رد: العربيات ح تجنني والله ...وحالة نفسية سيئة جدا جدا
 

انا بتعلم زيك يا salamon كل يوم جمعة بسوق نص ساعة او اكثر شوية. كل مرة بكون احسن من المرة السابقة. أنا بسوق عربيتى الماتركس. كل مرة بتعلم حاجة جديدة واكتسب خبرة اكبر. الحاجة الوحيدة اللى بيخوفنى هى لما فى عربية بتضرب كلكس علشان تعدينى لانى بمشى ببطئ ( حوالى 40 كيلوا فى الساعة) بخاف ان العربية تروح شمال ناحية الرصيف او ناحية اليمين واخبط فى العربية اللى بتمر جنبى. هذه هى الحاجة الوحيدة اللى بترعبنى وياريت حد ينصحنى اتغلب عليها ازاى

رد: العربيات ح تجنني والله ...وحالة نفسية سيئة جدا جدا
 

لا بالعكس كل ما الفتره طالت الخبره هتزيد ... انا قضيت شهر منهم في المرور و شهر تعليم خصوصي و شهر مع نفسي علي عربيتي ... مقولكش بعمل ايه دلوقتي ؟ و كمان نفسي اروح اخد كورس من كورسات عمرو ماكجيفر

رد: العربيات ح تجنني والله ...وحالة نفسية سيئة جدا جدا
 

الإخوه الأعزاء اللى لسه بيتعلموا القياده :
أولا تحياتى مع أطيب أمنياتى القلبيه بالتوفيق والسلامه .
بالنسبه لموضوع مدة التعلم فده بيختلف من شخص لآخر نظرا لوجود الفروق الفرديه بين كل واحد والتانى . وكمان عامل مهم جدا وهو الإستعداد . غير قوة القلب . يعنى اللى قلبه ضعيف غير اللى قلبه قوى وجريئ . واللى بيحب القياده غير اللى بيتعلم لمجرد انه حايركب عربيه او لضرورة ما . . دى عوامل هامه جدا . ولو كانت القياده صعبه او فيها مشاكل ماكنتش تلاقى اللى بيسابق . أو بيحاور ويكاسر . أو بيأمرك و يخممس . كل دول فى البدايه كانوا يمكن أقل منكم أو بمعنى ادق مالهمش فى البطيخ . ولكن بمرور الوقت واستمرار القياده . بتصبح العمليه ميكانيكيه بحته . بمعنى انك بعد فتره من التدريب والقياده بتلاقى نفسك مش حاسس ولا مدرك انك بتسوق . وكل حركاتك القياديه من تحكم فى السياره بالطاره . أو الفرامل والدبرياج . أو متابعة الطريق من الأمام والخلف والمرايات الثلاثه . أو متابعة العدادات وخصوصا عداد السرعه والحراره . أو حتى ناقل الحركه ( الفتيس ) . كل هذه الحركات بتصبح تلقائيه تماما . وبمنتهى السرعه وبكل سهوله ويسر .
ونصيحتى لحضراتكم :_
1 حبوا القياده والسياره .
2 الشجاعه والجرأه وكسر الرهبه من عجلة القياده .
3 حاول الإسترخاء جدا وانت تجلس على عجلة القياده . لأن التوتر يقلل من التركيز .
ومره تانيه . تحياتى وتمنياتى بالتوفيق والسلامه .

رد: العربيات ح تجنني والله ...وحالة نفسية سيئة جدا جدا
 

هاقولك كلمة من الاخر اوعا تخاف (حياتك-حياة الناس-العربية)

هتتعلم بسرعة بس هتحصل بلاوي

عايز تحافظ علي الحاجات السابقة لازم تخاف وهاتاخد وقت كتير

بس هتتعلم صح انصحك متياس وحاول كتير السواقة بتيجي بالتعود

انا اتعلمت من اول مرة بس خبطت العربية :crazyW14:

رد: العربيات ح تجنني والله ...وحالة نفسية سيئة جدا جدا
 

ياااااراااااااااجل .
خبطت العربيه دى أصدقك فيها . انما اتعلمت من أول مره دى . . . ما أعتقدش .هههههههههههههههه:crazyW1 4::crazyW14::crazyW14:

رد: العربيات ح تجنني والله ...وحالة نفسية سيئة جدا جدا
 

OK
ماشي ياعم انت حر
بس انا فعلا طلعت بيها من اول مرة وبعدين بدات المشاكل ومتشكرين يا عمGIFT4U

رد: العربيات ح تجنني والله ...وحالة نفسية سيئة جدا جدا
 

GIFT4Uشكرا لكل من شارك بالموضوع