|
رد: مش عارفين راسنا من رجلينا
د / كمال
ما شجعنى للمشاركة رغم انى مضرب عن الكلام مع البعض بسبب الفكر فقد التمست فيك الفكر الواعى حيث ان البعض يجعل من يختلف عنة فى الفكر هو شخص غير عاقل لان الله تعالى خلق الجميع مختلفون فمثلاً لو خلقنا الله كلنا اطباء اصبحنا مجتمعا ً بلا مهندسين للبناء بلا كهرباء .....الخ اولا ً لن تستقر دولتنا الا بعد الانتهاء من الاعتصامات وهذا يأتى من 1- تحقيق الامن للمواطنين 2- تحقيق العدالة الاجتماعية 3- الاشراف الامين على اجهزة الدولة 4- المحاكمات العادلة مهما كانت سرعتها 5- اما موضوع الشهداء فيجب اولا ان نتروى قليلاً عندة فكثيرا ماتوا لاجل هذة البلد وكثيرون ايضاً سيموتون فيجب الانتظار ثم يجب ان نعى جيداً ان افضل تكريم للشهيد هى منزلتة عند ربه وليس عند الناس ولكن يكفى ان نجتمع جميعا على مستوى الجمهورية لنكرم من ماتوا لاجلنا ولكن بنظام وليس بألاحتداد والقوة والتى تزرع دور البلطجية فكثيراً حتى الان من الشهداء لم يعلن اسماؤهم حتى 6- البند الاخير ايقاف جميع من يتكلم بأسم الثورة فلقد تحول الشعب المصرى جميعه الى متحدثين من يفهم منهم ومن لا يفهم فأصبحنا متخبطين |
رد: مش عارفين راسنا من رجلينا
سلمية سلمية سلمية:bb127bc6eab060e3e23 :bb127bc6eab060e3e23:bb12 7bc6eab060e3e23:hd::hd:
والا فليبيا واليمن وسووريه |
رد: مش عارفين راسنا من رجلينا
اولا انا يا جماعه خريجه اداب تاريخ
يعني الحمد لله عندي معلومات افيه عن الاضي لكل البلدان في العالم اي ثوره بيحصل بعدها لخبطه كتير وبيبقي في سيبان وضايع وبيحصل بعديها انفلات امني بس بعد كده بيبقي في تطور انا بقول ان الدنيا مش هتخرب قد ما خربت وعلشان ابقي صريحه احنا نظفنا البلد من حاجات مش نظيفه كانت في كل حته تخيل انت شقه انت سايبها بقالك 30 سنه لك ان اتتخيل قد ايه التراب والوساخه والحيونات المزعجه اللي فيها ممكن تبقي قد ايه البلد بتنظف بلد الرجل المريض بنعملها علميه انعاش بس لازم يوجع شويا لحد ما تعرف تقف علي رجليها تاني وانشاء الله احنا اللي هنوقفها علي رجليها لاننا دمنا سال عليها وفيها يمكن الجيش مش حاسس باللي احنا حققناه لانه مش حارب فيه ولا دمه سال فيه الدم اللي سال من الشعب دم اخوياوابويا وابني يمكن في ناس كتير مش حسه بالليحصل بس لازم نستحمل شويا لاني متفائله ببكرا اوي انا متفائله خير |
رد: مش عارفين راسنا من رجلينا
شكرا لكل الأخوه الافاضل المشاركين فى الموضوع
وإن كنت أتفق مع بعضهم وأختلف مع البعض الأخر إلا أنهم جميعا لهم منى كل حب وإعتزاز وتقدير وشكرا ل مرمر . ومازال الموضوع مفتوح للنقاش |
رد: مش عارفين راسنا من رجلينا
اقتباس:
وجيش ايه اللي دمه مش سال في الموضوع ده ياشيخه حرام عليكي والله دا فيه اكتر من 12 ملازم اول شباب زي الورد استشهدوا في الاحداث الاخيره وهم بيدافعوا عن الشعب وبيحموه بس دوول وغيرهم من المجندين لو كانوا من 6 ابريل كان الدنيا قامت بيهم بس دوول يكفيهم تكريم ربنا ..... دم ايه اللي مش سال من الجيش طيب ودم الملازم محمد عز الدين اللي اتقتل بين ايديا ارووح بيه فيين ... ارحمونا شويه بقي من "الانا" بتاعتكم دي ... |
رد: مش عارفين راسنا من رجلينا
اقتباس:
بطل تقعد تقول انها خراب بطل احباط انا كل ما بسمع كلامك الدنيا تسود في وشي ارجوك وحيات صحبك اللي مات بين ايديك والشاب اللي مات قدام عيني في جمعه الغضب وحيات دم كل مصر سال بطل احباط فينا بطل تقول ان الثوره دي خراب وانها مش نافعه بطل تحبط في شباب نفسهم يعملوا حاجه لو صاحبك غالي عليك لو دم المصري غالي عندك لو الكرامه ليها قيمه عندك بطل تحبط في الناس وخليك متفائل بلاش التشائم ده علشان ملناش غير اننا نقول يارب ونتفائل ببكرا اظن كلامي واضح واتحب اقولك انا بحترم الجيش جدا ولو كنت ولد كنت هتلاقيني وسطكم وواحد منكم وانا مش اطمنت اصلا الا لما الجيش نزل الشارع احنا عارفين انكم اخوتنا او اولادنا وابهاتنا فبلاش احباط بقي بلاش احباط فينا احنا تعبنا اننا ندور علي نور للامل ويجي حد يطفيه لازم تراعي مشاعر الشباب ان دي اول حاجه تتعمل باديهم بلاش احباط بلاش مهجمه فينا لا انتم هتعرفوا تمشوا البلد دي لوحدكم ولا احنا هعرف نعيش من غير ظلكم هكلمك باسلوب الجيش اللي اكيد انت ماتعرفش غيروا ماينفعش المشاه يعملوا هجوم من غير سلاح طيران يحمي ظهرهم احنا المشاه وانتم الطيران يا تحمونا يتنزلوا معانا علي الارض ونضرب احنا وانتم من فوق ياريت اكون عرفت اوصلك انا عايزه اقولك ايه الدم غالي اوي واغلي من الدم مصر والاحباط والتشائم مش وقتوا خالص الايام دي |
رد: مش عارفين راسنا من رجلينا
اقتباس:
إنما جزاء الذين يحاربون الله ورسوله ويسعون في الأرض فساداً أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم ه إلا الذين تابوا من قبل أن تقدروا عليهم فاعلموا أن الله غفور رحيم ودة طبعا عشان يكونو عبرة لمن لا يعتبر |
| الساعة الآن 09:27 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017