رد: قدامى عربية فرنا فيفا 2008 للبيع ايه رايكم
 

ما انا كدا هادخل فى مشاكل التقسيط اللى انا باحاول ابعد عنها

رد: قدامى عربية فرنا فيفا 2008 للبيع ايه رايكم
 

انا رايى ان اللى يدفع 55 الف فى سياره مستعمله والفرق بينها وبين الزيرو بسيط انه يقسطه
عالاقل ادخل جمعيه واقبضها فى الأوائل.

انما لو هتجيب حاجه ب 55 الف يبقى حاجه سعرها الزيرو اغلى بكتير وبالتوفيق
واهم حاجه صلى صلاة استخاره فى الاول

رد: قدامى عربية فرنا فيفا 2008 للبيع ايه رايكم
 

ماهى الفلوس دى فلوس جمعية يعنى دا كل اللى معايا ومش هاينفع اقسط دلوقتى لانى دا هايزنقنى جامد
وانا شغال استخارة على طول يعنى كل شوية اصلى استخارة

رد: قدامى عربية فرنا فيفا 2008 للبيع ايه رايكم
 

تعديل بسيط يا باشا بعد اذنك ...

الفيفا موتور 1500 cc و 12 صباب مش 8 ....

رد: قدامى عربية فرنا فيفا 2008 للبيع ايه رايكم
 

انا رايى انى 55 كتير اولا الزجاج مانيوال يخنق ومدام كدة هتلاقيها بالكتير هاف اوبشن بصراحة والله من غير زعل انا كنت فى نفس مشكلتك دى وكان معايا 50 الف وسنة 2007 كان الفيرنا عاملة 68000 فول اوبشن مانيوال مش هاف اوبشن خد بالك
قلت الفرق 18 واركب زيرز زيرو خلاص صبرت على نفسى 7 شهور وجبتها زيرو وكان معايا ساعتها 58 الف وقسط الباقى مع المعرض على اساس يدينى سنة بدون اى قسط وزود عليا الفين جنية على الباقى وربنا المعين خلصت القسط وريحت دماغى من مشاكل المستعمل حتى لو كسرزيرو شفت بقى تعب ولفيت اد اية بس ريحت نفسى فى الاخر وبصراحة انا مجربتش الفيفا فى التقفيل عشان احمك بس اعتقد انة هيبقى فرق قليل بس الفيرنا اشيك بكتتتتيييير واسف على الاطالة

رد: قدامى عربية فرنا فيفا 2008 للبيع ايه رايكم
 

هى الفيفا تقفيلها احسن من المصرى بكتير ...

وعزل الصوت فيها اكتر من ممتاز ...

وفى الكماليات تعتبر هى هى الفيرنا المصرى ..

الفرق ان الفيفا الهاف اوبشنز فيها عداد rpm اما الفيرنا المصرى الهاف اوبشنز مفهاش rpm ...



بس انا رأيى من رأى الناس اللى قالتلك اصبر شوية وهات لوجان زيرو .. واستحمل شوية وقسط الباقى ...

بالنسبة للسعر هو غالى شوية لان العربية هاف اوبشنز .. يعنى لو كده انا رايى تكون ب 52 مثلا ...


وربنا يوفقك وتفرحنا معاك قريب ....

GIFT4U

رد: قدامى عربية فرنا فيفا 2008 للبيع ايه رايكم
 

عندي رد طبعا متأخر لكن هأقوله كنصيحة لوجه الله
انا كان معايا اوبل كورسا 2004 ركبتها سنه عملت بيها حوالي 11000كم كنت جايبها مستعملة
في مره جابت معايا ثيرموستات وش السيلندر وعلشان انا عايش في الصعيد لم اجده في التوكيل قعدت العربيه 3 ايام مفكوكة عند الميكانيكي لحد ما جبته من الحرفيين وركبته
ومرة ثانية مجموعة السالانسيه كانت بتعلق س؟ألت لقيتها 2500جنيه رحت بايعها
وبعد تفكير جبت فيفا زيروا بقى لها اكثر من سنتين وجدت بها الاتى بكل امانة
سحب ممتاز جدا وانا بأتخطى السيارات باكون ماشي على سرعة 60كم وانا على الخامس بأكسل انزل للرابع واجيب بيها 120كم في ثواني قليلة عمرها ما خزلتني وانا بأعدي اي سيارة والتكييف بيكون شغال
حملت فيها 8 افراد بدون اي مشكلة معظم مشاويري على الصحراوي
سيارة فعلا ممتازة للغلابة اللي زينا
عيبها الوحيد المطبات بتخبط لو حملت الكنبة بالكامل ومطبات عمولة غير صحيحة بالمرة
انا مشيت بيها على 180 كم والتكييف شغال لمدة 10 دقائق للتجربة