|
رد: سؤال هام رداً على الشيخ القرضاوي
اقتباس:
تعليق اخير.... انا احترم حضرتك طبعا وكلامك على دماغي من فوق حتى وان لم يتفق مع كلامي بس انا والله مابخون حد انا بحاول اشيل عباءة الناس العظام من على ناس لا يستحقوها حسال حضرتك سؤال اخير الاتحاد العالمي للمسلمين برئاسة القرضاوي عمل اية لللاسلام والمسلمين .....بس ؟؟؟؟!!!!! |
رد: سؤال هام رداً على الشيخ القرضاوي
حبيبي استاذ وليد انا هادخل مع حضرتك في مناقشة حضارية حضرتك بدأتها ومقصدش منها الدفاع عن حد ولكن لاعطاء كل ذي حق حقه ولاني بعد الثورة عاهدت نفسي الا اسكت عن اي موقف ممكن لي توضيحه بس معلش استحملني في تأخر اي ردود علشان عندي شغل وحاجات كتير نفسي اعملها وياريت اي اتهام لحد يكون بدليل وانا ان شاء الله هارد علي حضرتك بدليل ان شاء الله دليل عقلي او نقلي ما فيش ما يمنع |
رد: سؤال هام رداً على الشيخ القرضاوي
بغض النظر عن اى شخص ولا اقصد اى شخص
ولكنى اعتقد ان المحن هى التى تظهر معدن الرجال واعتقد ان ما حدث فى مصر مؤخرا كان غالبيته و99,9 %منه كان نفاق ورياق وركوب على الموجه وصيد فى الماء العكر ويظهر انه لا معدن من الرجال واستعير احد تشيهات احد المنافقين انك تستطيع ان تقول حدث ولا حرج .....عن هؤلاء المحتالون |
رد: سؤال هام رداً على الشيخ القرضاوي
انا هبدأ مع حضرتك في الاجابة عن بعض التساؤلات اللي حضرتك اشرت ليها في مشاركتك الاخيرة وهي بعض الاجابات السريعة قبل ما ادخل مع حضرتك في المهم وهو رائي اللي حضرتك فندته في مشاركتك الاخيره وعلشان الكلام يكون بدليل انا جبت لحضرتك روابط فيديو ووفيديو قديم للدلالة علي ما اقول اولا سؤل حضرتك الاتحاد العالمي للمسلمين برئاسة القرضاوي عمل اية لللاسلام والمسلمين .....بس ؟؟؟؟!!!!! اولا ده اتحاد غير رسمي وقراراته ليست ملزمة لا للدول العربية ولا الاسلامية وفضلا عن اسهامات الاتحاد العلمية الرائعة لخدمة الاقليات المسلمة في الدول الغربية كان له مواقف كتير جدأ في قضايا المسلمين في فلسطين واللعراق وافغانستان الامر اللي معاه اتمنع الدكتور القرضاوي من دخول لندن بتهمة معاداة السامية علشان اراءه في احداث فلسطين والعمليات الاستشهادية علي الرغم من ان لندن بالذات قبلة كل المضطهدين في العالم لانها مبتسلمهمش لحد لكن رفضت الدكتور القرضاوي وده الفرق بين الدكتور القرضاوي والاستاذ وجدي غنيم مثلا اللي اتمنع من كل حتي علشان بيقول كلمة حق وبين غيره اللي بيلفوا في كل حته من غير ما حد يقولهم رايحين فين وجايين من اين وبخصوص القاعدة الامريكية في قطر السؤال ده رد عليه الدكتور القرضاوي كتير ومن ضمن الردود كان رد لل Bbc والفيديو بتاعه اهو وعلي الرغم من ان ساعات مايكونش من الحصافه تنك تكون مضطهد من بلدك وتروح دولة تانية كلاجئ وتتكلم عن هذه الدولة بسوء فيطردوك كمان وتكون