مصر موتورز مجتمع السيارات - ارحمنا بقى يا عم غبور

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - ارحمنا بقى يا عم غبور (https://www.masrmotors.com/vb/showthread.php?t=53771)

رد: ارحمنا بقى يا عم غبور

فعلا الزيادة دى مخليانى ارجع تانى زيك وافكر فى اللوجان
لانى كنت مستقر على لوجان بس لما عرفت قطع الغيار واسعارها رجعت للفيرنا
لانى سمعت انه الفانوس ب975
ياريت لو فى لسته باسعار قطع غيار اللوجان حد يقولى بالظبط
وكمان اية اخبارها فى المطبات والعشفة وبتستحمل ولا لا؟؟؟
معلشى لو اتدخلت فى موضوعك لانى زيك برضة محتار

رد: ارحمنا بقى يا عم غبور

اقتباس:

المشاركة الأصلية كتبت بواسطة nicolass (المشاركة 414089)

يا باشا ولا يهمك المهم المصلحة تعم

بالنسبة للعفشة ناعمة ومريحة وبتستحمل

أما عن أسعار قطع الغيار فهتلاقى مشاركات كتير للأعضاء المحترمين فيها الأسعار بس انت دور فى المشاركات

رد: ارحمنا بقى يا عم غبور

اقتباس:

المشاركة الأصلية كتبت بواسطة drali (المشاركة 412499)

أخى success cre8or

أعتقد حتى لو انا مالك للفيرنا ممكن انبسط انبساط وقتى انما هرجع افكر و اقول هى فعلا العربية تستحق الزيادة طبعا لأ ده اغلى من تمنها الحقيقى بكتير

وعلطول هتعرف انت يا مالك الفيرنا ان انت بين ايدين واحد جشع

يعنى حتى لو انت اشتريت الفيرنا بالسعر القليل و افتكرت انك نفدت

لا استنى عندك ده انت دخلت المصيدة برجليك دخلت للمبيرحمش

لأنه لو بيرفع سعر الجديد بالجشع ده أكيد هيبقى الجشع ده موجود فى الصيانات ان لم يكن فى غلاء اسعارها فأكيد هيكون فى الإهمال اللى فيها

حد هيقولى هو الإهمال جشع؟؟؟؟؟؟؟؟؟؟؟
اقوله اه لأن كون انه ياخد منك فلوس وميديكش قصادها خدمة يعنى انت بتدفع فلوس على الفاضى يعنى جشع

ربنا يرحمنا من الحيتان اللى واكلينها والعة

انا مبروحش التوكيل في الصيانات .. بعملها في مركز معتمد و اسعاره احسن من الوكيل كتير + اسعار قطع الغيار الأصلية الإستهلاكية للفيرنا كويسة بصراحة و مش غالية (هو فعلاً اسعار الهيونداي الأحدث غالية معرفش لية.. واحد صاحبي بيقوللي تيل الفرامل الأصلي لالنترا تقريباً نفس سعر بتاع الأوكتافيا !)

اما بخصوص هل سعر العربية مناسب ليها ولا لأ ..فدي بتفرق من شخص للتاني الحقيقة و هو بيدور على اية + السوق عرض و طلب .. اكيد العربية عليها طلب قوي عشان اعتماديتها و اسعار قطع غيارها و كدا .. و انا ايام ما كنت بشتري مكنش فيه في الفئة دي غير لانوس فيرنا سبيرانزا 516 .. لكن حالياً في ساجا و لوجان كمان .. فأنا رأيي الشخصي ان افضلهم في الفئة دي الساجا .. يعني لو كانت موجودة في 2007 كنت هشتريها و بالتوفيق في الإختيار ان شاء الله

رد: ارحمنا بقى يا عم غبور

اقتباس:

المشاركة الأصلية كتبت بواسطة nicolass (المشاركة 414089)

يا راجل فانوس اية اللي 975ج دا لية دا احنا لو راكبين مرسيدس فانوسها ما يعملش الكلام دا

دي اسعار من 2009 واللي انا متاكد منة انها نزلت بمقدار 15% عن الاسعار دي كمان يعني الفانوس الخلفي مثلا بقي ب 180ج بدلا من 210ج بس بجد انت جبت 975ج دي منين

بوجيهات 80 ج
سير تكييف 65 ج
فلتر زيت 30 ج
فلتر هواء 60 ج
فلتر بنزين 50 ج
سير دينامو 75 ج
تيل فرامل أمامي 220 ج
تيل فرامل خلفي 350 ج
فانوس امامى 530 ج
فانوس خلفى210
طلمبة مياه 475 ج
طقم كاتينه 550 ج
اكصدام خلفى 1050
اكصدام امامى 1165

ولو انت من القاهره الموضوع حيبقي ابسط من كده كمان لان اللي انا علرفة ان معظم قطع الغيار دي بقت في التوفيقية بنص الثمن

رد: ارحمنا بقى يا عم غبور

اقتباس:

المشاركة الأصلية كتبت بواسطة احمد السيد ا (المشاركة 412490)

يا جماعه غبور بيخاف علينا

وبيعامل الناس زى القصر اللى مش فاهمين حاجة
وانا منتظر طبعا الاستاذ اللى بيدافع ويبرر لغبور اى حاجة عمال على بطال
وطبعا هيقول غبور حد فاهم السوق اوى
ده جشع وطمع ومفيش ضمير
بتنزل اوحش عربيه على مستوى العالم وكمان أغلى سعر فى العالم
ليه كده هو احنا عايشين فى القرون الوسطى ،يظهر انهم مش واخدين بالهم ان فيه ثوره حصلت والدور عليهم ان شاء الله

حسبنا الله ونعم الوكيل

انت بتتكلم عني انا؟

ولا انا فاهم غلط ..

رد: ارحمنا بقى يا عم غبور

لسه مردتش
في انتظارك

رد: ارحمنا بقى يا عم غبور

اقتباس:

المشاركة الأصلية كتبت بواسطة Mr.Mamo (المشاركة 416126)

انت بتتكلم عني انا؟

ولا انا فاهم غلط ..

مش غلط يا باشا
ليه مع غبور على طول الخط
سواء صح او غلط
ومعلش على التأخير فى الرد لانى لسه شايف المشاركه