مصر موتورز مجتمع السيارات - جبت لانوس 2011 بقالى يومين وعندى اسأله كتير

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - جبت لانوس 2011 بقالى يومين وعندى اسأله كتير (https://www.masrmotors.com/vb/showthread.php?t=44075)

رد: جبت لانوس 2011 بقالى يومين وعندى اسأله كتير

اقتباس:

المشاركة الأصلية كتبت بواسطة morsika (المشاركة 327019)

انا معايا العربية من حوالى شهر عملت 700 كم و اللى انا مقتنع به ان الكمال لله وحده فأى حاجة من صنع الانسان لازم حيطلع فيها مشاكل بس الفكرة بتكون فى حجم المشكلة .. يعنى فى حاجات ما ينفعش يتسكت عليها .. لكن الواحد لو حط فى دماغة ان هو يداور على المشاكل مش حيرتاح ابدا و الموضوع حيبقى وسواس و فى الاخر انت اللى حتكره العربية و مش حتحب تركبها تانى . ربنا يباركلك فيها و تجيب اللى احسن منها ان شاء الله

صح الكلام انا اول ما جبتها كنت عمال اركز مع العيوب ةاية بيطلع صوت وصوت الماتور وكنت ساعات والله ميكروباص يعدى جنبى فى صوت تصفير ولا حاجة اقول دا عندى انا واهدى بالعربية علشان اركز واسمع الصوت تانى

وبعد كدة بدأت اكبر دماغى دى عربية جديدة يعنى هيكون فيها اية ولو فيها حاجة المفروض انه فى ضمان وحماية مستهلك لو حصل حاجة هفضل وراهم لحد ما اغيره العربية لو حصلت وبدأت ما اسمعش حاجة ودا اللى عاوزك تعملة ولو عاوز تطمن اعمل زى ما انا ناوى خد العربية لبنزينة ولا حد محترم يكشف عليها ويرفعها وفهمة انها جديدة وانت شاكك فى اية وان شاء الله مش هتلاقى حاجة ولو لاقيت اطلع على التوكيل قلهم يغيروه الحتة الفلانية

وربنا يكفينا شرها

بالنسبة للتظبيط انا مش من هواياتى العب فى الشكل الخارجى لكن ممكن من جوه تحط فرش جلد وارضية وممكن ستارة لل زجاج الخلفى حاجات من دى يعنى

رد: جبت لانوس 2011 بقالى يومين وعندى اسأله كتير

ما انت في مصر متركز في الحجات دي وقول حسبنا الله ونعم الوكيل

رد: جبت لانوس 2011 بقالى يومين وعندى اسأله كتير

اقتباس:

المشاركة الأصلية كتبت بواسطة dr_maged (المشاركة 327035)

بالنسبة للتظبيط انا مش من هواياتى العب فى الشكل الخارجى لكن ممكن من جوه تحط فرش جلد وارضية وممكن ستارة لل زجاج الخلفى حاجات من دى يعنى

انا من نفس رأيك .. و ان شاء الله موضوع الجلد ده "على الاقل للارضية و الشنطة" علشان الموكيت بيتبهدل بسرعة و صعب قوى فى التنظيف

رد: جبت لانوس 2011 بقالى يومين وعندى اسأله كتير

انا ارجه مشمع جلد للارضية انا عاملة في عربيتي مش عاوز اقولك تنظيف العربية بقي اسهل بكتيييييييييير (حته فيها شوية مياه وامسح بعد متكنس الاتربة والرمل ال موجود) بتبقي زي الفل ومش محتاجة لبنزينه علشان تغسلها

HUUM

رد: جبت لانوس 2011 بقالى يومين وعندى اسأله كتير

ربنا يبركلك فيها ويكفيك شرها ROSE4U

رد: جبت لانوس 2011 بقالى يومين وعندى اسأله كتير

اقتباس:

المشاركة الأصلية كتبت بواسطة dr_maged (المشاركة 327035)

الموضوع فعلا شكلهبقه وسواس بس من كتر العيوب والله انا حاسس انها عربيه موديل 95 ... طب عاوز اخد رايك فى شويه حاجات بما انك معاك نفس العربيه
- كنت بركب الدايو زمان كان التانى بيجيب 90 ولسه فيه بتاعتى دى صوتها بيبقى عالى جدا والتانى لسه على 40 ياعنى ال rpm بيجيب 35 والسرعه 40 لسه
- وانا على التالت فى صوت ونه من المكنه شبه الشاهين كده او زى ما تكون راجع لورا
- نفس الونه دى وانا واقف لما ادوس دبرياج تروح اشيل رجلى يجى الصوت تانى ( على التالت بيبقى الصوت اعلى )
- العجله اليمين ورا فيها حاجه غلط زى ما يكون المساعد ضارب بتخبط فى المطبات ومش زى الشمال خالص
- ازاى المرايا الشمال مسطحه -- ممكن اغيرها ؟
-الكبون فيه حته فى الدوكو لونها مختلف عن العربيه زى حته مسيله تحت الطبقه اللى بتلمع حجمها حوالى 2سم فى 4سم فوق الكشاف اليمين
- فرش الابواب بيزن
- دايما حاسس انى شادد مقطوره ورايا والعربيه نفسها مقطوع
- حاسس ان البنزين بيطير بيخلص بسرعه جدا

كل دى مشاكل حقيقيه مش تهيؤات ولا حاجه بس الغريب انها فى عربيه زيرو مكملتش اسبوع وجايبه 150 كيلو ، دا الواحد لما بيجيب عربيه زيرو على الاقل من الفرحه مش بيحس بالمشاكل فى الاول ، وانا حسيت بالحاجات دى من اول يوم؟؟ بذمتك هيبقى ليا نفس افرح ؟؟؟؟؟؟؟؟؟؟؟؟؟؟؟