شريد محدش عايز يقبلك زي ما حصل مع الاستاذ وجدي غنيم ولكن علشان الدكتور القرضاوي قامة كبيره فعلا وعالم رباني نحسبه علي خير ولا نزكي علي الله احد كان رايه دايما معلن في كل القضايا علي الرغم من ان الرأي الحر في العالم كله مضطهد وخصوصا فيما يخص قضايا المسلمين اما الدكتور البرادعي ومسئوليته عن حرب العراق اولا امريكا دخلت العراق بدون موافقة الامم المتحدده يعني كان عدوان دون سند حتي لانها مش مستنية موافقة حد ثانيا وكالة الطاقة الذرية مش عزبة بتاعة البرادعي واللي كان مسئول عن تقارير العراق كان مفتش اسمه هانز بليكس وكان راجل محترم وامريكا حاولت بكل الطريق اشويه صورته هو والبرادعي بكل الطرق لكن الخلاصة ده لينك فيه فديوهات كتير لموقف البرادعي قبل العدوان الامريكي علي العراق وبخصوص ان البرادعي كان في النمسا يوم 25 يناير ده طبيعي هو حياته كله دولية مش محليه واحنا معظمنا كان في القاهرة وكتير مننا مخرجش يوم 25 يناير ومحدش فينا كان متخيل يوم 25 يناير ولا 26 ولا27 ولابعد كده ان الاحتجاجات دي هتوصل لثورة وعلي الرغم من كده هو اعلن يوم 25 بالليل انه هيجي يوم 27 علشان يشارك في جمعة الغضب وفعلا جه وشارك برده وحش وبعدين ذنبه ايه انه اتحددت اقامته مش عارف ناس كتير اعتقلوا قبل يوم الجمعة ويوم الجمعة ومشاركوش في الثورة بعد كده ده ذنبهم ولا ايه وعلي فكره هو ليه تصرحين جمال جدا الاول انه مش هيرشح نفسه للانتخابات القادمة والتاني ان مصر محتاجة رئيس عنده 40 او 50 سنة وهاقولك بعدين ليه الناس دي قامات كبيره فعلا وليه البرادعي تاريخه القريب مشرف يارب نكمل الحوار الحضاري ليا وليك وللجميع |
رد: سؤال هام رداً على الشيخ القرضاوي
بداية اشكر حضرتك على ردك الحضاري والمحترم والمهذب
شاكر لحضرتك ردك على كلامي واسئلتي ولذلك اعتقد ان الموضوع انتى برد حضرتك واشكرك تمام الشكر وبعدين حضرتك اسمك ابو سهيلة يعني اغلى الاسماء بالنسبة لقلبي فابنتي وقرة عيني اسمها سهيلة شكرا لحضرتك |
رد: سؤال هام رداً على الشيخ القرضاوي
يعنى إحنا بنلوم الشيخ القرضاوى وموجهناش لوم لرجال الأزهر إللى هما شايفين الظلم بعنيهم وساكتين .
تصوروا من بدايه الثوره وكل خطب الجمعه عن إجهاض الثوره .... وأحاديث وأيات قرأنيه يفصلوها لمصلحه النظام ....حتى جمعه التنحى الخطيب كان بيدعى للرئيس ....حاجه تعر أنا مش عارف الجمعه الجايه هيخطبوا لمين . مصيبه لو لسه هيخطبوا للرئيس ههههههههههه. |
رد: سؤال هام رداً على الشيخ القرضاوي
أكد الدكتور أحمد الطيب، شيخ الأزهر، أن المادة الثانية من الدستور ليست مطروحة للتغيير أو التحديث، والاقتراب منها بمثابة محاولة لنشر الفتنة، فالمادة الثانية من الدستور هى من ثوابت الدولة والأمة والحديث فى تلك المادة هو مصادرة للديمقراطية التى نأمل الوصول إليها ومصادرة على الحريات.
