مصر موتورز مجتمع السيارات - الاعضاء تريد اسقاط ابو نورا

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - الاعضاء تريد اسقاط ابو نورا (https://www.masrmotors.com/vb/showthread.php?t=53120)

رد: الاعضاء تريد اسقاط ابو نورا

اقتباس:

المشاركة الأصلية كتبت بواسطة mahranahm (المشاركة 405672)

يا استاذ ميدو حاشى لله ان تشبهنا بالافاقين الضلالين بتع الحزب الواطى .
لكن بم انك عايز التغير لازم يكون عندك اسباب ولا هى طول المدة المش عجباك .

طيب يا برنس (( احنا ممكن نكون وراك يا معلم )) بس ادينا خطوط عريضة .
يعنى مثلا الراجل مبرودش على الاسئلة ......................... ......... وطبعا ده محصلش .
الراجل مبدفعش مرتباتنا ......................... ......................... ......................... .... وطبعا ده مبيحصلش .
الراجل فارض علينا ضرائب فى المنتدى ......................... ..................... وطبعا ده مبيحصلش .
الله امال انت عايز بلبلة وخلاص لاه يا عم انا مش معاك .
يحى يحى ابو نورا .

مفيش بأه مكافأه على الكلمتين دول حتى شكرانيات انا موافق .

ابو نورااااااااااااااا انت سامعنى انا كنت بغنى فيك من شوية .

باين علينا مش حناكل عيش فى المنتدى ده .

شوف يا مفتي الديار
انتم طبعا من نس الموتور
اللي هو الموتور الوطني الديموقراطي
بس انا هقولك بقي ليه طالبين التغيير
1-سياده الرئيس محمد حسني ابو نورا الي يومنا هذا سايبنا اهوه في الثورة و معبرناش
2-الناس الغلابه اللي ماشين في شوارع المنتدي مين مسؤل عنهم مش سياده الرئيس
3-الشباب العاطل اللي قاعد علي قهاوي المنتدي
4-و لا البنات اللي في المنتدي و مش لاقيين جواز
بلاش ده كله
فين تموين المنتدي
هل مره طله و بمناسبه العيد رش علينا شويه زيت بمناسبه العيد
او عيد علينا ببخه بنزين
انا عارف ان في ناس هتقول بص للاصلاحات اللي عملها و الكباري اللي في المنتدي
و متنساش الضربه البنزينيه اللي عملها
يا جدعان ماشي بس فين تداول السلطه
عاوزين السلطه تتداول
و يبقي عندك سلطه و عندي سلطه
و سلطتي و سلطتك و اتفرقوا السلطات

رد: الاعضاء تريد اسقاط ابو نورا

يا جماعة ابو نورا راجل ديمقراطى جدا مش هيمشى مش هيمشى :crazyW14:

رد: الاعضاء تريد اسقاط ابو نورا

اقتباس:

المشاركة الأصلية كتبت بواسطة mainz (المشاركة 405687)

كلنا معاك يا ريس الى الامام الى الامام كلنا معاك يا ابو نورا GIFT4U
اوجه كلمه الى الاعضاء الى عاوزين يغيرو النظام :crazyW14:
هيه مين انتم مين انتم ؟ هبعت عليكم فيروسات وهكر بالملايين زنجه زنجه منتدى منتدى عضو عضو مشاركه مشاركه :playing_music:

كده يا خبر
دنا كنت فاكر نفسي هصارع بتوع الموتور الوطني بس
لا كمان يطلعولي بتوع الفتيس الاخضر
احب اقولكم بقي
اني هجيب ملايه لف زي بتاعه محمر القذافي و اقطعها من عند الكتف
و ازعق زي الغوووووووووول و اجعر و اقول
تعاليلي يا بطه ...................و انا مالي هيه

رد: الاعضاء تريد اسقاط ابو نورا

بسم الله الرحمن الرحيم . اخوانى اعضاء الموقع ان الحديث بدأ بخفه الظل وانا كنت معجب جدا بالتعليقات ولكن تدخلى الان خوفا وحرصا منى على ان يأخذ الحوار مسلك اخر ونرى فيه اسائه لاى عضو او تعدى على حريه الاخرين فى التعبير فرجائى تنبهوا لهذا الموضوع حتى يظل فى اطار تداول الحوار بنفس خفه الظل التى بدا بها . والسلام عليكم ورحمه الله وبركاته .

رد: الاعضاء تريد اسقاط ابو نورا

اعلن السيد المبارك ابو نورا
اعلانه المعلن عنه في الاعلان السالف اعلانه بانه يعلن انه اعلن انه
ينتويييييييييي ان يظل كابس على نفسكم
عضو عضو
فرد فرد
قسم قسم
زينجا زينجا

وفي حاله انه عجز وسنانه وقعت ومبقاش فيه صحة يشوف الشاشة
هيعلن المهندس حلو الجمال اسلام خلفا له في كرسي عرش الموتورزاوية

:crazyW14::crazyW14::craz yW14:
.حد فاهم حاجة

رد: الاعضاء تريد اسقاط ابو نورا

استاذي العزيز استاذ طارق ابو ذيد
انا اسف لو اسلوبي ضايق حضرتك و انا بعتذر لاي عضو لو كلامي ضايقه
و يا ريت يا استاذ طارق حضرتك تقولي ايه اللي انا قلته او لاي عضو انا اعتذرله هنا و علي الخاص و انا اسف اوي و اتمني تسامحوني لو ضايقت اي حد

رد: الاعضاء تريد اسقاط ابو نورا

بيان القوات الاشرافيه المسلحه رقم1

ابناء مصر موتورز الكرام استنادا علي الاوضاع الحاليه والتي تمر بها جمهوريه مصر موتورز العربيه واحساسا منه بالمسؤليه تجاه شعبه فقد قرر السيد الرئيس ابو نورا عدم تنحيه عن الحكم نظرا لما في ذلك من مصالح عامه لشعب مصر موتورز الغالي .

والله ولي التوفيق

والسلام عليكم ورحمه الله وبركاته

شارك معانا واديني صوتك
http://www.masrmotors.com/vb/showthread.php?t=52786