش
مش هيوقولو عليك الريان ولا حاجه وهتاخد الفلوس وتجري!
عارف لية
لانك مخلص نيتك لله ولا تريد منهم جزاء ولا شكورا وصدق النوايا سيبلغك الغاية وانت في احسن صورة (صدق الله فصدقه
الله)

يتبع،،،،،

رد: لية مفروض نتبرع للصومال ؟

متتبرعش بجنية
ولا 2
لا انتي كدة زودتيها اوي كمان هتقوليلي اتبرع باية
لا مش هقولك بس هقولك الاية دي
وسارعو الي مغفرة من ربكم وجنة عرضها السماوات والارض قال تعالي اعدت للمتقين الذين ينفقون في السراء والضراء والكاظمين الغيظ
والعافين عن الناس والله يحب المحسنين

قال تعالي مثل الذين ينفقون اموالهم في سبيل الله كمثل حبة انبتت سبع سنابل في كل سنبلة مائة حبة والله يضاعف لمن يشاء والله ذو فضل عظيم

قال تعالي وما تنفقو من خير يوف اليكم وانتم لا تظلمون

قال تعالي لن تنالو البر حتي تنفقو مما تحبون

إدي ومتخافش فلوسك مش هتنقص والله ربنا هيزودها بالبركة وحاجات تاني كتير جدا ولو لقيت نفسك شحيحة بالمال فكر نفسك بالاية القائلة الشيطان يعدكم الفقر والله يعدكم مغفرة منه وفضلا

بقي ربنا اللي وعدك بالرزق واكد علية في اكثر من 30 موضع بالقران تكذب ذلك وتثق وعد الشيطان
طب خلاص استجب بقي وخليك ممن يسمعون القول فيتبعون احسنه
بتقول اية ؟ اتبرعت قبل كدة طب وماله اتبرع تاني احنا في موسم التخفيضات احنا مش في رمضان وبس
لا احنا في العشر الاواخر
لا مش العشر الاواخر وبس
لا ممكن تكون لحظة صدقتك موافقة لليلة القدر لليله القدر خير من الف شهر

وقدرت الأمم المتحدة الاحتياج الفعلي لدرء خطر المجاعة عن
الصومال وعدد من دول القرن الإفريقي الأخرى بما لا يقل عن (1.6) مليار دولار
وعلي فكرة الصومال كانت من اولي البلاد في الثروة الحيوانية ان مكانتش الاولي
وما بين طرفة عين وانتباهتها يبدل الله من حال الي حال
اصيبت الجفاف ونفقت الحيوانات يعني ..... نحط نفسنا مكانهم!

قال رسول الله صلى الله عليه وسلم : ((

طعام الإثنين كافي الثلاثة، وطعام الثلاثة كافي الأربعة)) متفق عليه.

وعن أبي موسى رضي الله عنه قال: قال رسول الله صلى الله عليه وسلم : ((إن الأشعريين إذا أرملُوا في الغزوِ، أو قل طعام عيالهم بالمدينة، جمعوا ما كان عندهم في ثوب واحد، ثم اقتسموهُ بينهم في إناء واحد بالسوية، فهم مني وأنا منهم))متفق عليه
　

غزة المحاصرة تمد يد العون

:
وبهدف إظهار أن غزة المحاصرة الجريحة تشارك الأمة آلامها ومعاناتها وتسهم في رفع الظلم عن غيرها أطلق اتحاد الأطباء العرب في غزة حملة: "من غزة إلى الصومال يداً بيد لننقذ أطفال الصومال" ستستمر لما بعد شهر رمضان وقد أعلن الاتحاد عن جمع 17 ألف دولار منذ مطلع شهر رمضان من أجل المساهمة في
إغاثة منكوبي المجاعة في الصومال

الشيخ محمد حسان:
ودعا الشيخ محمد حسان الداعية الإسلامي المعروف إخراج زكاة المال لأهالي الصومال معللاً ذلك بأن الاحتياج في تلك البلاد أشد من حالة احتياج فقراء المسلمين المتواجدين في بلادنا، وأن العلماء أصدروا فتوى بجواز إخراج الزكاة في بلد آخر غير بلد المزكي.

وجه الدكتور علي جمعة مفتي مصر نداء لأغنياء العالم الإسلامي وللمنظمات الإغاثية والخيرية في العالم الإسلامي بأن يكثفوا من جهودهم وتبرعاتهم لإغاثة إخوانهم المنكوبين في الصومال، وقال إن إغاثة وكفاية المنكوبين في الصومال في هذه الآونة من أموال الزكاة والصدقات والتبرعات هي من أهم وأولى وجوه الإنفاق.

الإخوان المسلمين :
وجاءت مناشدة جماعة الإخوان المسلمين في مصر عن طريق مرشدهم العام الدكتور محمد بديع في ندائه للمصرين والعرب والمسلمين بالتبرع لإنقاذ الملايين في الصومال واصفاً الوضع فيه بأنه كارثة تعتبر عارا في حق الإنسانية ما لم يتحمل كل فرد مسئوليته ولو اقتضى الأمر اقتسام رغيف خبز مع إخوانه في الإنسانية.

يا جماعة ان انا لسة عارفة الكلام دة والتفاصيل دي امبارح بس!!!وحبيت اشرككو معاية
اللهم ارزقنا الاخلاص
وخلص اعمالنا من الرياء

اخر حاجه بقي

رب صورة ابلغ من مائة كلمة

يتبع،،،،

رد: لية مفروض نتبرع للصومال ؟

انا مش مكسوف اني اقول اني بكيت لما تخيلت عيالي مكانهم

رد: لية مفروض نتبرع للصومال ؟

الدال على الخير كفاعله
جزاك الله خير
وجعلنا واياك ممن يستمعون القول فيتبعون احسنه