وعن مشاركة الأزهر أو الحوار مع الإخوان، قال الطيب: إن الأزهر مؤسسة تعليمية، والإخوان حركة سياسية، فعقيدتنا واحدة واجتهادنا مختلف وبيننا احترام متبادل، فالأزهر مؤسسة تعليمية لمصر والعالم، فأنا شيخ الأزهر خلفى مليار مسلم ومصر تتخذ قرارات تخص الأزهر وتراعى هذا البعد. أما بالنسبة لانتخاب شيخ الأزهر قال الطيب: إن قضية الانتخاب أثيرت كثيرا وأنه شارك فيها أكثر من مرة وهناك تخوف من الانتخابات، كما أن هناك تخوفاً من التعيين والخوف من التعيين بأن شيخ الأزهر يكون مقيداً أو غير حر والخوف من الانتخابات يأتى من الصورة التى شهدتها الانتخابات مؤخرا وستتيح الفرصة لأصحاب رؤوس الأموال من التأثير على الأصوات، فإذا ضمنا أن تكون هناك صناديق طاهرة ونظيفة وانتخابات نزيهة فأنا مع الانتخابات. كما رد الإمام على الادعاءات والتطاولات التى وجهت إلى الأزهر من أنه كان يتملق السلطة وقال إنه يعذر الشباب، فالموضوع كان غامضاً وإننا فى الأزهر نقول ما يمليه علينا الحق والشرع، وما قلته يوم الجمعة من أن الخروج للمظاهرات حرام، فقد بدا لى أن الشباب مستمرون وأن النظام سيتم ضبطه بتدخل الجيش وأن خروج أعداد متزايدة للوقوف بجانب الشباب سيؤدى إلى وجود دماء، فكان الخلق يحتم علىّ قول ذلك. وأكد شيخ الأزهر أننا كنا نعانى من فساد فى الأنظمة ولا أشجع أن يظهر أى شخص عملا مع النظام أو أن يظهر بمظاهر الأبطال، فالوحيدون الذى يستطيعون الظهور وبمظهر الأبطال هم من خرج ودافع، كما أنه لا يعفى أحداً من المسئولين فى النظام السابق، مؤكداً أن الأزهر فوق الثورات والحكومات فالثورات متغيرة وكذلك الحكومات، فالأزهر يبقى بعد الثورات والحكومات. من جانبه أعلن السفير محمد رفاعة الطهطاوى استقالته فى المؤتمر الصحفى الذى عقد بحضور شيخ الأزهر، مؤكداً أنه فى خدمة الأزهر تطوعا، وكشف السفير أثناء المؤتمر الأحاديث التى دارت بينه وبين شيخ الأزهر أثناء الثورة، والذى أكد أن ما لمسه من شيخ الأزهر خلال الأيام الماضية يجعله يشعر بأنه تشرف بأن يكون من أحد معاونيه لما لمس منه من نبل ورجولة وشهامة، وأن شيخ الأزهر هو أول من أفتى بأن ضحايا الثورة شهداء، كما أنه لم يهدأ طيلة الثورة بل اجتمع مع عدد من الرموز، مثل الدكتور أحمد زويل والدكتور سليم العوا وعدد من شباب التحرير يبحث مخارج لتلك الأزمة. وفجر السفير مفاجأة حين كشف أن مباحث أمن الدولة أثناء المؤتمر الأخير للرابطة العالمية لخريجى الأزهر طلبت استدعاء الدكتور يوسف القرضاوى، لكن شيخ الأزهر رفض رفضاً تاماً وقال لهم إنه ضيفه، وأقسم أنه لو تعرض له أحد سيتقدم باستقالته على الفور. كما كشف السفير أن الإمام الأكبر الدكتور أحمد الطيب كلف الدكتور حسن الشافعى بالتوجه إلى ميدان التحرير ليتحدث بلسان شيخ الأزهر ويقول لهم ما يمليه عليه ضميره، إلا أنه لم يتمكن من ذلك، فتوجه إلى محاصرة ماسبيرو مع شباب الثورة. منقول اليوم السابع |
| الساعة الآن 04:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017