|
رد: انا عملت حادثة بالعربية
قدر و لطف الحمد لله انك بخير يا محمد و فداك 1000 عربيه
انا برده العربيه لسه مخبوطه اول امبارح بس مدام جت في حديد يبقي مفيش مشكله الحمد لله علي كل شي |
رد: انا عملت حادثة بالعربية
قدر الله و ما شاء فعل ...... حصل خير ... انا عارف انه بايخه جدا و بالذات فى الظروف اللى ما يعلم بيها الا ربنا دى ..... بس ترجع و تقول الحمد لله
و هاقوللك من غير زعل برده ( ايــــــــــون انت اللى غلطان ) ده ياراجل لما حد بيحب يغلس على حد بيطلع قدامه و يروح ملمس او دايس فرامل علشان لو جه جنبك تنزل تطفحه الكوته لأنه كده يبقى هو اللى غلطان بالرغم انك اللى قاصد تضرب فرامل قدامه و تغلس عليه |
رد: انا عملت حادثة بالعربية
خلاص يا جماعة انا اتاكدت انى الى غلطان
انا هروح ابوس دماغ الى انا خبطتة من ورا |
رد: انا عملت حادثة بالعربية
يا باشا احنا مش قصدنا و الله ...... انا عارف انك طبعا زعلان و متضايق ..... و حقك عليا انا و هات دماغك ابوسها ..... و روق يا باشا ما كلنا بننزل من بيوتنا مش عارفين هانرجع اصلا وللا لأ ... اصلنا فى مصر ....
بس قوللى صحيح كنت لابس الحزام وللا لأ ...... دى اهم حاجه هنا فى مصر دلوقتى .....(بهزر والله ) و ماتزعلش و بجد لو محتاج اى حاجه انا تحت امرك , مستنى رساله منك على الخاص و فيها رقم تليفونك و تحت امرك يا باشا. |
رد: انا عملت حادثة بالعربية
لا خلاص يا شريف انا فتحت باب التبرعات فى منتدى ميتسوبيشى
بس على فكرة التبرع بالاولار بس ولا نقبل بالمصرى ولا هيا مصر ورانا ورانا |
رد: انا عملت حادثة بالعربية
يا ريس انا لما سألت انت محتاج اى حاجه اقدر اعملها قصدى اى خدمه مش اى تبرع ههههههه ده لو على التبرع يبقى انا اللى المه يا مان ..... ما انا مدير المنتدى بقى هههههههه و يبقى البوشى و المصرى
|
رد: انا عملت حادثة بالعربية
الف سلامة عليك يا محمد قدر الله وماشاء فعل والحمد لله انها جت على قد كده والله لسه امبارح كنت مع واحد صاحبى معاه لانوس هيغير ربع بسبب سواق رمى عليه فطلعة فوق الرصيف ولبس فى الحيط والواد جسمة اتكسر (ربنا يكفينا الشر جميعا ويشفيه) والله يسامحة جرى وسابة
اللى عايز اقولهولك واللى كل الاخوه عايزين يوصلهولك اننا لازم نعمل حساب اخطاء الناس وخاصة ان القانون مش هيبقى فى صفك وانا هحكيلك على نموزج مشابهه لحادثة حصلت معايا فى المرج الجديدة وكانت الدنيا زحمة جدا وانا على اليمين وعلى شمالى مقطورة وبتاع المقطورة جة من ورا على شمالى وسحل وفرم صاج العربية بمسامير الجنوط بتاعة الفردة القدمانية اليمين ونزل التباع يقولى انت اللى غلطان علشان انت فى اليمين ! وسواء هتعمل محضر او متعملش مش هتسفيد حاجة بالعكس هتتبهدل اكتر لان فى عرف قانونى (ده لو كان هو غلطان كمان) ان صاج فى صاج بدام مفيش خسائر فى الارواح بيبقى موضوع عادى ومش هينوبك غير المشورة للقسم علشان المحضر وتقف تستنى المعاينة ووجع قلب وممكن الامين ولا العسكرى يحاول ياخد منك فلوس علشان يظبط المحضر ووممكن لو انت مدفعتش التانى يدفع وينقلب الوضع ضدك كمان فعلشان كده بنقولك معلش وتقبل الوضع المؤسف ده لانة واقع والف سلامة مرة تانية عليك يا محمد وبالنسبة للعربية الحمد لله بسيطة وزى ماقال احمد الصدر يا تغيرة بواحد فابريكا نفس اللون (بس مش مستاهلة) ياما يتعملة زرجينة وهتبقى بسيطة ان شاء الله ويترد الباقى يتسمكر بحموات وتشترى الاكسسوارات الازمة والفوانيس واذا كانت العربية راشة قبل كده يبقى ممكن تترش كلها وش نظافة او ترش الكبوت والرفرف لوحدهم والعربية كلها تاخد وش تلميع وهتبقى كلها مية واحد باذن الله ومتنسوش نسبتى فى الدولارات اللى هتلموها انت وشريف ptmnlo123per122 |
| الساعة الآن 08:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017