|
رد: الفتنة ام ودنين
أهم وسائل إزالة الفتنة الطائفية هو إزالة أسباب الإحتقان . وأهم سبب للإحتقان هو الشعور بالظلم وعدم المساواة أمام القانون . مثلا لماذا لا تخضع الكنائس للتفتيش أسوة بالمساجد , وكلاهما دار عبادة . إن خضوع الكنائس مثل المساجد للتفتيش يزيل الأحساس بالشعور بعدم المساواة , كما يقضي على ما يقال من وجود مخازن للسلاح داخل الكنائس , ووجود سجون بالأديرة يسجن فيها المسيحيات الاتي يسلمن . ومطلوب أيضا دولة مدنية تسمح بحرية العقيدة فمن غير المقبول أن يقوم الأمن بتسليم المسيحيات الائي يسلمن للكنيسة , التي تقوم بدورها بسجنهن وعزلهم عن العالم , وهناك الكثير من الشائعات عما يتعرضن له أثناء ذلك . ومطلوب من الدولة أن تساوي في المعاملة بين الجميع , ولا تطبطب على طائفة وتدوس على الأخرى بحزائها مثلما كانت تفعل فيما مضى لإسترضاء الغرب لكي يوافق على توريث الحكم ..! أزيلوا أسباب الإحتقان أيها السادة , و تنبهوا إلى مؤامرات إسرائيل وأعداء مصر وهم يستثمرون حالة الإحتقان لتنفيذ مؤامراتهم القذرة تجاه مصر . ولندعوا جميعا الله أن يحمي الأمة المصرية جميعها من أي سوء .
|
رد: الفتنة ام ودنين
عفوا ابو نورا.....
اسف ان اقول انه قد فاتك ان الاختلاف فى العقائد موجود حتى فى الاسلام ايضا فتجد الامام الشافعى و ابن حنبل و غيرهم كذلك السنة و الشيعة والكل مختلف مع بعضه و قد يتقاتل ايضا مثلما حدث فى البحرين مؤخرا الحقيقة فى موضوع الفتنة الطائفية فى مصرليس فى تلك التسمية - الاقباط - التى فرضها عليهم الفاطميون ولا فى زى الكهنة الاسود الذى فرض عليهم من الفاطميين ليكون مظهرهم منفرا للناس و انما من المواطن المصرى نفسه الذى اصبح فاقدا لاحترامه لنفسه و احترام الاخرين له...ان الفقر و القمع الذى عاشه المواطن المصرى فى العصور الماضية قد جعله متمردا و غاضبا على قيمه و اخلاقه ومبادئه و التزاماته ان المصرى اليوم يستمتع بما يحدثه من فوضى فى غياب اليد القوية للقانون نعم و اقولها مرة اخرى نعم .... ففى كلا الطرفين المسيحى و المسلم يوجد المتعصبون و الحمقى والاغبياء اللذين يسهل قيادتهم تحت الشعارات الرنانة لكن لماذا وصلت الحالة الى درجة القتل و الحرق للمنازل و المحال و دور العبادة؟ هل فى كل ما ذكرت سيادتكم عن الاضهاد داخل طوائف المسيحية ان حدث مثلما يحدث فى مصر من احداث سوداوية ؟ صديقى انظر فيما حولك فى الدول العربية و دول افريقيا ستجد الكثير من المسلمين و المسيحيين يعيشون فى سلام و محبة ينظرون الى الامام و يخططون للمستقبل و نحن مشغولون بالحلال و الحرام ...ندخل الحمام بالرجل اليمين او الشمال...مسلم او نصرانى كافر..ده حال شعبنا ولانه بقى شعب فاضى فكل واحد فيه عامل قاضى و سلم لى على التنمية و الرخاء وعجلة التقدم وكنا زمان بنقول خلينا محلك سر دلوقت احنا للخلف جرى... لازم تفكير الناس يتغير ..احترامهم لنفسهم و للاخرين لازم يرجع ونرجع نقول زى زمان ربنا رب قلوب مش مظاهر و لبس طويل و ذقون.. لازم السلام يرجع لنفوسنا اولا ففاقد الشىء لا يعطيه وكل واحد يعرف انه بيعبد ربنا وليس الانبياء و كلانا مسلمين و مسحيين لنا رب واحد ..اذا لماذا نختلق المشاكل لانفسنا ؟ ان غايتنا هى حسن الاخرة و طريقنا هو العمل الصالح بدون شروط..ترى بما يحدث الان فهل لنا حسن الاخرة ؟ |
رد: الفتنة ام ودنين
شكرااا يا ا.وائل علي الموضوع....
