مصر موتورز مجتمع السيارات - معلومه فى غايه الاهميه نفسى اتاكد منها.......

صفحة 3 من 5

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - معلومه فى غايه الاهميه نفسى اتاكد منها....... (https://www.masrmotors.com/vb/showthread.php?t=52010)

sasa76216

13-04-2011 10:56 AM

رد: معلومه فى غايه الاهميه نفسى اتاكد منها.......

عزيزى قائد السياره صاحبتك السلامه ربنا الى بيوفق ساعتها -- لو الوضع مفاجىء وخطير يبقى فرامل بدون ديبرياج وده هيوقف العربيه باقل وقت ممكن حسب فرامل العربيه ولو امكن تسيب فرامل وتمسكها تانى بسرعه بدون ترك الفرامل نهائيا (سنه صغيره فقط ) مره او مرتين هيساعد اكيد ومش هيخلى العربيه تزحف ان شاء الله - وديما حاول ان الفرامل تكون قبل الديبرياج لو الموضوع بسيط - نصيحه خلى عندك احساس بالعربيه على سرعات عاليه وتحاول تقدر مسافة الفرامل بتاعتك ودى مسافة الامان ليك ولو حافظت عليها ان شاء الله هيقل احتياجك للفرامل المفاجئه وربنا يسلملك طريقك

sad-bird

13-04-2011 11:11 AM

رد: معلومه فى غايه الاهميه نفسى اتاكد منها.......

اقتباس:

المشاركة الأصلية كتبت بواسطة abutreka55555 (المشاركة 395255)

انا سألت الاتنين عن افضل طريقه للفرمله على الطرق السريعه عندما اسير على سرعات عاليه واريد ان انزل بالسرعه فى وقت اقل حتى اتفادى الاصطدام بالعربه
التى امامى

يا جماعة كله دخل وشرح طريقة الفرملة ازاي
وكل واحد من وجهة نظره
لكن صاحب الموضوع محدد اهوووووووووو ل
و فيه عربية قدامه وهيخبطها
يدوس دبرياج وفرامل وألا يدوس فرامل على طول

منطقيا الوقت اللي هتاخده في التفكير ورد الفعل على دواستين هيبقى اكبر
وانت مفيش وقت قدامك قبل الاصطدام
يبقى تدوس فرامل السرعة هتبدأ تقل
لحقت تدوس دبرياج خير وبركة
ملحقتش خلاص العربية تبطل والا متبطلش مش مهم
المهم انك تكون آمن وسليم

sasa76216

13-04-2011 11:18 AM

رد: معلومه فى غايه الاهميه نفسى اتاكد منها.......

اقتباس:

المشاركة الأصلية كتبت بواسطة sad-bird (المشاركة 399102)

كلام حضرتك مظبوط بس مفيش مشكله ان الناس توضح طريقة الفرامل علشان يكون الموضوع شامل ووافى بالنسبه ليه و لغيره و متنساش ان الموضوع ممكن يستفيد منه اى حد تانى

pointer

13-04-2011 11:43 AM

رد: معلومه فى غايه الاهميه نفسى اتاكد منها.......

يا جماعه شوفوا الحاجه شغاله ازي
لازم تدوس دبرياج علي شان تفصل الموتور عن العجل فقوه السالانسيه تتفصل + القصور الذاتي بتاع الموتور نفسه
طيب لو ما دسناش
فائض طاقه تدوير الموتور - اللي بيخلي الاوتو يطلع علي السالانسيه - + القصور الذاتي بتاع الموتور كل دول هيزقوا السياره للامام فلازم نحيدهم بالدبرياج
لو هتهدي يبقي محصله بعضها ممكن ما تدوسش
ولو دوست مافيش مشكله
ونصيحه دوس اللي تدوسه المهم تقف ما فيش حاجه تقلب السياره

akerima

13-04-2011 12:08 PM

رد: معلومه فى غايه الاهميه نفسى اتاكد منها.......

اقتباس:

المشاركة الأصلية كتبت بواسطة mrastra (المشاركة 395328)

عفوا
لو ماشي على طريق سريع وفوجىء بموقف ما لازم يدوس فرامل فقط بدون دبرياج لسببين
الاول ان لو داس دبرياج القصور الزاتى بتاع العربية هيكون اكبر والفرامل هتلاقى مقاومة كبيرة لايقاف السيارة يعنى بالبلدى سرعة العربية هتزيد لو داس دبرياج
تانى سبب انة هايشتت تفكيرة وسرعة رد الفعل عندة هاتقل لو فكر يدوس دبرياج مع الفرامل والملى ثانية بيفرق فى سرعة رد فعل السائق
الخلاصة تدوس فرامل بس وما تخفش العربية عمرها ما هاتبطل حتى لو كنت ماشي على الخامس وفوق المية الموتور هايفضل داير الى ان تصل سرعتك 20 كم/ ساعة دلوقتى بقى تقدر تدوس دبرياج وتشوف هاتنقل على انهى غيار

انا اوافق هذا الراي بشده وبحب اضيف ان بكدة بتستفاد كمان بفرملة الموتور وبتقل العربية زياده وبكده بتكون مسافة الوقوف اقل

pointer

13-04-2011 12:37 PM

رد: معلومه فى غايه الاهميه نفسى اتاكد منها.......

يعني ايه اصلا فرمله الموتور
هل ها توقف السياره تماما
هل هي فعاله اساسا ولا طريقه لابطاء السياره غي حلات الطوارئ بس و عشان نلبس علي 40 بدل 70 مثلا
بتتعمل ازاي الفرمله دي
هل نسيب الفرامل و تحاول نعمل بتاعه الموتور
بتتعمل في كام خطوه
دي اسئله مهمه جدا قبل ما نفول هنستفيد بالحاجه ولا لأ
شكرا

khaled al sharif

13-04-2011 01:48 PM

رد: معلومه فى غايه الاهميه نفسى اتاكد منها.......

طيب أنا عايز أقول رأي كمان ودي حاجه أنا عملتها كتير وفي المواقف الطارئة ... وجابت نتيجة كويسة بس في العربيات المنوال مش الأوتوماتيك

1- تدوس فرامل متوسطة القوة أو زياده شوية بدون دبرياش عشان العربية متعومش منك
2- تدي غيار عكسي ... يعني لو كنت علي الخامس إنزل للرابع أو التالت وده يستدعي تدوس دبرياش وأرفع رجلك من علي الدبرياش وها تحس العربية بتكلبش في الأرض معاك ... كمل ودوس فرامل جامد ها تلاقي العربية وقفت تماما في زمن قياسي ده من خبرتي في السواقه من 1980
طبعا الموضوع منصحش بيه في الأتوماتيك ... لاكن عادي جدا مع شوية تمرين في المنوال

:playing_music::playing_m usic::playing_music:

الساعة الآن 11:16 PM.

صفحة 3 من 5

عرض 7 مشاركات من هذا الموضوع لكل صفحة