رد: ماسبب اشتعال الاحداث فى التحرير ومصر كلها فى رأيك؟
 

مانا باقول كده من الصبح يادكتور
عايز حاجه للبرد بقى :fun_36_1_26[1]:

رد: ماسبب اشتعال الاحداث فى التحرير ومصر كلها فى رأيك؟
 

يا باشا الف لا باس عليك
خد كونجستال اقراص ثلاث مرات بعد الاكل
ولو البرد مصحوب بزكام وعطس خد نوفلو اقراص ... اضرب حبيتين مع بعض هتبقي ان شاء الله تمام ..ولو فيه التهاب في الحلق عليك بقي بالمضادات الحيويه


ربنا يستر يا علاء الناس عندنا زي ما يكونوا مستنين اللي حصل عشان يتباهوا بالاسلحه... تخيل صوت ضرب نار بشكل هستيري ولا فيه حراميه ولا نيله ...احنا اللي عاملين شد عصبي وتوتر لبعض والعيال شغالين بالبمب والصواريخ لما الواحد خلاص اتخنقت من الوضع

رد: ماسبب اشتعال الاحداث فى التحرير ومصر كلها فى رأيك؟
 

هههههههههه هنا بقى يادكتور من يوم الجمعه اللى فاتت لو عيلين جريوا ورا بعض فى الشارع بالليل الشارع كله حاله استنفار وجميع انواع الاسلحه تشوفها
بس الحاجه اللى تفرح ان لو حد من البلطجيه دول دخل عندنا هايبقى انتحار ليه بصراحه

رد: ماسبب اشتعال الاحداث فى التحرير ومصر كلها فى رأيك؟
 

اسباب اشتعال الاحداث فى مصر فى راي الشخصي هي الاتي :-
1- سواء ادارة للازمة على مستوي القيادات الامنية و القيادة السياسية
فى الاول قالك دول شوية عيال و كام قنبلة مسيلة للدموع على كام طلقة مطاطي يفضوا الليلة و ضحكوا بالكلام ده على القيادة السياسية اللي اتأخرت و سابت الموضوع للامن بس لحد ما خربها و لما خربت مالطة ابتدي يتنازل واحدة واحدة
2- كل من ركب الموجة من الاحزاب و التيارات السياسية المختلفة
كل واحد منهم كان اما عميل للنظام او ماشي جنب الحيطة عشان برضه يستفيد من النظام باي شكل من الاشكال هيص فى الهيصة و ابتدي يسخن فى الشباب ليه عشان تولع اكتر و حتي لما القيادة السياسية قالت حوار اغلبهم رفض لان معندوش حاجة يقدمها على سبيل المثال لو جابوا ايمن نور او البرادعي دولقتي يقدر يقولنا على وجه التحديد البلد ممكن تقف على رجيلها امتي بدون ما يروح مطبعة البنك المركزي يطبع فلوس ماعتقدش

3- السادة اعضاء الحزب الوطني و اعضاء مجلس الشعب من خوفهم على مصالحهم و ان يتم حسابهم
البهوات دول بقي كل واحد فيهم خاف لو النظام وقع يتعلق على مشنقة الثورة حاول ينقذ ما يمكن انقاذه اجر اللي قدر عليه و خالهم يروحوا التحرير يهتفوا للنظام و يضربوا المعتصمين فى الميدان
4- شباب المظاهرات التي تعامل مع موضوع التغيير كانه فريق الزمالك انهزم فى مبارة و عايز الجهاز الفني يتشال حالا و استمعوا لمن يريدها ان تسخن و تخرب
5- بعض القوي الخارجية التي تريد لهذا البلد ان يتفتت حتي لا يصبح له اي دور على الساحة
زي حماس و ايران و قطر و بالطبع امريكا
فى النهاية الخاسر الوحيد احنا انا مش مع مبارك و مش كاره له قوي يعني يعني من الاخر مش فارق معايا مين اللي قاعد فى منصب الرئيس كل اللي فارق معايا انه يراعي ربنا سبحانه و تعالي فينا و اتعامل بأحترام فى اي مصلحة حكومية فى البلد و اخلص مصلحتي بدون رشوة و اعرف اجيب احتاجات بيتي الاساسية الهي ينتقم من كل ما سبق ليه لان بيوتنا اتخربت حسبي الله و نعم الوكيل

رد: ماسبب اشتعال الاحداث فى التحرير ومصر كلها فى رأيك؟
 

انا بعدي علي 3 كماين الاهالي عملنها ... بقلهم والله احنا اجدع من الحكومه ..بقي الشرطه كانت بتحمينا كده ...دول كانوا يستنوا ضرب النار لما يخلص وبعدين يروحوا يشوفوا فيه ايه
وفرحان في 2 امناء شرطه كانوا بيبلضجوا علي الناس وفارضين عليه اتاوات ...دلوقتي هاربين وفيه ناس من اللي اتظلموا حالفين ليقتلوهم
لكل ظالم يوم

رد: ماسبب اشتعال الاحداث فى التحرير ومصر كلها فى رأيك؟
 

في نقطه عايزكم تناقشوها وتطرحوها وهي احنا عايزين نواب شباب في مجلس الشعب يمثلونا بجد ويكونوا عارفين مشاكلنا ويا ريت لو بقي فيه وزراء شباب

رد: ماسبب اشتعال الاحداث فى التحرير ومصر كلها فى رأيك؟
 

ياجماعه مش واخدين بالكوا انى اقصد حاجه غيراللى فكرتوا فيه انا مش بقول مين السبب فى اللى حصل ده ولا اللوضع اللى وصلنا ليه انا بتكلم عن حاجه مهمه ناقصانا وهــــــــى
الحـــــــــــــــــوار احنا ناقصنا نتحاور مع بعض
ولما بنتحاور كل واحد بيسمع صوت نفسه وبس
اليوم قرر السيد نائب الرئيس والسيد رئيس الوزراء ان يقبل بالحوار مع جميع الاطياف حتى الاخوان بصفتهم مصريين لاجماعه محظوره.....وده اللى انا اقصده لوكان هذا الحوار تم منذ البدايه وتم الاستماع باهتمام للاراء المختلفه ماكناش وصلنا للى احنا فيه الان.