رد: استفسار عن سعر سيارة ماتركس مستعمله
 

هي اساسا كانت عامله 39 الف بس اعدنا نفاصل و نحاول لغايه ما وصلت 34500 الف غير كده كان كل اللي هناك في 3 مخازن كل اللي فيهم في حدود 40 39 37 الف للمانيول
هناك الدنيا عندهم بائت دمار هما تقريبا وفقوا علي السعر ده علشان يبيعوا و السلام لان عاوز اقولك كانوا بيمشوا ناس ورنا بالمتسكل و يرقبونا احنا بنروح اني مخزن و بنتفق علي ايه
و كان كل اللي موجود لافيتا اخره 2002 سواء مانيول
وكان في واحده بس اتومتيك 2003 بس الصراحه شكلها تحفه لونها كان اسود روعه كانت عامله 43 الف بدايه الكلام

رد: استفسار عن سعر سيارة ماتركس مستعمله
 

أنا بتعتى كانت بداية الكلام برضوا 39 ألف بس بالمحايلة خلصت على 37 الحاجة الكويسة أنى جبتها من جمرك المنوفية. فى الجمرك تاجر واحد له فرع فى بورسعيد وأسمة كريستال أولاد أبو حسين. يعنى غلبونى فى الفصال والدنيا مش كانت زى اليومين دول يعنى كان له حق يشد على فى السعر. والحمد لله على كل حاجة. المرة الجاية أبقى أنزل بورسعيد ويمكن يكون فى حاجة أحسن....

رد: استفسار عن سعر سيارة ماتركس مستعمله
 

انا رحت لكريستال بس كانت نفس السعر برده بس تحس كده انهم ماكنوش هينزلوا كتير من العربيه و برده تعدد التجار في بورسعيد بيخليك تقدر تتشرط عليهم شويه و تفاصل اكتر

بقولك انا ناوي ان شاء الله اركبلها ديفيندر ايه رايك
برده تحميها شويه و انا لسه هتمرن عليها في السواقه و كون لسه غشيم شويه

رد: استفسار عن سعر سيارة ماتركس مستعمله
 

بص أنا نفسى أركب واحد أنا كمان. الحقيقة هو مش مصرح بيه فى المرور، يعنى ممكن تتاخد مخالفة. لو كانت العربية جاية من بلدها كدة كان أتكتبت فى ورق الرخصة ومكنش حد يكلمك فى أى كمين. يمكن ينفع تركبة قبل ما تطلع الرخصة وتقول إنه جاى بيها على الرغم من أن الحركة دى مش مضمون إنها تعدى.

الدفندر غالى يعنى فوق 1500 جنية ومش موجود فى كل الأماكن. فى القاهرة بس. عند واحد أسمة عشم زين. أنا هركب واحد لانى زيك بتعلم يمكن أشيلة بعد ما أتمكن من اتعلم. مش بيكون عندنا كماين كتير فمش هيكون فى مشاكل مع الشرطة وقبل الترخيص أبقى أشيلة لو شددوا. أنا شفت فى المرور واحد مركب اللى ورا والجناب بس مش الأمامى. والمرور عداه.

لو عرفت حد بيبعهم رخبص أبقى قولى.

رد: استفسار عن سعر سيارة ماتركس مستعمله
 

أروح أنام ونكمل بكرة. انت هتشترى أمته؟

رد: استفسار عن سعر سيارة ماتركس مستعمله
 

انا الراجل اللي معايه قالي ممكن بس قبل ما ترخص زي مانت بتقول
ان شاء الله هسائل في اسكندريه واعرف الاسعار و ارد عليك
لو ربنا شاء باذن الله هيكون يوم الاتنين
تصبح علي خير

رد: استفسار عن سعر سيارة ماتركس مستعمله
 

يا ترا عملت ايه يا ha_thewolf أشتريت ولا صرفت نظر. أرجو لك التوفيق