رد: A113 صيانه ال 3 شهور وهخرج بره الضمان وامري لله
 

والله يا جماعه انا متابع من الاول بس مش عايز اقول راييى بصراحه علشان محدش يفتكر انى بصطاد ف الميه العكره عمتا انا متابع للاخر واللى عايز اى حاجه يكلمنى

تقبلوا تحياتى

رد: A113 صيانه ال 3 شهور وهخرج بره الضمان وامري لله
 

يعنى هو ايه فايدة الضمان ده فعلا لو حصل حاجه لا قدر الله هيستبدلوها؟؟؟؟؟؟؟؟؟
انا اللى باسمعه من كل الناس ان كل حاجه بتحصل ومحتاجه تغيير بندفع تمنها وده حصل مع ناس كتير.
وانا اعتقد انى بس هاعمل صيانه الألف عندهم وان شاء الله رايحه خلال ايام وهشوف هيعملوا ايه معايا وهارجع اقولكم بأمانه.. خاصه ان الفتيس بيعلق فى المارش عندى وكمان الدركسيون بيعمل صوت لما بيتحرك وهشوف هيصلحوهم ولا ايه؟ وبعدها اقرر اروحلهم فى الصيانه الدوريه ولا اشوفلى اى ورشه تانيه... دعواتكم وربنا يستر:fun_36_1_39[1]::fun_36_1_39[1]:

رد: A113 صيانه ال 3 شهور وهخرج بره الضمان وامري لله
 

السلام عليكم
احب انقل لكم تجربتى مع التوكيل والضمان
انا معايا 113 موديل 2012 وعملت 1000 كيلو ورحت الصيانه فى الفرع الرئيسى فى ك 28 (أبو رواش)
واستقبلونى كويس وكنت بغير الزيت والفلتر وسألونى عن اى مشاكل فقلت لهم عن عضه فى الفتيس فى المارشدير وكمان صوت وانا باحرك الدركسيون وانها بتتهبد جامد فى الحفر والمطبات وتكسير الاسفلت فقالولى ان ده من العفشه وده داخل فى الصيانه وكل اللى فات كمان فى الضمان

وفوجئت عند استلامى للسياره انها متعملش فيها اى حاجه غير تغيير الزيت والفلتر مع انها حاجات بسيطه فقالوا لى انها بالنسبه للدركسيون هياخد وقت كتير وقلتلهم خدوا وقتكم فردوا انهم مروحين وانى افوت عليهم بكره اما الفتيس قالوا انى استنى عليه شويه ورجلى ع الدبرياج لحد لما يفك. والعفشه معملوش فيها اى حاجه ولما اعترضت على طريقتهم المهندس اتكسف وخد العربيه ودخل الورشه عشان يعملى الدركسيون فى السريع كده. وطبعا كان بيستعبط وخرجلى بيها زى ما هى. يعنى ضيعوا لى 3 ساعات ع الفاضى وخدوا 342 جنيه فى تغيير الزيت وبس
حقيقى منتهى النصب وقله الأدب
وعلى فكره نسيت اقولكم انهم استدعونى فى نص الوقت وقالولى ان العربيه مخبوطه وده مأثر على المساعد وانه معوج وكمان معرفش الكوبلن مقطوع وخطر امشى به لانه بيطلع شحم وهيبوظ العجله اللى جنبه وهيميل العفشه ناحيته ومعرفش ايه كده وانا طبعا مفهمتش حاجه لما بصيت.
والحقيقه ان العربيه فعلا اتخبطت منى قبل صيانه الألف وروحتلهم وعملوا مقايسه ب 15 ألف وطبعا مقدرتش ادفع وصلحتها بره فى ورشه متخصصه اسبيرانزا بس ب 3.5 ألف وغيروا كل الحاجات اللى مخبوطه. بس طبعا البهوات النصابين لما شافوها متصلحه بره حبوا يعملوا عليا فيلم عشان اخاف واعملها تانى عندهم. مع العلم ان لما استغليت مقايستهم وجيت اسحبها يوميها كان كل اللى فى الورشه هيبوسوا رجلى اسيبها ويعملوها لى ب 5ألاف بس. وده طبعا خلانى لا أثق فيهم نهائى واصريت اخدها من عندهم....
ايه رأيكم بقى فى الفيلم ده. انا بصراحه مش ناويه اروح تانى واصلا هخرج م الضمان الوهمى ده اللى مالوش اى لازمه وبيصلحش اتفه حاجه ومعنديش غير
حسبى الله ونعم الوكيل:w6w200504112236376 d

رد: A113 صيانه ال 3 شهور وهخرج بره الضمان وامري لله
 

معاكي حق مش بس كده الواحد بقي شاكك انهم ممكن يبدلوا قطع غيار من العربيه فبقيت اقلق بعد كل صيانه واقول يارب استر -توكلي علي الله انا بردوا خرجت بره الضمان وهعمل الصيانه عند مركز المتحده هجربه لاول مره

رد: A113 صيانه ال 3 شهور وهخرج بره الضمان وامري لله
 

يا جماعة هو ايه مفهوم اطلع من الضمان بس عشان افهم
انا كنت عارف موضوع ال 3 شهور بس ماكنتش بروح الا بمزاجي يعني كنت بروح كل 6 شهور و ساعات سنة كمان مش مواعيد محددة يعني و كنت بظبط المهندس اللي هناك بكلمتين كده و يملالي هو الصيانة اللي فاتت في كتيب الصيانة ده
بس نصيحة هو التوكيل مش بيفرق عن بره في حاجة بس انت بتبقي مرتاح نفسيا لما العربية يبقي شغلها كله في التوكيل


حاجة تانية بقي التوكيل طبعا بيشترط عليك حاجات معينة في الضمان زي مثلا زيت موبيل 1 10000 كم وده غالي شوية خلاص قولو هاحط موبيل xhp او hp (مشش فاكر اسمه بالظبط ) 5000 كم و هيخرجك من الضمان بس بد كده ابقي روح انت التوكيل برده بمزاجك و اعمل صيانة عادي

رد: A113 صيانه ال 3 شهور وهخرج بره الضمان وامري لله
 

رد: A113 صيانه ال 3 شهور وهخرج بره الضمان وامري لله