مصر موتورز مجتمع السيارات - انا فى حالة انعدام وزن ارجوكم

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - انا فى حالة انعدام وزن ارجوكم (https://www.masrmotors.com/vb/showthread.php?t=62989)

رد: انا فى حالة انعدام وزن ارجوكم

اقتباس:

المشاركة الأصلية كتبت بواسطة كيا سيفيا (المشاركة 475363)

استاذ / lonedoctor
اشكر حضرتك لمرورك الكريم وبما ان حضرتك عرضت خدماتك فلى بعض الاستفسارات البسيطه بما انك لديك العربيه :
اولا : هل العربيه بمرور الوقت لازالت تحتفظ بشكلها الجمالى ؟
حقيقة انا لا استطيع الاجابة على هذا السؤال فى الوقت الحالى لان السيارة معى من فترة وجيزة وقد اكملت 5000 كيلو فقط لكن اتمنى من الاخوة الاعضاء ممن لديهم السيارة من عدة سنوات الاجابة على هذا السؤال
ثانيا : المشاكل الشائعه للاستخدام ووسائل حلها فى التوكيل هل بسيطه ام هناك معوقات ؟
اخى الكريم مشاكل السيارة (فيما اعلم)تكاد تكون منعدمة ولايوجد الا الامور البسيطة اذكر منها ضبط الابواب والشنطة بعد الالف الاولى وصفارة التيل والتى ليس لها تاثير اصلا على فرامل السيارة كوظيفة بل فراملها افضل من فرامل الكورولا لانها تحتوى على خاصية abs and ebd والتى تعمل بكفاءة منقطعة النظير
ثالثا : مستوى الخدمه فى التوكيل وطريقة معاملة العميل ؟
النقطة دى دايما هى نقطة الضعف اللى بيستغلها الفلول علشان يذموا فى السيارة واطمأنك تماما بان التوكيل قد تطور كثيرا فى الفترة الحالية وقد ذكرت ذلك فى تقرير 5000 كيلو بداية من وجوب الحجز قبل الذهاب والاهتمام بكل ما يذكره العميل من مشاكل بالاضافة الى قرب افتتاح مركز اخر للصيانة فى غمرة غير مركز القطامية نظرا لكثرة الضغط وانتشار السيارة وفى حالة عدم رضا العميل يمكنك التواصل مع استاذ عماد حبيب او الانسة داليا وهم على اتصال مع صاحب الشركة مباشرة وستجد كل تقدير واحترام وهاقولك ما هو اكبر من ذلك وحدث معى بس ايميل صغير للشركة الام فى الصين يمكن ان يقلب الدنيا راسا على عقب لو هناك مشكلة لم يحلها التوكيل وهذا لم يحدث للان والحمد لله
رابعا : هل مصاريف الصيانه الدوريه معقوله ام مغالى فيها ؟
مصاريف الصيانة وقطع الغيار بسيطة جدا جدا يعنى الالف كيلو 130 جنيه و ال 5000 تقريبا 210 جنيه
وارجو الا اكون اثقلت على حضرتك
لا سعادتك تامرنى امر
وتقبل تحياتى

اللى هيجننى بقى بعد كل ده انه ناس بتعتقد انه سيارات مثل الاتوس والفيرنا والتى اصبحت جزء من التاريخ الان هيكون ليها سعر اعادة بيع بعد 3 سنين يــــــــــــــــــــــــ ــــــــــــــــــــــاه !!!!!
ان شاء الله بعد 3 سنين هيكون فى 100 موديل من كل انواع السيارات بما فيها البى واى دى وساعتها هيكون لكل مقام مقال ولكل حادث حديث
وربنا يوفقك للخير اخى الكريم

رد: انا فى حالة انعدام وزن ارجوكم

ياريت الاخ الذى ذكر قطع غيار اللوجان يذكر سعر الكبالن والذى يقترب من 7000 جنيه لسيارة بتكولوجيا قديمة من عام 99 بموتور 8 صباب 90 حصان ولا ده موش محسوب من قطع الغيار؟

رد: انا فى حالة انعدام وزن ارجوكم

اقتباس:

