رد: *** تحذير لمالكي هيونداي من قطع الغيار المغشوشه ***
 

يا هاني باشا مداخلتك برضه ليها وزنها
دا انت الخير و البركه:).
...........
بالنسبه لاحمد باشا انور
انا اللي اعرفه انا الطنبوره بيركب عليها نوع واحد من التيل
كون ان التوكيل بيحاول يخدع الناس و يبقول دا للمانيوال و دا للاتوماتيك
يبقي ناس اي كلام
لان التيل قطعه بتركب علي اسطوانه فرامل و مستحيل قطعه مشابهه تركب علي نفس الخزنه
يبقي كده خونه فرامل الاكسنت و الفيرنا و الالنترا واحد
ممكن و الله اعلم يكون التيل اللي ب 350 اقوي او اعلي شويه
انما حتت ان توكيل يبقي عنده نوعين اوريجنال من نفس قطعه الغيار
دي ببصراحه مش مقتنع بيها
مش معني كده اني بكدبك
لكن بشكك في نزاهتهم

رد: *** تحذير لمالكي هيونداي من قطع الغيار المغشوشه ***
 

احمد باشا انا مش عارف اقول حاجه غير انى زعلان منك دى تانى مره تروح لبيومى و ماتقوليش

أ/شريف احب اعرف هو محمد قام بالواجب ولا لآ

بالنسبه لموضوع قطع الغيار

انا جربت نافع اللى فى شارع دمشق قبل كده فى حاجات عنده بتبقى اصلى فعلا و حاجات بتكون مضروبه و بيقول عليها اصلى

رد: *** تحذير لمالكي هيونداي من قطع الغيار المغشوشه ***
 

تمام يا باشا و بينى و بينك انا ماكنش عندى حاجه كبيره انا كنت رايح اغير زيت الفرامل و زيت الدبرياج و اربط عفشه و اعمل تشيك على العربيه ككل , و كله تمام الحمد لله .



علشان كده انا باخد القطعه و اقارنها بالأصلى و اتأكد انها اصلى لأن على قد ما انا بتعامل مع نافع من سنين و حبيبى بس برده الأمر ما يسلمش و ساعات ما بيبقاش مركز و يقوللك على المضروب اصلى و هو مش مجمع قوى (و الله اعلم بيبقى مجمع و لا لأ هههههههه )


و خارج الموضوع بقى لأحمد كار ..... انا كان نفسى اشوفك بجد فى المقابله و بالذات ان كان فيه سوء تفاهم صغير بيننا و مش عايزك تكون زعلان .

رد: *** تحذير لمالكي هيونداي من قطع الغيار المغشوشه ***
 

والله انا كمان زعلان اوى انى ماجيتش المقابله بس والله عصب عنى كان السبوع بتاع اختى عقبالنا جميعا يارب و كنت بمعنى اصح شغال سواق للعيله

بس احب اعرف انت كنت بتغير زيت الفرامل و الدبرياج ليه


و بخصوص سؤء التفاهم انا مش فاكر حاجه خالص و عموما لو كان فى سؤ تفاهم ولا حاجه انا عن نفسى مش فاكر حاجه و مش عاوز افتكر كفايه الكلمتين الحلويين اللى حضرتك قولتهم دلوقتى

رد: *** تحذير لمالكي هيونداي من قطع الغيار المغشوشه ***
 

و الله يا باشا انا عامل بالعربيه حوالى سبعين الف كيلو و حبيت انضف الزيت لأنه فى العربيه من و هيه زيرو بس مش اكتر ... لأنى حسيت انه اسود شويه و بالذات انى بحاول اهتم بعربيتى على قد ما اقدر لأنها ايدى و رجلى .

رد: *** تحذير لمالكي هيونداي من قطع الغيار المغشوشه ***
 

ربنا يباركلك فيها يارب العالمين و يرزقك باحسن منها يارب

رد: افيدوني لوجه الله
 

بص يا احمد فى ميكانيكى جامد طحن معهوش حد فى الورشه بيشتغل بمزاج تروح تحدد معاه ميعاد الاول وتروحلو فى المعاد هو فى شارع السودان عند المحكمه فى شارع الفتح انا عندى اكسيل بروحلو بس راجل اشتغل فى امريكا وسويسرا انصحك بيه شكرا