مصر موتورز مجتمع السيارات - اربع مشاكل كدة فى الفيرنا عندى لو حد ينصحنى فية بس........

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: اربع مشاكل كدة فى الفيرنا عندى لو حد ينصحنى فية بس........

اقتباس:

المشاركة الأصلية كتبت بواسطة medoelsoni (المشاركة 429846)

كلام الأأستاز دة طبعا صح لو الموضوع لما تدوس فرامل بيكون من الطنابير وعلى فكرة موضوع المسح دة أنا جربتو هو بينفع بس لمدة قصيرة يعنى فى حدود 6 أشهر وبيرجع تانى بس على خفيف وعلى فكرة الموضوع بردة مش بيجى بالتغير
المشكلة فى أنك ممكن تكون بتغسل العربية وهى سخنة ودة بيخلى التيل ينشف وكمان الطنابير يحصل فيها أعوجاج ..أما موضوع الغربلة دة لو انت مركب جنوط أسبور صينى فتأكد انك عمرك مهتعرف ترصص كويس مش عارف لية بس انا رصصت أكثر من مرة وبردة بترعش ... مدام مركب جنوط شينى
والله الموفق

اشكرك جدا وفعلا انا بغسلها سخنة ودا برضة كان من ضمن الاسباب لكن الوقتى بعيد بعد تام عن الغسيل السخن وعلى فكرة هى بترجع تانى فعلا شكلها مش مهم شوية كدة تمشينا ونغير طنابير كورى والله المستعان

رد: اربع مشاكل كدة فى الفيرنا عندى لو حد ينصحنى فية بس........

اقتباس:

المشاركة الأصلية كتبت بواسطة corsair (المشاركة 428929)

يبقي تشوفلك خراط محترم ومشهور علشان في خراطيين عدماء الضمير ومبيخرطوش الطنبورة كويس عن تجربة ولو لسه الرجه موجوده يبقي تريح دماغط وتجيبلك طنبورة جديدة وخلاص وبص علي التيل لو في جزء بيتأكل وجزء لا يبقي فعلا العيب في الطنبورة لكن لو كله مستوي واحد يبقي الطنبورة سليمة ونشوف سبب الرجه ديه ايه

والله انا تعبك معايا وان شاء الله خير بس على فكرة انا اتاكدت انى مهما خرط هترجع تانى بفترة يعنى 7 او 10 شهور كدة واهه مدة كويسة تمشى الحال

رد: اربع مشاكل كدة فى الفيرنا عندى لو حد ينصحنى فية بس........

لو التعرج ده على هيئة دوائر مركزها هو مركز الطنبوره نفسها يبقى مش هو السبب خالص فى الرعشة البسيطة دى .. ولكن التعرج ده غالبا بيكون سببه التيل نفسه او عمر افتراضى للطنبورة ..

اما موضوع الدبرياج فده طبيعى وعادى .. بس يا ريت متبقاش تريح رجلك على الدبرياج لفترات علشان ده ممكن يؤثر على السطوانة الدبرياج على المدى البعيد ...

رد: اربع مشاكل كدة فى الفيرنا عندى لو حد ينصحنى فية بس........

كلام الاستاذ ايمن منصور صح 100% اما موضوع الدبرياج ممكن الديسك فيه ريجه وربنا يوفقك

رد: اربع مشاكل كدة فى الفيرنا عندى لو حد ينصحنى فية بس........

افحص بلية الديسك ممكن تكون البلية هى السبب فى تلك الرعشة فى الدبرياج ودة ممكن يكون عيب صناعة وبيتغير فى التوكيل على حسابهم

رد: اربع مشاكل كدة فى الفيرنا عندى لو حد ينصحنى فية بس........

كل الحاجات دى عادية وطبيعية تقلقش من حاجة

رد: اربع مشاكل كدة فى الفيرنا عندى لو حد ينصحنى فية بس........

:018A1D~146::018A1D~146: