رد: الفرق بين تكييف السيارات القديمة والحديثة والمنزل
 

اولا اشكرك كثيرا على المعلومات القيمه ولاكن هناك بعض الملاحظات

1- كفائه التبريد تعتمد على عدد لفات المحرك ولكن لو شغلت التكييف على السلانسيه برضو هتلاقى فيه تبريد واحساس بالبروده ولاكنه يعمل ايضا وبكفائه لانك عندما تشحن التكيف تشحنه على السلانسيه



2- الصمام الى فى الاسفل ده صمام لرفع سرعه المحرك من 100 الى 300 لفه وانتى على السلانسيه وممكن تحس بيها لما تشغل التكييف وانتى واقف
وفى السيلرات الحديثه تعتمد على قطعه كهربائيه ترفع عدد دورات المحرك عن طريق الكمبيوتر

الصمام ده إسمه "صمام الشفط مع التسارع" (Suction Throttling Valve)، وفكرة عمله بتعتمد على إن لما الكومبريسور سرعته بتزيد (مع زيادة سرعة الموتور) بيعمل قوة شفط كبيرة على المنطقة اللي قبل منه (اللي هي المبخر)، وهنا الصمام بيتحط في النص ويجيله فرع من الدايرة من عند الإكبانشن مباشرة، فلما يحصل شفط زيادة الكومبريسور ياخد من الدايرة ويخلي الضغط جوه المبخر ثابت
شوفوا الصور كده
http://www.masrmotors.com/vb/attachm...1&d=1306198832


الدائره ديه هى الدائره الاساسيه فى اى تكييف سياره قديمه او حديثه ومواصفاتهاهى
1-الضاغط وهو متغير السرعه يعنى لما تضغط بنزين الضغط بيذيد فى الماواسير الحمراء والصفراءويقل فى المواسير الزرقاء واللبنى
2-الكالتش وهو لاقط مغناطيسى عند الضغط على زرار ac فى الكبينه يتم توصيل الكهرباء للكلاتش فيعشق الضاغط مع حركه الطمبوره الى دائما بتدور مع المحرك
3- المكثف
4-مروحه
5- صمام للحمايه من الضغط العلى (لو المروحه الى امام المكثف ماشتغلتش )بيفصل الكهرباء عن الكلتش ( بفصل التكييف )
6- فلتر وخزان للسائل
7- صمام لاخراج الضغط فى حاله الخطر
8-المبخر
9- مروحه المبخر ( رقم 8و9 بنسميها عندنا الثلاجه )
10 -صمام التمدد وهو تنظيم مرور الفريون لاحدث عمليه التبريد ( فى تلك الدائره صمام تمدد ومدل حرارى لرفع كفائه التبريد

ليه سؤال وياريت حد يجاوبني عليه لإني مالقيتلوش إجابة في النت برضو

ليه المنظم ده مش موجود في السيارات الجديدة؟؟؟؟ وإيه اللي اتعمل عشان يحل مشكلة تغير سرعة الموتور؟؟؟؟؟؟؟؟
http://www.masrmotors.com/vb/attachm...1&d=1306198934

الدائره السابقه لا يوجد بها اى منظم لحل مشكله سرعه المحرك لان تشغيل التكييف على اقل سرعه للمحرك الى اعلى سرعه لا تسسبب مشاكل فى التكييف بدليل عند شحن التكييف يكون ظغط الفريون على 30 تقريبا وعند رفع عدد لفات المحرك الى 3000 او اكثريقل ظغط الفريون الى 10 تقريبا يعنى ان الظغط مش ثابت على عكس دئره التبريد للثكيف والثلاجه يكون ثابت
فى حاجه ثانيه ممكن تكون قصدك عليها ولكن لازلت اوكد ان تغير سرعه المحرك تكون فاعليته فى حدودالمسموح بها
يوجد صماما تمدد يمكن التحكم فى فتحه خروج الفريون ويوجد منه
-حرارى عن طريه احساسه بدرجه الحراره المطلوبه بديل الترموستات
-اتوماتيكى ويعتمد على الضغط المطلوب لاحداث التبريد
-يدوى ويتحكم يدويا فى الضغط
الانواع السابقه غاليه فى الثمن وتستخدم فى الثلاجات واغراض التبريد الكبيره او الصناعيه
-الانبوبه الشعريه المستخدمه فى الثلاجات والتكيفات وتكون بشكل مطور قليلا فى السياره
وبالتالى التحكم

