مصر موتورز مجتمع السيارات - لو اتمسكت على الصحراوى والرخصة منتهيا من 7 سنين هيعملوا فيا اية

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة michohat (المشاركة 386730)

طب اطول فترة مسموح العربية تقعد من غير تجديد قد ايه

اقتباس:

المشاركة الأصلية كتبت بواسطة sad-bird (المشاركة 386733)

3 شهور
لكن ده ولا العربية باسمه ولا فيه رخصة ولا المواصفات مطابقة للملف بتاعها

شهر واحد ولا يجوز استعمال السياره في هذا الشهر
و يسمي في عرف المرور شهر الحكومه
يعني لو اتمسكت في خلال الشهر دا حتسحب رخصتك
............
اما بخصوص الاخ محمد فعلا انا بستغرب ازاي يمشي دا كله بالاسلوب دا

رد: لو اتمسكت على الصحراوى والرخصة منتهيا من 7 سنين هيعملوا فيا اية

ولله يا جماعة انا سمعت ان الترخيص مش صعب اوى كدة يعنى السبع سنين دول هيدفع عليهم خمسة بس وعموما هيا مش سبعة كمان دى من 2003 منتهيا ومكنش بمزاجى انى مرخصهاش بس والدتى الله يرحمها جالها كانسر بعد ما اشترنا العربية بحاجة بسيطة فا مكنش فى حد فاضيلى وانا كنت صغير انا عمرى 19 سنة كان ساعتها عندى 11 سنة يعنى لا حول ليا ولا قوة هيا المشكلة بلنسبالى ورق الموتور مع انى معايا الاصل بتاع الافراج الجمركى والفاتورا بتاعت الموتور بس فين بقا الرقم الصادر وبقيت الكلام ما المرور اتحرق هيا دى المشكلة

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة matmm (المشاركة 387244)

اولا الله يرحم الوالدة ويتقبلها في رحمته
ثانيا موضوع الرخصة :
1. هتروح المرور تنقل الملكية الأول
علشان تبقى باسمك يبقى بدل ما تتمسك سارق
تتمسك مخالف
2. تشوف حد في المرور ينفع يغيرلك رقم الماتور بالورق الي معاك
نظرا للظروف الحالية
وان مفيش اوراق تثبت في المرور والحرق والكلام ده
3. لو مش ينفع الورق
يمشي حاول تشوف حد يعملك ورق افراج جمركي جديد
برقم صادر جديد واثبته في الرخصة
4. جدد الرخصة
اما عن اللون
مش عارف بقى هل ينفع يتعمل من غير فحص والا لأ
( مع مراعاة انك كده كده لازم تدخل فحص لتغيير الماتور ولأن الرخصة مضي عليها دهر )
طبعا الكلام ده هيكون مرهق ومتعب............... ومكلف
وابسط الحلول اهو رقم 3 لو ينفع حد يعملهولك تعمله مباشرة وتروح تغير

لكن الاهم دلوقتي رقم 1
علشان زي ما قلتلك العربية تبقى باسمك
مغير لون بقى مغير ماتور مغير العربية كلها
المهم تبقى بتاعتك
ولما تدفع مخالفة
غير لما تلبس قضية
وحلني بقى على ما تثبت انها بتاعتك

ومتستهونش بالموضوع وتكبر دماغك وتقول ما هي ماشية
لان ربنا اللي ساترها
وكان فيه واحد معانا كان بيسوق من غير رخصة سنييييييين طويلة
ومفيش ولا مرة حد قاله رخصك فين
من يوم ما طلع الرخصة بقى كل يوم يقف في لجنة والرخص لو سمحت

رد: لو اتمسكت على الصحراوى والرخصة منتهيا من 7 سنين هيعملوا فيا اية

العربية نوعها ايه؟
علشان اعرف ارد عليك

رد: لو اتمسكت على الصحراوى والرخصة منتهيا من 7 سنين هيعملوا فيا اية

انا نفس المشكله بالظبط عربيتى رخصتها منتهيه من 2008 وصحبها الاولانى مات وانا مش عارف اعمل ايه اشتريت عربيه تانيه علشان امشى نفسى بيها وعاوز حل بقى فى عربيتى

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة mohamed ellithy (المشاركة 387363)

مات من غير ما يعملك عقد بيع او توكيل

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة mmffor (المشاركة 387438)

العربية نوعها ايه؟
علشان اعرف ارد عليك

نوع العربية اودى