كفيانا نحط راسنا في الرمل لان فيه مشكله ويجب حلها ولازم النصاري يفهموا ان امريكا مش هتحميهم... امريكا لو تدخلت هتضرب المسلمين والنصاري..... علي فكره المزرعه عندنا لو تخيلتوها كمربع ...فيه ناحيتين من المزرعه جاريين مسيحيين واحد اسمه المعلم مسيحه والتاني عم غالي وبصراحه الناس كويسه وبيجوا في الظروف سواء حزينه او سعيده وجارنا المسلم المنوفي مقلقمش بيعمل معانا ايه من نقل للحدود ومشاكل.... |
رد: الفتنة ام ودنين
يا صديقي أنا موافقك على جميع ما فلت وكل ما إقترحت , ولكن أختلف معك في نقطة واحدة . فالأمن يقوم بتسليم المسيحيات الاتي يسلمن إلى الكنيسة . ولا يحدث العكس , وأنا عندي العديد من الأمثلة والحالات لا أريد أن أذكرها هنا كي لا أزيد في حالة الإحتقان الموجودة . وشكرا على سعة صدرك .
|
رد: الفتنة ام ودنين
معلومات قيمة للغاية , إنني أدعو الله أن يهدي النفوس ويبعدهم عن التعصب والتطرف .
|
رد: الفتنة ام ودنين
انا مش فاهم اللي بيحصل ده بيحصل ليه ؟ طول عمرنا عايشين عادي مش في الدماغ موضوع الدين ده ايه اللي اتغير ؟ انا مش فاهم انا مسلم و ليا اصدقاء مسيحين و كلنا سمنه علي عسل و بنخرج مع بعض في العيد بتاعنا و بتاعهم و الحياه فل و الله العنصريه و التطرف اللي بقه هنا مش موجود في دول اوروبا و امريكا علي اساس مثلا انهم احسن مننا لا ليه ؟ عشان عندهم مخ بيشغلوه و علم موجود في الذاكره العكس صحيح عندنا امخاخنا زنخت من كل كتر الركنه و العلم بيخش من الودن دي و بيخرج من الودن التانيه طبعا كلامي مش بعممه علي كل الناس و الدول |
رد: الفتنة ام ودنين
لو مسلمة تنصرت الكنيسة بكل قوتها بتساعدها و بتهربها خارج البلاد و تلاقي ابوها او اهلها زي المجانين مش عارفين عنها اي حاجة
و ميخلصش الموضوع على كده - لأ تلاقي بعدي فتره شرايط الاستفزاز و يقعدوا يعملوا لقاءات مع البنت و ايه اللي هداكي ليسوع الرب و مش عارف ايه و مدرك ايه في استفزاز لعوام البشر و هنا امن الدولة بيؤمن عملية الهروب لخارج البلاد للمنتصرة عموما السياسة دي انتهت خلاص - المطلوب دلوقتي ان الكنيسة هي اللي تاخد بالها ان السياسة دي انتهت خلاص - اللي يسلم مينفعش يتخطف و يتعذب في الاديرة - عايزين تناقشوه في دينه - الازهر نفسه بيكفل ليكم ده في النور و العلن و بدل الجلسة تتعمل اتنين و تلاته لانه اصلا من مصلحة الاسلام ان اللي يدخل فيه يكون متأكد 100% و مقتنع تماما - لكن المتردد او اللي ليه اسباب دنيوية احنا اول ناس مش عايزينه زي موضوع الطلاق و الكلام ده كرولس: لا اسمح لك بالسخرية من معتقدي الديني, النبي عليه الصلاة و السلام كان يدخل الخلاء بقدمة اليسرى و يخرج باليمنى ده سنة عن حبيبنا المختار و من احبه يتبعه فيها - انا عن نفسي لا التزم بها لانها ليست فرض او سنة مؤكدة و لكنها من باب العادات فليس من حقك ان تستهين بالمعتقد - لان الدين الاسلامي كما نظم كيفية دخول الخلاء - نظم كيفية الغسل - كيفية الطهارة - كيفية التجارة و المعاملات - كيفية الجهاد في سبيل الله - كيفية العبادات بكل انواعها ديننا دين متكامل - لم يرحل حبيبنا محمد حتى رسم لنا طريقا نسلكه منذ ولادتنا و حتى مماتنا و يشمل كل صغيرة و كبيرة في حياتنا اليومية بعضها فرض علينا و البعض الاخر مستحب فعله و ان كان ليس مفروضا لرفع المشقة عموما الطائفية موضوع غبي و تافه - لاننا كلنا بشر - كلنا لنا احلام و طموحات و امال - سنحققها فقط ان توقفنا عن الاهتمام بعيوب الاخر و اهتممنا بانفسنا و اصلاحها و حل مشاكلنا للافضل |
| الساعة الآن 11:58 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017