مصر موتورز مجتمع السيارات - سعر سيارات جاك بدون الجمارك ومكسب الوكيل

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - سعر سيارات جاك بدون الجمارك ومكسب الوكيل (https://www.masrmotors.com/vb/showthread.php?t=52747)

رد: سعر سيارات جاك بدون الجمارك ومكسب الوكيل

اقتباس:

المشاركة الأصلية كتبت بواسطة odaoda (المشاركة 402374)

طبعا المبلغ كبير جدا جدا
انا شايف ان المكسب الاسلامى هو احسن حل
يعنى الوكيل دافع فيها 66000
يبقى يكسب 10 فلمية يعنى 6600 جنية بالظبط
قول 8000 بأجور العمال وايجار المعارض والحجات دى
دة طبعا على اساس صدق هذة الارقام وطبعا مبكدبكش يا استاذنا الكبيرGIFT4U
المهم بقى بقى بما انك جبتلنا الجاك
لازم نعرف جمارك كل العربيات بنفس المنطق
وخصوصا الهيونداى والشيفورلية
ارجوك متتأخرش عليناGIFT4U

استاذ اودا ازيك عامل ايه.....بجد سعيد انك موجودhttp://www.masrmotors.com/vb/images/..._11%5B1%5D.gif ....وابتديت تظهر......وعقبال الاستاذ سيف والدكتور كمال........ياباشا طبعا مبلغ كبير جدا جدا ....امال هو حيجيب مرتبات الناس اللى شغاله منين وايجار المعارض منين واكراميات منين ومكسب منين.. اكيد من جيوبنا...حسبى الله ونعم الوكيل فيهم دول فتشونا تفتيش سواء الوكلاء ولا الجمارك ومش عارف الفلوس اللى كانت بتتحصل من الجمارك كان بيتعمل بيها ايه .....كانت بتحصلها وزاره المايه ويحطوها فى كرشهم ....بدل مايعملونا حاجه تفدنا مشاريع كبارى او انفاق او طرق نظيفه يتمشى فيها ...مش الطرق المتكسره والمدغدغه...انا حاسس انهم كانوا متفقين مع بعض شويه العصابه دول بحيث يسيبوا الطرق مكسره وحفر ومطبات علشان العفشه تبوظ بسرعه وتروح تعمل صيانه للعفشه فى التوكيل ويقولك فتح ونصب ومصنعيه بقد كده ومساعد ولا كوبلن ولا مقص ولا بيضات بقد كده وممكن يبقى فى حاجات سليمه ويقولك عايزه تتغير علشان تدفع فلوس وخلاص ...منهم لله.....كلهم مطبخنا مع بعض....
اما عن المكسب فحضرتك متحسبش المكسب على سعر العربيه بعد اضافه الجمارك لا احسب المكسب على سعرها من الشركه اللى هو 40000 لانى كده كده فلوس الجمارك اللى بيدفعها احنا ....مش هو او بمعنى تانى هو بيدفعها وبياخدها مننا تانى يعنى هو مكسبه 19600 من ثمن العربيه بسعر المصنع اللى هو 40000 يعنى المكسب 49% من قيمه السياره.......مش عارف هما المغول احتلوا البلد ولا ايه....اما لو حضرتك بتقول على النظام الاسلامى 10% يبقى مكسبه 4000 وعلشان الموظفين والعمال وايجار المعارض قول 6000 ...يبقى كد مكسب بما يرضى الله لكن اللى احنا فيه مهزله .......وان شاء الله قريب حعرف باقى اسعار وجمارك العربيات التانيه:playing_music:

رد: سعر سيارات جاك بدون الجمارك ومكسب الوكيل

اقتباس:

المشاركة الأصلية كتبت بواسطة aly zafer (المشاركة 402475)

الحل فى الغاء الجمارك لاقل من 1600سى سى مع استمرار الضرائب لاعلى من 1600سى سى

الغاء الجمارك من 1600 سى سى فيما اقل هو حل جميل مع تحديد مكسب اى وكيل فى مصر من قبل جهاز حمايه المستهلك.....ولو حاول الوكيل ارشاء اى موظف من جهاز حمايه المستهلك ......يبقى مش حيشوفوا نور تانى ......يعنى اللى اقصده انه مايكونش فيه عنصر فاسد فى جهاز حمايه المستهلك الا تبقى خربت مالطه وبكده حيفتحوا النار عليهم هما الاتنين.....نرجع لموضوع ال سى سى .....اما اللى فوق 1600 ممكن تخفض جماركه او تستمر لانى كده كده السيارات الفارهه هى ال سى سى بتعها عالى يعنى فوق ال 1600 وطالع.....وكد كده اللى حيركب سياره فارهه مش حيفرق معاه الفلوس ولا حتى موضوع الجمارك ده اصلا......علشان كده سيارات 1600 سى سى فيما اقل عايزنها تبقى ملغيه الجمارك وصديقه الشعب وصديقه البيئه كمان :):)
:vctry:

