رد: مركز إي سي يو كوماندور (Ecu Commander) - لخدمة إلكترونيات السيارات
 

يا أخي ... إنت عجيب ... بترفض تدي أسعار وزعلت من السعرإللي قولتهولك ... وبعدين عايز أقولك علي نصيحيتين ..بس أحب أعرفك تخصصي إيه ... أنا إستشاري تصميم نظم ودراسات الجدوي ودراسات سوق الأسهم ( البورصة ) ..
أول نصيحة ... الويب إللي حضرتك ذكرته لم يعرفني من أنتم ولا إمكانات المركز الفنية ولا تجهيزات مكانك فلو عندك صور لورشتك أو مركزك كما ذكرت يستحسن تحطها ده ها يساعدك كتير في الإقناع والتسويق.... ويعطي ثقة أكثر في كفاءة وقدرة المكان لكن بصراحة صفحة الويب ضعيفة وبدائية جدا .... والعنوان المذكور فيها مجرد إيميل ... المركز بتتوفر فيه دايما تليفونات وحضرتك بتقول لازم الحجز المسبق وحاطط رقم موبيل ... كلها مؤشرات سلبية

ثانيا : المركز لما بيكون له سيستم شغل زي ما حضرتك بتقول وبيتفتح أمر شغل يبقي لازم فيه أسعار للأمور المقطوع بيها زي برمجة المفاتيح ... وخلافه وبخاصة إن معظم الأعمال إللي حضرتك حاططها اليكترونيه ومشاكل معروفة سلفا ... يعني لازم يكون عند حضرتك سعر تقريبي للخدمه وتترك جزء لقطع الغيارأو أجر العمل الإضافي ...لاكن أجيلك من أخر الدنيا عشان تعملي أمر شغل ها تحددلي فيه السعر إلللي ممكن أقبله أو أرفضه وأدب نفس المشوار تاني مش منطقي
وبعدين حتي الوكيل لما بتقوله صيانة كذا تتكلف قد إيه تقريبا بيقولك قبل ما تروح في التليفون

تعالي بقه لموضوع ال100 جنيه ... هو الوكيل حرامي ... يعني قلي المفتاح 1200 جنيه وبرمجه 100 وطبعا أنا عارف المغالاه في أسعار الوكلاء أنا جبت المفتاح بأقل من كده كتير من وكيل برده لعربيات كيا بس نقول إيه في جشع وإحتكار الوكلاء المصريين .... وإتعرض عليا برده برمجه المفتاح من ناس من عند الوكيل بس بره الوكيل وبسعر .. مش وحش .. طبعا مش ها أقولك عليه ... بس الكلام أخد وعطا .... أنا حبيت أفيدك أرجو أن أكون أفلحتGIFT4U

رد: مركز إي سي يو كوماندور (Ecu Commander) - لخدمة إلكترونيات السيارات
 

كلام حضرتك على عيني وراسي وإن شاء المولى نستفيد بنصائحك ولك جزيل الشكر.

أنا مزعلتش من السعر، هو أنا لما أكون صريح معاك وعايز مصلحتك يبقى ده بيساوي عندك إني زعلت؟

أيوة طبعاً في سيستم عندنا لأننا أصلا مركز معتمد كوري + إلكترونيات سيارات متخصص (يعني المركز صورة مصغرة للوكيل مع الوضع في الاعتبار القيام ببعض المهام التي لا يستطيع الوكيل القيام بها ويقوم بالتغيير الكلي بدل الإصلاح) وطبعاً أعرف تكلفة كل شيء سواء تكويد المفتاح أو سعره لكن أنا مش وظيفتي أقول أسعار، أنا مسئول عن قسم الإلكترونيات.

موضوع الأسعار ده قصة تانية وفي ناس لا تعرفني ولا تعرف المركز ممكن تقرأ الموضوع أو عينها تقع على سعر معين تحس انه غالي يكون النتيجة إنهم يكونوا إشاعات ويقولوا على المركز غالي. لذلك لا يقوم أي من القائمين على المركز بتحديد تكلفة معينة سوى تكلفة الميكانيكا والعفشة لأنها ثابتة.

معلومة صغيرة بس لحضرتك، الوكيل قال 100 تكويد المفتاح لأن عنده البن كود بتاع العربية، لكن نحن سنقوم بفك تشفير البن كود من السيارة عن طريق كنترول المحرك ودا بيستلزم وقت وعمليات خاصة بسر المهنة. أرجو إن الفكرة تكون وضحت.

ولك الاحترام والتقدير

رد: مركز إي سي يو كوماندور (Ecu Commander) - لخدمة إلكترونيات السيارات
 

برجاء من الأخوة الأفاضل المتصلين بخصوص ترجيع قراءة العداد

المركز لا يقوم بأي عمل منافي للأخلاقيات المعمول بها أو يؤدي بأي طريقة من الطرق إلى الغش التجاري

في أكثر من اتصال سابق، قال المتصلون أنهم يريدون ترجيع قراءة العداد لشعورهم بكبر قراءة العداد مع أن الموتور حالته جيدة أو قالوا مباشرة أنهم يريدون بيع السيارة.

أكرر مرة أخرى، أنا فقط المسئول عن القيام بهذه المهام الإلكترونية داخل المركز ولن أدخل جيبي مليم حرام أو أغضب الله سبحانه وتعالى لكسب رزق أتسبب بعد ذلك في غش شخص آخر.

رد: مركز إي سي يو كوماندور (Ecu Commander) - لخدمة إلكترونيات السيارات
 

ومن يتقي الله يجعل له مخرجا ويرزقه من حيث لا يحتسب .... GIFT4U

رد: مركز إي سي يو كوماندور (Ecu Commander) - لخدمة إلكترونيات السيارات
 

شكرا على الخدمه الجديده المقدمه:14369D~149:

رد: مركز إي سي يو كوماندور (Ecu Commander) - لخدمة إلكترونيات السيارات
 

السلام عليكم معى سياره اونو موديل 2001 انجيكشين المشكله انها بتاكل بنزين كتير ياترى العيب يكون فى ايه ولكم جزيل الشكر

رد: مركز إي سي يو كوماندور (Ecu Commander) - لخدمة إلكترونيات السيارات
 

حضرتك احجز ميعاد واتفضل عندنا في المركز نكشف عليها ونعرف المشكلة فين