انا جايب اسعار قطع الغيار المعلن عنها في الجرايد و الكبالن سعرها 7000 جنيه ايه المشكلة فكبالن الفيرنا الاصلية فالتوكيل بـ 5500 جنية لانها تأتى بالعامود كاملة ومقلتناش سعر الكبالن بكام عندك و بعدين مش تكنوجيا قديمة و لا حاجة عندك سكودا فانتسيا برضه 8 صمام بتنتج 100 حصان علي حجمها الكبير ده و الكل بيشكر فيها برضه. مش مقياس

و بعدين انت عايز تقارن موتور رينو .... بموتور صيني من شركه مش معروفه غير في مصر بس (موتور مجرد شكل و تصميم تويوتا و لكن ميقربش للياباني بصله مجرد تقليد فقط)
موتور رينو بيقعد العمر مش بيقعد 3 ~ 4 سنين :12F099~16: و سلام عليكم

انا حسألك سؤال BYD مستعملة بكام انهارده ب 45 ~ 50 الف يعني فرق 25 ~ 20 الف
اللوجان فول ابشن ب 70 الف و اول مانزلت كانت ب 67 الف انهارده مستعمله الفول اوبشن ب 57 ~ 60 يعني فرق 10 ~ 13 الف بكتيره ليه عشان ليها سوق في مصر و عليها طلب

رد: انا فى حالة انعدام وزن ارجوكم

مينفعش اصلا نقارن رينو بـ BYD (اللى انا بكن لاصحابها كل التقدير والاحترام)

ولكن عيب نقارن ماركة عريقة زى رينو بماركة عمرها 3-4 سنين ولا حاجة .. لأ ونقول ان الصينى تغلب الرينو كمان ...

ده للاسف كلام غير منطقى خالص ...

BYD عربية عمليه مقلناش حاجة بس مجرد تقليد واقتباس من الكورولا وخلاص ..

النوع ده من التقليد بيخلينى احس كانها عربية من العربيات اللى قطع غيارها نادرة وبيضطر اصحابها انهم يوفقولها قطع غيار لماركات تانية

من الاخر .. انصح صاحب الموضوع برينو لوجان فل اوبشنز .. وباذن الله مش هتندم اطلاقا ...

كل المعلومات عنها عتلاقيها فى التقرير ده باذن الله ..

http://www.masrmotors.com/vb/showthread.php?t=51487

رد: انا فى حالة انعدام وزن ارجوكم

دى شكوى رابطة اصحاب اللوجان للشركة
نص الشكوى:
=====================
عزيزي سيدي الرئيس ،

اولا: افتخر كونى احد ملاك السيارة رينو لوجان.
الاسم:
رقم الشاسية:
رقم الموتور:
العنوان البريدى:

ثانيا: نتيجة للثقة المطلقة فيكم النابعة من سمعة شركتكم العالمية ارسل لكم هذه الشكوى ضد وكيل رينو في مصر:
عدم توفر و انتشار قطع الغيار مع ارتفاع اسعار قطع الغيار بشكل مرتفع جدا على عكس ما هو متوقع لسيارة اقتصادية و ايضا بالمقارنة مع غيرها من سيارات فى نفس الفئة السعرية (fiat- albia, cheverloet –loanos, hundai –verna, porton- saga) وللاسف اغلى ايضا من بعض سيارات فى الفئة السعرية الاعلى منها. و أليكم بعض الامثلة:

"كوبلن ب 3600 جنيه وعلبة دركسيون ب 7000 جنيه و مراية جانبية ب 550 جنيه و فانوس امامى 630 و كبوت 1300 و باب 1400 و اكصدام امامى 850 و اكصدام خلفى 650 ورادياتير يعدى الاف جنيه وغيره وغيره و ......................... "

ثالثا: مصنعية تركيب قطع الغيار فى التوكيل كبيرة جدا مقارنة بتركيبها خارج التوكيل بشكل مبالغ فيه جدا.