رد: سعر سيارات جاك بدون الجمارك ومكسب الوكيل

اقتباس:

المشاركة الأصلية كتبت بواسطة مهند النجار (المشاركة 402518)

انا اخترت نعم اريد الغاء الجمارك 1600 سي سي

بس عايز اقول حاجة

اية حوار صديقة للبيئة دة

الجمارك معمولة عشان العربيات اللي متجمعة في مصر تبقي ارخص من المستوردة

عشان العربيات التجميع المحلي تبيع

الغاء الجمارك تدمير للاقتصاد

لكن تخفيضها ممكن او نحسن انتاجنا وتقفيلنا فلو الجمارك قلت دة ما يعورناش في حاجة ولا اية؟؟

انت جبت الارقام دي منين؟؟؟؟ يا تري متاكد ؟؟؟؟

قول اثباتك حتي لا نرمي الناس بالباطل!!!

موضوع صديقه البيئه ده علشان احنا خلاص زهقنا من كميه التلوث اللى بنشوفها فى الشارع من عوادم العربيات القديمه ...المفروض تتكهن .... وشركات الحديد تاخدها تسيحها ونستغل الحديد فى الصناعات ....ويبقى فى عربيات جديده ماتورها صديق للبيئه نظيف العادم كفايه احنا فى 2011 .....اما بالنسبه لمواضيع العربيه متقفله فى مصر وتشجيع الصناعه المحليه ولا الوطنيه حتى ....حقولك ده ضحك على الدقئون ....مثال بسيط.....هيا مش برده العربيات الاسبرانزا اللى بيقفلها ابو الفتوح هنا فى مصر بيستورد الخامات بتاعتها ولا هو اللى بيصنعها يعنى .....وياريته بيستورد خامات عدله ......هنا بقى اللعب كله ....الباشا بيعمل ايه .....مثال على الاسبرانزا ام 11 اولا بيقلل من الاوبشنز اللى فى العربيه زى الاير باجز والمالتى بوتنز اللى فى الاستيرنج فرش مش جلد جنوط مش زى اللى متقفله فى الصين و لحامات بلدى اى كلام واسطمبات زى الزفت..وجود فرق بين الكبوت والاكصدام الامامى....فينش زفت...يعنى الصين صنعت العربيه زى الفل وهو شلفت العربيه.......والفرق مش كبير ...طب مانستورده وخلاص بدل العذاب ده كله....حتقولى طب والناس اللى شغاله فى المصنع تروح فين دول فاتحين بيوت ...حقولك لو انا مش قد الحاجه معملهاش....يعنى المفروض اعلم الناس دى ازاى اقفل او اصنع ازاى ....اسفرهم بعثات ايطاليا او الهند او ايران او الصين يتعلموا الفينش والتقفيل ازاى ويبتدوا يخدوا خبره ....اجيب مكن حديث يقفل كويس مش زيادات ولحام يقرف........حضرتك بتقول إالغاء الجمارك تدمير الاقتصاد......ازاى يعنى بقى دول الخليخ اقتصادها بايظ مع انى اعتمادهم على مورد واحد وهو البترول اما نحن فالحمد لله عندنا اكتر من حاجه.....حاجه تانيه كده كده الفلوس اللى كانت بتتحصل من الجمارك ايام النظام الفاسد ماكنش بيتعمل بيها حاجه غير انى البهوات بيحطوها فى كروشهم ....وكان ايامها الاقتصاد ماشى .....فا ايه اللى حيجد على الاقتصاد لما تتلغى والشعب بقى المره دى هو المستفاد مش كروش البهوات...ياسيدى اعتبرنا احنا (الشعب) كروش البهوات ....وصلت ولا لسه
http://www.masrmotors.com/vb/images/...HUBBY%7E36.GIF

رد: سعر سيارات جاك بدون الجمارك ومكسب الوكيل

بس ليا سؤال
هو تكلفة الشحن للعربيات بتبقى على الشركة الام ولا على الوكيل هنا؟

رد: سعر سيارات جاك بدون الجمارك ومكسب الوكيل

لكن تفاعل كبير ما شاء الله استاذ ممفور عامل الواجب وزيادةGIFT4U

رد: سعر سيارات جاك بدون الجمارك ومكسب الوكيل

i asked only 1 question , where did u get these prices from , he didnt reply to me

رد: سعر سيارات جاك بدون الجمارك ومكسب الوكيل

شكرا لكل الأخوه المشاركين فى هذه الحمله ونحن معكم ويستحسن مراسله الشركه الام فى الصين أيضا .
وفقكم الله لما فيه الخير