المشاركة الأصلية كتبت بواسطة hazem_khidr (المشاركة 382225)

حقولك حاجه
انا ركبت السوميتو دا في الياريس مقاس ال15 195 /55
الكاوتش حلو و ماسك نفسه علي الطريق و مافيش منه اصوات
بس مش حقدر افيدك فيه لاني مركبه من شهر فقط مش اكتر و مش حقدر اكون رأي اذا كان
مناسب و حيعيش و يعمر ولا لاء بس انا واخده من واحد صاحبي ثقه.

الجووديير انا مركبه في عربيتين عندنا
اللانسر مركب الجوديير الديكارو 14 185/65
و دا بسم الله ما شاء الله جميل جدا و كان تايلاندي علي فكره و بقاله حوالي 30 الف كيلو و كويس

الكورولا مركب فيها الجوديير ايجل 14 185/70
و برضه بسم الله ما شاء الله بقاله يجي 40 الف كيلو في العربيه و ماشي كويس مافيش منه مشاكل
و صناعه اوربي علي فكره مش فاكر فين بالضبط بس اعتقد بولندي

من رأيي توكل علي الله و هات الجوديير
رغم اني عاشق لماركه كونتننتال و لو كان قدامي و انا بشتري كنت اخترته
و مش لازم تبص لبلد المنشأ لان المصنع في اي مكان بيخضع لرقابه و معايير المصنع الام

المشاركة الأصلية كتبت بواسطة amrmohamed1975 (المشاركة 378065)

اخوكم معايا ماتريكس عامل بيها لحد دلوقتي 48 الف كليو و قلت انزل اسأل على اسعار الكاوتش عشان هغير كاوتش العربية لقيت الانواع دي و محتاج رايكم على فكرة العربية راكب فيها بيريللي
1- سوميتومو ياباني 310 جم ده على كلام الراجل انما الماركة دي اول مرة اسمع عنها

2- روساف اوكراني 280 جم

3- جوديير اتحاد اوربي 320 جم

4- شيات تركي 250 جم

5- بيريللي تركي 340 جم

6- بيردجستون ماليزي 320 جم
7- كومهو تايلندي 320 جم
8 - كونتنتال ماليزي 350 جم
انتو تنصحوني بأيه مع العلم ان اقل مشور ليا بيعمل 600 كم بالاضافة لحاجة تانية بلد المنشأ دي بناء على كلام البائع و برضه انا مش متأكد منها

المشاركة الأصلية كتبت بواسطة mohamedkamel8677 (المشاركة 382639)

مفيش أحسن من ميشلان و كونتننتال و بريللى بس حاول تجيب ميشلان فرنسى أو كونتننتال ألمانى و شوف العربية هتفرق معاك أد إية

المشاركة الأصلية كتبت بواسطة amrmohamed1975 (المشاركة 382712)

الف شكر يا محمد بس المشكلة ان الميشلان اللي بينزل مصر دلوقتي يا اما ماليزي او تايلندي و كذلك الكونتنيتال

المشاركة الأصلية كتبت بواسطة amrmohamed1975 (المشاركة 382712)

الف شكر يا محمد بس المشكلة ان الميشلان اللي بينزل مصر دلوقتي يا اما ماليزي او تايلندي و كذلك الكونتنيتال