|
رد: خبر عاجل قبول استقالة الفريق أحمد شفيق
يا جماعة وبمنتهى الحيادية انا بحترم الراجل ده لشخصة وليس لمنصبه أو لمن أتى به واللى عمله مبارك المخلوع قضى على أى مستقبل سيايى لشفيق للأسف لما هو اللى عينه كانت هتفرق كتيييييير لو كان شفيق جه بعد التنحى وعموما إن كان شفيق محترم فانا أرى إن عصام شرف أكثر إحتراما بمقارنة للسى فى بتاع كل منهما
|
رد: خبر عاجل قبول استقالة الفريق أحمد شفيق
بدأت الامور توضع فى الطريق الصحيح
|
رد: خبر عاجل قبول استقالة الفريق أحمد شفيق
يا جماعه هى المشكله كانت في احمد شفيق
ولا في احمد ابو الغيط وممدوح مرعى ومحمود وجدى والناس ده ولا الناس ده هتمشى برده ولا هتفضل اعده ولا ايه احمد شفيق الراجل ده خسره فينا لانه محترم لدرجه انو مالوش في قذره السياسه احنا عاوزين حد يقول انا هعمل وهسوى والدنيا هتبقا جميله في يومين |
رد: خبر عاجل قبول استقالة الفريق أحمد شفيق
ما هو يا محمود رئيس الوزراء الجديد بيكلف بتشكيل وزاره جديده ...
متوقع ان اغلب الاسامي القديمه اللي حضرتك قلتها تتغير برضو ومش متوقع ان الدنيا حتبقى وردي في يوم و ليله .. لكن مطالب الثوره بتتحق كده بمنهجيه حقيقيه المشكله مكنتش في شخص الفريق احمد شفيق المشكله كانت انه تم اختياره من قبل الرئيس المتنحي ... ودي شرحها يطول اوي لكن نقدر ندعي انه دلوقتي بس تم اسقاط النظام فعليا ... لأن رئيس الوزراء الجديد غير محسوب على النظام القديم تفائل خير ... |
رد: خبر عاجل قبول استقالة الفريق أحمد شفيق
ان شاء الله
الناس ترتاح وتبطل مظاهرات وتشوف حالها |
رد: خبر عاجل قبول استقالة الفريق أحمد شفيق
الموضوع لسه فى حيز الاشاعه .. ولا خلاص بقى حقيقه ؟؟ عموما هو لو حقيقه فانا لست من مؤيدى هذا القرار انا عن نفسى ماشفتش من الراجل دا حاجه وحشه وانا كنت مؤيد بقائه فى رئاسة الوزراء وكمان مش صح ان كل ما الف ولا الفين واحد يروحوا يقفوا فى ميدان التحرير يعملوا مظاهرات نغير رئيس حكومه اعتقد ان الموضوع كده من وجهه نظرى هيتحول لاهواء وبعدين انا عايز اسال سؤال ... الناس اللى بتطالب بالتغيير كل شويه دول عندهم ثقه فى المجلس الاعلى للقوات المسلحه ولالا ؟؟ ولو عنهم ثقه هل تفتكروا ان ناس اهل للثقه هتبقى على واحد فاسد يرأس وزراء الاصلاح ؟؟ دا غير ان الـ 3 وزرا اللى الناس معترضه عليهم واللى هما الخارجيه والداخليه والصحه هو قال انه هيغيرهم يالله قدر الله وماشاء فعل بس ياريت بقى نهدى شويه ونسيب الناس تشتغل لانى حاسس ان الحكومه دى دخلت الوزاره وهتخرج منها وهى بتسد ورا مظاهراتنا بس والموضوع بقى مقزز جدا بس ياريت حد يقولنا مين عصام شرف دا علشان انا مابتفرجش على التليفزيون من اول امبارح ؟؟ |
رد: خبر عاجل قبول استقالة الفريق أحمد شفيق
«شفيق»: لم يكن بمقدوري الاستمرار في عملي وسط هذا الرفض الشعبي <U>
|
| الساعة الآن 07:15 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017