المشاركة الأصلية كتبت بواسطة mercedes (المشاركة 337620)

أنا على فكرة ماعنديش مرسيدس, أنا عندنا عربية بيجو 505 مو 1980و كان نفسى و منى عينى أنى أجيب مرسيدس معدلة , بس موضوع الاحلال ده مخوفنى .

هو طبعا الأستاذ أحمد بدر اللى جاب عربية مرسيدس 230, هو اللى هيفيدنا بكل حاجة فى الموضوع ده, أنا كنت طلبت منه أنه يقولنا بالتفصيل, هو عمل ايه و كان وعدنى أنه لما يظبط الحاجات اللى بيظبطها فيها, هيعملنا موضوع محترم عنها, ياريت بس حد يفكره لأنه ممكن يكون نسى .

المشاركة الأصلية كتبت بواسطة محمد شهاب (المشاركة 337417)

بس استنى لحظة
الميكانيكى بيقول تغيير الموتور السولار بموتور بنزين يتكلف 15 الف
ازاىىىىىىىىىى
فيه موضوع للعضو مرسيدس بس مش فاكر عنوان الموضوع
بيقول انه سال عن الموتور ولقى موتور الزلمكة موديل 93 تقريبا بالفتيس المانيوال وكل المشتملات
بـ9000 جنيه وقبل الفصال
يبقى ازاى الميكانيكى بتاع حضرتك بيقول ان تغيير الموتور يتكلف 15000 جنيه

تحياتى للجميع

المشاركة الأصلية كتبت بواسطة Xpert (المشاركة 337728)

بص. من الاخر كده .. و دي نصيحه لو عاوز تسمع كلامي هاتكسب .. و لو مش عاوز انت حر...

ماتجبش حاجه عايزه مصاريف نهائياً .. ماتفكرش تشتري عربيه علشان تجيبلها موتور ولا تعملها سمكره ولا اعمل مش عارف ايه فيها .. علي قد ما تقدر حاول تشتري عربيه جاهزه علي الركوب .. او علي الاقل تعوز مصاريف خفيفه جداً .. العربيات دي بتبقي غاليه.. بس الغالي تمنه فيه. حاول تشتري حاجه اواحر الموديلات (83-86) بتنزل جميع الكماليات و بتبقي ماسكه سعر..

بالنسبه للاحلال ده انساه تماماً لانه مش هايحصل في الملاكي .. اخرهم يبقي الفحص الفني مشدد جداُ و ده هاتقدر تعديه لو معاك عربيه سليمه زي ما باقولك

ادفع ماتسترخصش ..

المشاركة الأصلية كتبت بواسطة didos (المشاركة 337822)

يا باشا مش قصدى كده العربية كلها ب 15 الف :hd:

انت معاك حق جدا طبعا ولكن لا ننكر ان اى سيارة مستعملة لاااااااازم تصرف اضف الى ذلك ان فيه طلسمة مش بتبان ان عربيتى اللى فاتت وريت الموتور ل 4 صنايعية وقالو ممتاز طلع البلوك مشروخ يبقى لازم اعمل حسابى علشان ما اورطش
اما عن الاسعار فمع احترامى الشديد للجميع الاسعار على النت فاشلة جدا وفيها زيادة من 25-50% يعنى مثلا الخنزيرات اللى شفتها اسعارها من 13 ل 20 و المعدلة من 20 ل 30 ولا اخفى عليكم انا كنت حاطط ميزانية 15 الف وناوى على لادا بس لقيت حاجات كتير افضل منها كقيمة عربية مقابل المدفوع فى اليابانى والالمانى فلو الخنزيرة طلعت سالكه فل قوى انما لو فيها مشكله يبقى امشى نفسى بلادا ولما ربنا يكرم اشوف معدلة

المشاركة الأصلية كتبت بواسطة sad-bird (المشاركة 337690)

انا مقلتش انك عندك مرسيدس انا قلت انك مدمن مرسيدس وانا متابع مشاركاتاتك كلها تقريبا ولقيت اغلبها عن المرسيدس وكندا GIFT4UGIFT4UGIFT4U
ودليل انك مدمن مرسيدس
بص عل توقيعك
:playing_music::playing_m usic::playing_music::play ing_music::playing_music:
مقلتليش الامتحان اللي عندك الشهر الجاي بخصوص الايلتس والا ايه

المشاركة الأصلية كتبت بواسطة mercedes (المشاركة 338099)

الأيلتس, أنا امتحنته خلاص من زمااااااااااااان , من شهر 3-2009 .

أنا الامتحان اللى عندى فى شهر مارس الجاى, امتحان الClinical بتاع الMRCS ( الزمالة البريطانية بتاع الجراحة ) ادعيلى أنى ربنا يوفقنى , لحسن دى تالت مرة و هو الجزء اللى فاضللى من كل امتحانات الزمالة و أنا عاوز أخلص بصراحة لأنى زهقت .

المشاركة الأصلية كتبت بواسطة sad-bird (المشاركة 338105)

بالتوفيق ان شاء الله يا باشا..................... ..........أنت في المنصورة دلوقتي والا مونتريال
444546