|
رد: الفرق بين اسبرانزا ولانسر
والله العربية دي حتجنن الواحد
على فكرة هي والفرنا حيفضلوا مثار للجدل بشكل مش طبيعي العربيتين دول عمري ما سمعت عنهم رأيين متشابهين واللي يغيظك ان كل وحد ركب عربية من الاتنين دائما ما يشبها باللانسر لدرجة خلتني أجمع اتنين من اصحابي واحد معاه لانسر والتاني معاه فرنا وقلت أنا لازم أشوف ايه اخرة الحوار ده فضلنا نتكلم يجي ساعة وكل واحد مقتنع ان عربيته زي اللانسر والعربية التانية زي ال 128 من الاخر كل واحد معاه عربية دائما بيشكر فيها يمكن علشان مايحسسش نفسه بأي نقص أنا رأيي ان كل الجدل اللي بيحصل حول الاسبرانزا ده يدلل وبشكل قاطع انها عربية جديرة بالاحترام وكمان ماحدش يقدر يتجاهل حجم مبيعاتها في السوق في فترة قصيرة جدا لو أضفنا كل الكلام ده وقارنها بسعرها متهيألي حنوصل لنتيجة انها عربية كويسة قوي على قد فلوسها |
رد: الفرق بين اسبرانزا ولانسر
متصلو عالنبى يا جدعان :D:D:D انتو مزعلين نفسكو ليــه ؟؟؟ انت لو جبت عيل صغير ماشى فالشارع وقلتله يابنى تحب تركب لانسر ولا اسبرنزا هيقول لانسر ولو حتى كرستاله دى مش محتاجه نقاس ومع احترامنا للاسبرنزا عشان الاخ ميدو اللى محسسنى ان الاسبرانزا دى بنت خالته :d
روق ياعم ميدو لولا اختلاف الاذواق لبارت السلع والا كان كل البشر ركبو عربيه نوع واحد |
رد: الفرق بين اسبرانزا ولانسر
أخي العزيز الماتور صيني 100% وممتاز جدا جدا جدا ويتميز بقوة كبيرة جدا جدا جدا العربية بقالها في مصر 3 سنوات ايوه ليس لها تاريخ لإنها شركة جديدة طيب هل هذا سبب إنها تكون مش ممتازة انتهزها فرصة كماليات جميلة وحلو بسعر ممتاز على الأقل مش دافع جمرك عالي نصف فلوس اللانسر جمرك سعرها في الإمارات لا يزيد عن 40.000درهم ولا تقارن الدرهم بالجنيه يعني لا تحسبها بالجنيه ، السيارة ممتازة انا عندي ايضا صني 2009 الفرق مش كبير وتوكل على الله
|
رد: الفرق بين اسبرانزا ولانسر
يا جماعة كل الاعتراض على الاسبرانزا عشان ثمنها قليل
و لكن انا رايى انها عربية جامدة مش شرط انها تكون غالية عشان تبقى كويسة بالعكس السعر القليل مع الكفائة من سمات الجودة |
رد: الفرق بين اسبرانزا ولانسر
وليه لا نقووووووووووووول أن السيارات الأخرى مبالغ في سعرها جدا جدا جدا خارج مصر الفرق بين الأسبرنزا واللانسر لا يتعدى الــــ 5.000آلاف دولار
|
رد: الفرق بين اسبرانزا ولانسر
يا شباب بدون عصبيه
الاسبيرانزا بناء ا علي كلام حسام أبو الفتوح زي الفول و الطعميه يعني نازلة علشان تنتشر بشكل شعبي و هو ما لم يحدث نعم انتشرت و لكن ليست بشكل شعبي ابدا (نقارن باللانوس مثلا) مقارنة الاسبيرانزا باللانسر في غير محلها تماما يعني ممكن أقارنها بمرسيدس لو مرسيدس نزلت عربية 1600 التصنيف علي سعة الموتور تمام بس مش كفاية لوحده، في حاجة في الهندسة اسمها reliability (الإتاحية) و هي قريبة من معني كلمة الاعتمادية و هو بمعني أداء السيارة و سعرها و ثمن قطع الغيار و عمرها و كفاءة المحرك و و و و أخيرا تناسب كل العوامل دي مع ظروفي الشخصية كل العناصر معا لو جمعناها لشخص عادي يبقي أكيد اللانسر أحسن الكلام مش تأليف و الموتور صيني بالكامل يا أخ ميدو و تكنولوجيا نمساوي مش الماني و الجدل حلو المنشأ محسوم من زمان بأدلة قاطعه، فأرجوك مش حانرجع لورا تاني لو اتحدت الأزواق لبارت السلع و حاتفضل اللانسر لانسر و المرسيدس مرسيدس و الاسبيرانزا اسبيرانزا |
رد: الفرق بين اسبرانزا ولانسر
مع احترامى لجميع الاراء-
عندما نسئل عن ايهما افضل اسيرانزا 516 و اللانسر--فالاجابة واضحة للقاصى والدانى-- وتصب جميعها لصالح اللانسر- -وانا هنا لا اشكك فى ان الاسبيرانزا سيارة جيدة قياسا بسعرها ولكن مجرد مقارنتها باللانسر فية كثيرا من الاجحاف- -وان كان الاقرب للمقارنة مثلا الفيرنا اى نقارن الاسبيرانزا بالفيرنا وليس بالانسر حتى نكون منصفين -- ولا نجعل حماسنا يعمينا عن السبب الرئيسى من المشاركة الا وهو مساعدة احد الزملاء على اتخاذ القرار المناسب- -ولهذا اقول للاخ صاحب الموضوع وصاحب السؤال-- أذا كانت امكاناتك تؤهلك لشراء اللانسر فلا تتردد- -واذا كانت غير ذلك فعليك بتوجية سؤال جديد لاخوانك وزملائك هنا ولكل حدث حديث-- |
| الساعة الآن 02:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017