رد: عربيتي الاكسنت ........ بجد بجد ... حيرتني؟؟؟؟
 

للاسف ماعرفش مين ممكن يكون عنده جهاز الألتراسونيك.. لكن هاسأل ان شاء الله
ولكن هل موضوع تنظيف الرشاشات ده ممكن يتم يدوي .. وما هي علامة او دليل وجود عيب في الرشاش ...وهل توجد طريقه مبدئيه لمعرفة الرشاش الذي به مشكله مثال مثلا اخلع فيش الكهرباء منهم بالتتالي زي طريقة البيجوهات... ولو فكرت اغير الرشاشات خالص ممكن الاقي منهم جديد ولا استعمال والسعر ممكن يكون كام ؟؟؟
شكرا ... واسف للاطاله

رد: عربيتي الاكسنت ........ بجد بجد ... حيرتني؟؟؟؟
 

لو البوجيهات حريقها كويس ومبتهببش

يبقى النظافه هتجيب نتيجه كويسه

______________

ولو حبيت تجيب طقم رشاشات

أكسنت 1500 سى سى

ممكن تجيب طقم أستيراد ( عن تجربه وأنت واقف عند البياع )

هيعمله فى حدود

200 ج بكتيره ( شامل تركيبهم )

رد: عربيتي الاكسنت ........ بجد بجد ... حيرتني؟؟؟؟
 

بالنسبه للبيجوهات حرقها كويس والحمد لله ..
وان شاء الله هاعمل تنظيف بالالتراسونيك .. وهارد علي حضرتك بالنتيجه ان شاء الله
اشكرك جدا علي التواصل والاهتمام ..
وجزاك الله خيرا

رد: عربيتي الاكسنت ........ بجد بجد ... حيرتني؟؟؟؟
 

بإذن الله

هتلاقى خيرا بعد نظافة الرشاشات

رد: عربيتي الاكسنت ........ بجد بجد ... حيرتني؟؟؟؟
 

فيه حاجه عاوز اعرفها منك

هل تعرف تقيس مقاومة كل رشاش لوحده وأنت فاصل فيش الرشاشات .....؟

لأن لازم تكون مقاومات الرشاشات متساويه

وفى معدل قياس طبيعى

عندنا فى الدايو

مقاومة كل رشاش المفروض

تكون من 11.6 إلى 12.4 أوم

هتلاقيها عندك فى الحدود دى برضه

كتوصيف لصانع الرشاشات بتاعتك

رد: عربيتي الاكسنت ........ بجد بجد ... حيرتني؟؟؟؟
 

علي فكره يا باش مهندس

- انا جربت اني افصل ال idel خالص عن العربيه .. ووصلت ما بين الفتحات اللي المفروض بيتوصل فيها ال idel بواسطة خرطوم خارجي ( زي كوبري يعني )
ودورت العربيه

- الحقيقه العربيه دارت هاديه جدا .. وال rpm كان واطي وثابت .. بس كان فيه رجه او هزه بسيطه في العربيه وهي واقفه .. وبتروح الرجه مع المشي
- لاحظت ان التقطيع في السلانسيه قل كتير عن الاول
( كانت العربيه وهي علي الغيار التاني وفي حالة رافع رجلي من علي البنزين كانت العربيه سريعه وعاليه وكنت بلجأ للفرامل كتير عشان اهديها )
- دلوقتي وبعد التعديل ده العربيه بتمشي بالراحه وهاديه وصوتها هدي جدا لدرجة اني وقفت في اشاره تخيلت ان العربيه طفت .. لما دققت السمع لقيتها شغاله ؟؟؟
- في المشي السريع بقت اكثر نعومه واكثر هدوءءء ؟؟؟
- تفتكر حضرتك ال idel هو السبب .. علما اني مغيره لسه من اسبوع فقط بواحد مستعمل ... تفتكر ان القديم والجديد الاتنين بايظين ولا ايه ؟؟؟
- وتفتكر عادي اني امشي كده من غير idel ؟؟؟
- واذا كان ممكن ازاي اقضي علي الرجه او الهزه اللي شرحتها لحضرتك ؟؟؟

رد: عربيتي الاكسنت ........ بجد بجد ... حيرتني؟؟؟؟
 

الله ينور عليك

ده تصرف جميل

طبيعى حدوث هذا

لأن قوة حبك الخرطوم ككوبرى بين فتحتى ( قبل وبعد البوابه )

لن تكون مثل وجود بلف الأيدل ( فى حد ذاته )

ليه لا .........فوارد جدا

طيب ماتنظف القديم صح من الملوثات التى تعوق حركة إبرة البلف

وجرب بيه تانى بعد النظافه العالية الدقه

طالما بيستجيب كهربيا

الوضع الحالى مؤقت بتاع الخرطوم

ولازم نشوف قصة بلف الأيدل دى حاليا

بتجربة القديم ( بعد نظافته الجيده )

فوارد يكون البلف الأستيراد وحش فعلا

أو محتاج شوية نظافه تمام

__________________

عموما

نظف الأثنين صح

وأختبر حركة كل واحد منهم على حده وهو مركب فى فيشته ومش راكب مكانه

وأنت فاتح كونتاكت فقط

يعنى البلف يبقى فى أيديك وتابع حركة أبرته وأنت فاتح كونتاكت فقط

بدون دواره

وإللى تلاقى مشوار إبرته أكبر ( بعد نظافتهما الأثنين )

جربه ونشوف إيه الجديد فى آداء سلانسيه المكنه