رابعا: هذه الشكوى ليست شكوى فردية بل شكوى جماعية انتشرت بشكل كبير جدا فى مصر وايضا فى العديد من المنتديات على الانترنت وبدأت بالفعل تأثر وتؤدى لتجنب العديد من الافراد شراء اللوجان والاتجاة لشراء السيارات الاخرى.

اخيرا: نحن مجموعة من ملاك السيارة لوجان سوف نبدأ باتخاذ خطوات ايجابية نحو الرأى العام ضد الاستغلال - و لكن بعد مناقشات و مداولات بيننا وجدنا ان نبدأ اولا بارسال هذه الشكوى لكم ونحن نبحث عن إجابة في اسرع وقت ممكن كما نتوقع دائما من رينو.

شكرا
وده الرابط
http://www.masrmotors.com/vb/showthread.php?t=55007
:waving::waving::waving:: 110105~127:

رد: انا فى حالة انعدام وزن ارجوكم

وده واحد مسكين من اصحاب اللوجان سيارته عملت حادثة ظريفة كدة وراح التوكيل عشان يصلحها فاعطوا له الاسعار دى
شوفوا انتوا واحكموا
لموضوع الاصلى
أستلمت أنهاردة المقايسة من التوكيل وبها الاتى:

1- أكصدام خلفى 1500
2- (2) قاعدة أكصدام خلفى 350
3- رفرف خلفى يمين 1175
4- ظهر خلفى 1700
5- فجوة فانوس خلفى يمين 750
6- حلية شنطة خلفية نيكل 610
7- فانوس خلفى يمين 250
8- مفصلة شنطة خلفية (بدون سعر)
9- شنطة خلفية 1721
10- كرتيرة رفرف خلفى يمين 350
11- فردة كاوتش خلفى يمين 450
12- جنط خلفى يمين وأمامى شمال (2) 350
13- طاسة عجل أمامى شمال 100
14- كشاف أمامى شمال 445
15- كفر فوج لايت يمين 250
16- طبة أكصدام أمامى 175
17- كمرة صدر أمامى 730
18- عاكس أكصدام خلفى 50
19- سربنتينة تكييف 3475
20- رادياتير 1662
21- مروحة رادياتير 1850
22- مساعد أمامى شمال 370
23- مقص أمامى شمال 550
24- طبق مساعد أمامى شمال 930
25- (حاجة مش عارف أقراها) تيل خلفى (بعد الزوايا) 5500

المصنعيات:

26- أعمال فحص ما يلزم + ضبط شنطة والطقم الخلفى ورفرف أمامى وخلفى شمال 1750
27- أعمال دهان الطقم الخلفى + رفرف أمامى شمال + الاكصدامات 3000
28- أعمال كهرباء 350
29- أعمال (حاجة مش عارف أقراها) 300
30- أعمال فك وتركيب الاكصدامات 300
31- أعمال فك وتركيب بربريز خلفى 275
32- أعمال شحن فريون + فك وتركيب سربنتينة 750
33- أعمال ميكانيكا 1000
34- أعمال زوايا 150

الأجمالى 34468 جنية مصرى. وهو مايعادل أكثر من نصف ثمن العربية.
انا رايي اللى يشترى لوجان احسن له يشترى بى ام هى هى نفس اسعار قطع الغيار

رد: انا فى حالة انعدام وزن ارجوكم

اقتباس:

المشاركة الأصلية كتبت بواسطة lonedoctor (المشاركة 475501)

اكصدام خلفى 650

اقتباس:

المشاركة الأصلية كتبت بواسطة lonedoctor (المشاركة 475502)

أكصدام خلفى 1500

قولي باه ايه اللي انت كاتبه فوق ده مره كاتب اكصدام خلفي ب 650 و مره 1500
وانت بتقول اكصدام امامي ب 850 و الشركه بعتتلهم ايميل انوا ب 690

من اخر كده مافيش حد عارف حاجة و كلوا بيروج اشاعات علي بعضوا صاحب الموضوع لما يعوز يشتري حاجة يروح التوكيل او يسأل بالتليفون عن السعر لكن كل واحد يجبله كلمه من اليمين والتاني من الشمال مش حنخلص