مصر موتورز مجتمع السيارات - ازاى تظبط كهرباء عربيتك

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - ازاى تظبط كهرباء عربيتك (https://www.masrmotors.com/vb/showthread.php?t=53203)

رد: ازاى تظبط كهرباء عربيتك

اقتباس:

المشاركة الأصلية كتبت بواسطة pointer (المشاركة 407760)

ازاي اعرف ان الشاكوش ده هيدي البوجيه ده من غير ما نفك الغطاء

اقتباس:

المشاركة الأصلية كتبت بواسطة mr_astra (المشاركة 407596)

اخى الكريم pointer
" العلامة معمولة عشان ظبط التقسيمة بتاعة الموتور مش الكهرباء "

السلام عليكم اولا :)

هو الموضوع ده ممتاز جدا لكن كان عندى بعض الاضافات هو الاستاذ لما قال ان العلامه الموجوده لضبط البستم الى اعلى نقطه هو كلامه صحيح لكن لو ركزت شويه فى الكلام البيقوله الراجل الموجود فى الفيديو الانت منزله هاتلاقى الراجل بيظبط الكهرباء على علامه الكهرباء مش علامه البستم , و للتوضيح اكتر انت فى اى عربيه هاتلاقى كذا علامه مش علامه واحده و فى الغالب هاتلاقى 2 علامه على الموتور و علامه واحده على الطنبوره العلمتين الموجودين على الموتور دول هاتلافى واحده فيهم لو وقفت علامه الطنبوره امامها هاتلاقى البستم رقم واحد فى اعلى نقطه له و العلامه التانيه لو وقفت علامه الطنبوره عليها دى كده المفروض تظبط عليها وقت اشعال البوبينه
اذا 1 - اعلى نقطه فى البستم هى ليست نقطه اشعال البوبينه و نقطه اشعال البوبينه تسبق اعلى نقطه بفارق بسيط جدا و الفكره ان الموتور و هو ماشى بيكون على سرعه عاليه جدا و لازم نقطه الاشعال تكون قبل اعلى نقطه للبستم عشان مع سرعه الموتور لحظه الاشعال الحقيقيه تكون فى اعلى نقطه لانه يوجد فارق زمنى بسيط جدا بين لحظه اشعال البوبينه و وصول الكهرباء الى البوجيه بالضبط زى ما تكون واقف بتصطاد حمامه طايره بسرعه انت انت لو نشنت عليها بالضبط و هى بتجرى الرصاصه مش هاتيجى فيها لان عبال لما الرصاصه توصل هاتكون الحمامه بعد المكان الانت نشنت فيه و البستم هنا هو الحمامه و الرصاصه هى الكهرباء :)

2 - مش شرط كل عربيه فيها علامه واحده على الطنبوره البتخلى البستم رقم واحد هو الفوق يوجد سيارات كثيره فيها 4 علامات على الطنبوره يعنى مثلا عندك البيجو القديم هاتلاقى فى الطنبوره 4 علامات كل بستم له علامه و ده موضوع صعب جدا انك تعرف انهى بستم الفوق .

3 - يوجد سيارات بها علامات على ترس الفلام زى مثلا ال 128 هاتلاقى فى ترس الفلام 3 علامات ( 0 و 5 و 10 ) علامه الزيرو دى اعلى نقطه فى البستم و علامه 5 دى نقته اشعال البوبينه و علامه 10 دى نقطه الاشعال الثانيه الهى المفروض تظبط عليها الفاكيوم الموجود على الاسبراتير و ده مش هاتلاقيه فى كل العربيات و ده بيغير توقيت الكهرباء على سرعات الموتور العاليه لكى تحصل على اعلى اداء للموتور فى مختلف السرعات .

4 - عند اداره الاسبراتير و انت ظابط الموتور على نقته اشعال البوبينه المفروض انك تلف الاسبراتير عكس اتجاه الشاكوش يعنى زى ما انت قولت توصل اللمبه على البوبينه و لو عندك الشاكوش بيلف فى اتجاه عقارب الساعه انت تلف الاسبراتير فى اتجاه عقارب الساعه و بعدين ترجع عكس اتجاه عقارب الساعه اول لما تلاقى المبه نورت تعرف ان هى دى ظبطه الاسبراتير و طبعا اثناء العمليه دى لازم تكون مشغل الكونتاكت او لو مش عاوز تشغل الكونتاكت خوفا من حرق الابلتين واذا وصل طرف الموجب لللمبه على البطاريه و وصل الطرف السالب على سالب البوبينه لان البوبينه اول لما انت بتشغل الكونتاكت البوبينه بيوصلها كهرباء متواصله مع الكونتاكت و الابلتين هو الذى يعطى اشاره سالبه للبوبينه لكى تعمل البوبينه و هو البيخلى اللمبه تنور معاك . و اهلا وسهلا بأى استفسار او تعديل او اضافات فى هذا الكلام .