رد: الفرق بين تكييف السيارات القديمة والحديثة والمنزل
 

كلام حضرتك سليم بس فيه نقطه صغيره
الى بيلف على طول طمبوره الكمبروسر مش الكمبروسر والكلاتش او الاقط المغناطيسى بيعشق الطمبوره مع الكمبروسر

رد: الفرق بين تكييف السيارات القديمة والحديثة والمنزل
 

الأستاذ essamenen
أقدر لك ردك واهتمامك

بس اسمحلي أختلف معاك تماما

الصمام اللي بتكلم عليه كان موجود في السيارات القديمة لحد التسعينات تقريبا، ومهمته إنه يحافظ على الضغط داخل المبخر شبه ثابت للأسباب اللي قلتها قبل كده، مش إنه يرفع الـRPM زي ما حضرتك بتقول، والدليل على اللي بقوله هو اللي مكتوب في اللينك ده:
http://www.tpub.com/content/construc.../14050_303.htm
واللينك ده برضو
http://youracauthority.com/acterms/S...TV_Valve.shtml

ده بالإضافة إلى تجربتي الشخصية في سيارتي السابقة (تويوتا كريسيدا 82)، لإن الصمام ده لما اتشال الـRPM كان بيعلى عادي جدا لما بشغل التكييف، بس في المقابل كفاءة التكييف انخفضت خالص لإنه كان بيبرد زيادة عن اللزوم وبعدين يعمل تلج فيحصل انسداد في الدايرة، وعشان كدة لازم التكييف يتفصل كل شوية.

وللأسف إصلاح الصمام ده سهل قوي زي ما فهمت من النت، بتغيير طقم الإصلاح بتاعه، بس لإن سوقنا جاهل، فالحاجات دي مش موجودة.

واسمحلي اختلف معاك للمرة التانية
سرعة الموتور سبب رئيسي في وجود الصمام ده، لإن سرعة الكومبريسور مش ثابتة، وبالتالي كمان كمية السريان مش ثابتة، وبالتالي الضغط الخارج من والداخل إلى الكمبريسور كمان مش ثابتين

وانت عايز ضغط ثابت داخل المبخر.... قوللي إزاي تعملها من غير حاجة تنظم الضغط؟؟؟؟؟

اللي أنا مقتنع بيه إن التكنولوجيا بتتطور، يبقى فيه حاجة مختلفة موجودة دلوقتي..... هي إيه؟؟؟؟

حد يقوللي يا جماعة!!!!!

...

رد: الفرق بين تكييف السيارات القديمة والحديثة والمنزل
 

اللي فهمته من الصور اللي حضرتك حاطتها إن فيه أنواع مختلفة من صمامات التمدد، بس لو رجعت للصورتين التانية والسادسة، مش باين فيهم إن فيه By-Pass عشان الضغط العالي يتصرف فيه.

لو حضرتك ترجع للصور اللي في أول الموضوع خالص، حتلاقي إن الصمام اللي بتكلم عليه واخد وصلة مباشرة من الإكسبانشن عشان الضغط لما يعلى (أو ينخفض قبل الكومبريسور) يخلي الدايرة شغالة عادي بدون خطر.

...

رد: الفرق بين تكييف السيارات القديمة والحديثة والمنزل
 

اخى العزيز
انا بتكلم عن جزء وحضرتك بتتكلم عن جزا اخر
سوف اقسم كلامى الى نقاط لو فى نقطه مش واضحه انا مستعد للنقاش فيها بس نحدد النقطه

1-الصمام الى انا بتكلم عليه هو وظيفته هو تعليه rpm فليلا ليرفع قدره المحرك لتشغيل التكييف وهو موجود فى كل التكيفات قديمه وحديثه ويوجد منه نوعين ميكانيكى بيتركب مه المانفول والثانى كهربى وبيعطى الامر الى الكمبيوتر
اما الجزء الى حضرتك بتتكلم عليه هو عوامل تزود كفئه التبريد

2-الفريون المستخدم فى تكييف السيارات هو فريون 12 او 134a وهو نفسه الى موجود فى الثلاجات بينما الفريون المستخدم فى التكييفات المنزليه 22
بالنسبه للثلاجه المنزليه يكون ضغط المبخر 10 ps وذلك لانها يوجد بها تجميد عندما يتلف الضاغط (الثلاجه المنزليه يفوت) لايستطيع للوصول لضغط 10 انما 20 او 30 وتكون داخل الثلاجه تبريد فقط دون تجميد اذا لابد من الوصول الى ضغط 10 الو اقل لحدوث التجميد اتفقنا كده
بالنسبه لضاغط السياره عند تشغيل التكييف على السلانسيه يكون الضغط على 30 يعطى فى تلك الحاله تبريد (زى التبريد الى موجود فى كابينه الثلاجه المنزليه عند تفويت الظاغط )بس يبيدى تاثير تبريفقط مش تجميدد, قشطه444546
لما نمشى بالعربيه وسرعه محرك السياره بيوصل الى 4000 rpm يكون ضغط السحب (المبخر ) وصل الى 10 او 5 psi طبعا هيعمل ثلج على المبخر ( ثلاجه العربيه ) التلج ده المفرض يسيح على طول ليه لان الهواء المفروض يسيح الثلج ليه الفقض الحرارى من زجاج السياره يكون كبيرا جدا فيتم زوبان الثلج بسرعه واذا لم يزوب الثلج يبقى يجد عيوب فى دائره الهواء

3-اذا ضاغط تكييف السياره عندما يشتغل على سرعات متغيره يعطى نفس تاثير التبريد ولكن بنسبه صغير على السرعات المنخفضه

- بالنسبه للكروسيد 82 صممام تنضيم الضغط داخل المبخر الى حضرتك بتفول عليه مش موجود فيها اساسا وعربيتك كانت شغاله كويسولما باض علايه التكيف بتاع رفع rpm بدات تعمل ثلج مع ان ده ملوش علاقه بتكوين الثلج بتاتا (كان ولدى معه كروسيدا 84 تكيفها اكثر من ممتاز مع انها استيشن )

4-بالنسبه للنكات الى حضرتك كاتبها ده انواع من صممامات التمدد سواء كانت حراريه او اتوماتكيه الى انا اشرت لها سابقا لانواع الصممامات وليست الهدف الاسساسى تثبيت الضغط انما تثبيت درجه حراره التبخير للفريون وذلك للوصول لدرجه معينه وذلك للتغيرات الحادثه فى حيز التبريد ويوجد منه ثابت اى درجه حراره التبخيرالخارجه منه لاتتغير بتغير الضغط ويتم ضبطه على درجه معينه فى الصنع وصممام تمدد متغير اى المستخدم يضبط الدرجه حسب حراره التبخر المطلوبه ويتم استخدامها فى المنشات الصناعيه الكبيره والتجاريه

5-فى حالات قليله جدا يتم عمل ثلج فى مبخر تكييف السياره ويكون ذلك دليل على كفائه الدائره الميكانيكيه للتكييف انما يوجد عيب فى دائره الهواء لابد من اصلاحها وذلك العيب لا يتطلب استعمال صمام تمدد متغير الضغط لكن يتم اصلا العيب

6- عند تصميم الى سياره يمكن وضع اجهزه تحسن اداء السياره مثل abs الى فى الفرامل بس لو مش موجود الفرامل هتشتغل برده كذالك الصمام الى حضرتك بتتكلم عليه لايضر اذا استعمله فى السياره ولكن يعتبر تكلف ذائده والهدف منها لن نستفيد منه بدرجه كبيره مين منا بيشتكى من تكون ثلج فى مبخر السياره واذا تكون ثلج يبقى مهناه يوجد عيب فى دائره الهواء ( تكييف البيت عندما يكون فلتر الهواء مسدود لا يحدث تاثير هواء فى الغرفه ونجد ان المبخر بدء بتكوين ثلج )
اسف على الاطاله

رد: الفرق بين تكييف السيارات القديمة والحديثة والمنزل
 

اتفق معاك في النقطتين 1 ، 2
انما باقي النقاط أنا مش معاك فيها بصراحة

وخلينا نمسك نقطة نقطة

النقطة 3
تغير سرعة الضاغط أكيد هتغير قوة التبريد، والدليل من كلام حضرتك نفسه اللي كاتبه في النقطة 2....
"لما نمشى بالعربيه وسرعه محرك السياره بيوصل الى 4000 rpm يكون ضغط السحب (المبخر ) وصل الى 10 او 5 psi طبعا هيعمل ثلج على المبخر"

بس المشكلة اللي بتنكلم عليها هي الحصول على درجة حرارة شبه ثابتة داخل المبخر عن طريق ضبط الضغط جواه

وبالنسبة للكريسيدا... أنا مصدقك إن الكريسيدا 84 ممكن مايكونش فيها نفس الصمام لإن معدل التطوير في الموديلات الياباني في الفترة دي كان عالي جدا، بحيث إنك ممكن تلاقي تعديلات ميكانيكية كتير قوي في نفس الموديل على حسب السوق، وانا لاحظت الكلام ده لما كنت بروح أشتري قطع غيار للعربية

على فكرة عربيتي كانت مواصفات خليجي من الكويت، وكان فيها المنظم اللي بقول لحضرتك عليه وأنا فكيته من جوه وانا اللي مركبه بإيدي وواخد بالي أنه واخد وصلة من المبخر ووصلة من الاكبانشن وبيودي على الضاغط



النقطة 4

درجة حرارة التبخير مرتبطة بالضغط بشكل مباشر ولكنها تختلف باختلاف نوع الفريون والدليل في هذا الرابط
http://www.e38.org/pparish/pt-table.htm
إذا لو الضغط انخفض درجة الحرارة حتنخفض مباشرة



النقطة 5

لاحظ إن الصمام اللي بتكلم عليه مش صمام التمدد

صمام التمدد مكانه دايما قبل المبخر
الصمام اللي بتكلم عليه (خلينا نسميه المنظم) مكانه دايما بعد المبخر



النقطة 6

أنا دورت شوية في النت وقدرت أوصل للمعلومات دي

أنظمة التكييف في السيارات واحدة من 3

1- نظام صمام التمدد + مستقبل/مجفف (Receiver/Dryer + Expansion Valve)
وده أبسط نظام، وبيعتمد إنه يفصل الضاغط لما درجة الحرارة توصل للمطلوب، ولكنه غير كفء في درجات الحرارة العالية جدا

2- نظام المجمع - أنبوبة الفوهه (Accumulator - Orifice Tube)
وهنا المجمع هو اللي بيعوض فرق الضغط داخل دايرة التبريد والمبخر، وهو ده النظام المستعمل حاليا في السيارات الجديدة

3- نظام صمام خنق الشفط (Suction Throttling Valve)
وهنا المنظم هو اللي بيضبط الضغط داخل دايرة التبريد والمبخر، والمنظم ده فيه منه نوعين:
Suction Throttling Valve - STV
Pilot Operated Tube - POA
والنظام ده أكثرهم تعقيدا وأكثرهم استهلاك للوقود، لإنه بيخلي الضاغط شغال علطول من غير ما يفصل بسبب الوصول لدرجة الحرارة المطلوبة، ولكنه الأكثر كفاءة في درجات الحرارة العالية جدا

وحضرتك ممكن ترجع للروابط دي لمعلومات أكتر
http://www.e38.org/pparish/ac_works.htm
http://www.aircondition.com/dsmobileac/expvalve.html
http://www.cardictionary.com/definit...ing-valve.html
http://what-when-how.com/automobile/...ol-automobile/
http://www.brighthub.com/engineering...les/58365.aspx

رد: الفرق بين تكييف السيارات القديمة والحديثة والمنزل
 

شكرا على المعلومات القيمه

لقد استفدت كثيرا

ROSE4U
:THUMBS~220: