مصر موتورز مجتمع السيارات - حقك علينا يا ريس

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - حقك علينا يا ريس (https://www.masrmotors.com/vb/showthread.php?t=46990)

رد: حقك علينا يا ريس

بالرغم من السيد الرئيس محمد حسنى مبارك لا يستحق من الشعب ال حصل دة
ألا أنه لا يجب ا يرشح نفسة لفترة رئاسة اخري وذلك نظرا لسنه الذي اصبح بدوره غير قادر علي تحمل مسئولية شعب مصر
ولاكن من ناحية اخري انا باحترم واقدر السيد الرئيس محمد حسنى مبارك :playing_music:

رد: حقك علينا يا ريس

اقتباس:

المشاركة الأصلية كتبت بواسطة BASSEM BESO (المشاركة 349486)

كل اللى انت بتقوله ده صح يااحمد بس ده فساد حكومى وتنفيذى مش نظام بأكمله واقولك نقوله حقك علينا ليه :
- طوال 30 عاما فى امن وسلام .
- طوال 30 عاما فى تقدم مستمر .
- طوال 30 عاما فى ازدهار وتطور .
- طوال 30 عاما فى عدم تدخل فى شؤون مصر .
- طوال 30 عاما فى تطوير الصناعه والأستثمار .
- طوال 30 عاما فى حب وتأمين مصر .
- طوال 30 عاما فى حريه .
- طوال 30 عاما فى محاوله جاده فى طرد الفساد .
- طوال 30 عاما رئيسا وقائدا عظيما لمصر .

وانا معرفش لمصر رئيس غيره ولا عايز اعرف والرجل عمل كل مافى وسعه من محاربه للفساد والقضاء عليه ومننساش ابدا يااحمد انه بطل وقائد من ابطال حرب اكتوبر العظيمه فميستهلش ابدا اللى يتعمل فيه كده ابدا

السلام عليكم ...

الناس بتموت فى ميدان التحرير و الأخ الفاضل بيقول ان احنا بقالنا 30 سنة فى تقدم و رقى مستمر ... ولا فيه مشاكل فى المياه ولا مشاكل فى انقطاع الكهرباء ولا اى مشكلة خالص و الاسعار رخيصة و المواصلات فاااااااضية .. انا مش حشرح موقفى عشان مشغول بمتابعة الموقف
حسبى الله و نعم الوكيل
حسبى الله و نعم الوكيل
حسبى الله و نعم الوكيل

رد: حقك علينا يا ريس

يا جماعة يعنى انتو عايزين الشعب يعيش من غير امان يجماعة مبارك حايش عن البلد كتير وكدة كفاية وهو هيعمل الاى قال عالية الشباب يعنى الراجل كفاية انة حس بغلطو الاعتراف بالحق فضيلة وكلها 7 شهور وهنشوف ايام ربنا يستر عالينا وعلى بيوتنا كلنا

رد: حقك علينا يا ريس

يرحل اة كفاية كدة لاكن يتهان لا (ارحموا عزيز قوم ذل) و بعدين خلاص اللي صبرنا 30 سنة موش قادرين تصبروا 6 شهور و خلاص ؟ و الرسالة وصلت للي هيجي بعده

رد: حقك علينا يا ريس

يا جماعه عاوزين نبقي موضوعين اكتر
دلوقتي الشعب قام و ثار وهاج
و اللي هو عاوزه اتحقق
الوزاره اتغيرت
تعيين نائب لرئيس الجمهوريه لاول مره من 30 عاما
النظر مجددا في بعض عضويات المشبوهه في مجلسي الشعب و الشوري
عدم الانتخاب لفتره رئاسيه قادمه
لا للتوريث
حبيب العادلي حيتحاكم
الزفت اللي اسمه احمد عز ساب الحزب و حيتحاكم
عاوزين ايه تاني بقي؟؟
الريس ينزل من الحكم؟؟
يا سلااااااااااام
ايه الجبروت دا طب لو ساب الحكم مين يمسكه؟؟
البرادعي؟؟
اللي بقاله 30 سنه بره مصر و جاي الجمعه اللي فاتت و عمال يشتم في الريس؟؟
دا لو انا بسلم لواحد معايا المصنع بتاعي حقعد اسبوعين اسلمه و اعرفه الحسابات و الا حبقي حرامي
يقوم رئيس دوله يمشي في لحظه؟؟
لازم فتره انتقاليه و بعد كده نقدر نحكم و نجيب حد كويس يمسك البلد

رد: حقك علينا يا ريس

اقتباس:

المشاركة الأصلية كتبت بواسطة BASSEM BESO (المشاركة 349486)

كل اللى انت بتقوله ده صح يااحمد بس ده فساد حكومى وتنفيذى مش نظام بأكمله واقولك نقوله حقك علينا ليه :
- طوال 30 عاما فى امن وسلام .

طبعا امن وسلام ما احنا بنتركب من الامريكان والاسرائليين ومنقدرش نقولهم علي حاجه لا فلازم طبعا نعيش في امن وسلام

- طوال 30 عاما فى تقدم مستمر .

بامارة ان في مناطق كتير جدا لسه الميه والمجاري مدخلتهاش ولا الكهربا واتفرج علي محمود الليثي وبرنامج واحد من الناس وانتا تعرف الكلام اللي انا بقوله ده كويس

- طوال 30 عاما فى ازدهار وتطور .

بامارة ايه اكيد المنتجات الصيني هيه السبب ان ملكش اي اختراع بيتصدر حتي للمنوفيه

- طوال 30 عاما فى عدم تدخل فى شؤون مصر .

مش محتاجه حد يدخل لان احنا اساسا مبنتكلمش علشان حد يدخل عاملين زي الاب اللي بيروق ابنه بالضرب كل يوم الواد مبيفتحش بقه حتي يعيط الجيران هيدخلو ما بين الاب وابنه ليه

- طوال 30 عاما فى تطوير الصناعه والأستثمار .

صناعة ايه يا راجل يا طيب هو الصين خلت لينا اي صناعه ده حتي شركة نصر قفلوها

- طوال 30 عاما فى حب وتأمين مصر .

اكيد قصدك مصر للتامين مش تامين مصر يا عم الحاج سيبك من الشعارات ديه اللي جابتنا ورا

- طوال 30 عاما فى حريه .

يبقي المظاهره ديه ناس مفترية واحنا عايشين في حرية لابعد الحدود ولا حد بيعتصم قدام مجلس الشعب بالشهور ولا حاجه احنا بلد 10/10

- طوال 30 عاما فى محاوله جاده فى طرد الفساد .

عندك حق ده حتي معين احمد عز علشان يحاربه

- طوال 30 عاما رئيسا وقائدا عظيما لمصر .

يا زعيم مش هوا لوحده اللي حارب والله والدي شارك في الحرب وخرج من الجيش يا مولاي كما خلقتني وكل اللي عمله في اكتوبر ولا حاجه اتشالته

وانا معرفش لمصر رئيس غيره ولا عايز اعرف والرجل عمل كل مافى وسعه من محاربه للفساد والقضاء عليه ومننساش ابدا يااحمد انه بطل وقائد من ابطال حرب اكتوبر العظيمه فميستهلش ابدا اللى يتعمل فيه كده ابدا

كان علي الاقل كرم الناس اللي حربة وهيه خارجه ومن ضمنهم ولدي خليني ساكت يا باسم بدل ما اخترق حظر التجول واجيلك اطلع كل القديم والجديد عليك ههههههههه