رد: ازاى تظبط كهرباء عربيتك

يا عم الله ينور عليك
بس الموضوع ما اخدش الضجة بتعتة عشان اول ما نزلت الموضوع اتقال ان فى لخبطة ومش كامل وكل شيخ ولة طريقة
الكلام دة كان من تاثيرة ان الاعضاء تعزف عنة لان من وجهه نظرهم ان الكلام ملخبط
طب طالما فى طريقة تانية ما اتحطتش قبل كدة لية والله مش عارف اؤلك اية بس اشكرك على الافادة
وكل سنة وانت طيب

رد: ازاى تظبط كهرباء عربيتك

اقتباس:

المشاركة الأصلية كتبت بواسطة mr_astra (المشاركة 491791)

بالعكس يا مستر استرا الموضوع ممتاز جدا فى نظرى هو بس الفرق هنا ان كل واحد له طريقه شرح و على فكره انا ممكن اكون مش عارف اوضح اوى كلامى و ممكن ناس كتير تفهم كلامى لان الشرح النظرى غير العملى و سكرا كثيرا على هذا الموضوع الجميل انا شخصيا قرأت عنه كتير و فهمت حاجات تانيه اضافيه بسبب نزول هذا الموضوع و اكيد يوجد اشياء اخرى لسه ممكن اعرفها تانى عن الموضوع ده و كل عام و انتم بخير و رمضان كريم . :)

رد: ازاى تظبط كهرباء عربيتك

Technical ana msh fahem ay 7aga 5ales bas wade7 ennk bet2oul el kalam da b wa3y :THUMBS~220:

رد: ازاى تظبط كهرباء عربيتك

تسلم الايادى بجدا
ونفسى اظبطها عملى لو امكن ايه ياترى

رد: ازاى تظبط كهرباء عربيتك

بصراحة موضوع ممتاز ورائع واشكر كل الى ساهموا فى تقديم المعلومات لينا
انا طبقت كل التجربة بالحرف الواحد بس للاسف انا فشلت
علما انى عملت زى الكتاب ما بيقول
وزى حضرتكم ما شرحتم بالضبط

عطيت العربية غيارخامس
رفعت العجلة اليمين
وصلت لمبه على الموبينه
فكيت وش الاسبيراتير وعرفت وضعه بالضبط
بصيت على الشاكوش فين قبل ما اعمل اى شىء
فكيت بوجيه رقم واحد
حطيت المفك بايد
على ترس الكامة
لقيت العلامة اللى بتطابق علامة على جسم العربية ساعتها يبقى الصمامات مقفوله علشان شوط الانفجار
بدات ألف العجلة بأيد وعينى اليمين على شاكوش الاسبيراتير
وعينى الشمال على علامة ترس الكامة والعلامة على جسم العربية
وأيدى الثانية على المفك علشان احس باعلى نقطة للبستم
لقيت الاتى

تتطابق علامة ترس الكامة مع جسم العربية - مع اعلى نقطة للمفك لكن
اللمبة بتنور بدرى ومش بتطابق مع نور اللمبة الى عاطى شرارة للبوجيه رقم واحد
لفيت الاسبيراتير علشان اطابق نور اللمبة مع العلامات والترس واعلى نقطة للمفك
العربية لخبطت

نزلت على ترس الكرنك وكررت المفك فى اعلى نقطة
شاكوش الاسبيراتير على بوجيه رقم واحد
اللمبة طافيه
والتوقيت مش متطابق بين الاضاءة وبين اعلى نقطة
لفيت الاسبيراتير وحاولت اضبط
العربية لخبطت

رحت لامم العدة ومدور على الوضع القديم
العربية شغالة عشرة على عشرة
وللعلم
علامة ترس الكامة وترس الكرنك متطابقين لعلامات جسم العربية مع الشاكوش
لكن اللمبة لو حاولت تعدل الاسبيراتير علشان تضبط اضائتها مع الباقى
العربية تلخبط
رحت لواحد اعرفه مهندس ميكانيكى جارنا وقلتله ممكن اعرف منك شىء
قالى خير
حكيتله الى حصل
قالى
لا اللمبة مش هتطابق بالضبط ابدا مع علامات التروس والزنب
لان الشرارة بتكون قبل النقطة الميته العليا بتوقيت معين
مش فى اعلى نقطة للبستم
ليها علامة وتوقيت معين على جسم الموتور

قلتله شكرا
ورحت ماشى

ارجو منكم ان تقدموا الخطوات مرة اخرى مرتبه ومشروحة بشكل اوضح
وازاى اضبط بطريقة علميه
يعنى ازاى اضبط توقيت شرارة الاسبيراتير فى التوقيت الصح الى بيكون قبل النقطة العليا الميته
واكون شاكر ليكم
ملحوظة العربية فيات 128

رد: ازاى تظبط كهرباء عربيتك

الله ينور ياباشا:010104~171: