|
رد: من هي الانجلون ؟ ولماذا تهاجم ؟
تسلم إيدك على الموضوع
بس فعلا السعر عالي خصوصا إن فيه منافسة قوية حالياً بينها وبين السيارات الصيني مثيلاتها دا غير إنها دخلت في فئة سعرية قريبة من البروتون المانوال (جين تو أو برسونا) الغنية عن التعريف أنا شايف إن لازم يكون السعر عنصر مميز للسيارة دي بجانب إمكانياتها بالإضافة إلى أن التقفيل المصري بالنسبة للسيارات الصيني ليس بالردئ (يعني مش هايعمل فرق السعر دا كله) وعندك مثلا M11 أثبتت كفاءة معقولة وبنفس الإمكانيات تقريبا لكن بفارق 10000 جنيه (مبلغ كبير بالنسبة لسعر السيارة) بس الغريب إني قرأت إعلان منزله غبور لنفس السيارة بسعر 75000 جنيه؟؟؟؟؟ أنا من مؤيدي تشجيع السيارات الصيني ذات الكفاءة بشرط مراعاة جانب التسعير وأخيرا أنا رأيي إنها الأكثر فخامة بين السيارات الصيني الحالية في نفس الفئة ولو سعرها نزل شوية احتمال كبير تكون معايا قريب - إن شاء الله |
رد: من هي الانجلون ؟ ولماذا تهاجم ؟
معاكم ان سعرها اغلي شويه بس ليه مسألتوش نفسكم
اولا مع احترامي للجاك وال اسبرانزا m11 وغيرها بس انتم مش واخدين باللكم من حاجه مهمه ان العربيات السابق ذكرها كلها عربيات فئه ب (B CLASS ) يعني صغيره الحجم اللي حد ما واللي شاف الانجلون اكيد هيعرف انها فئه أ A CLASS طولها 5 متر الا حاجه بسيطه يعني طول المرسيدس واطول من الاوكافيا والباسات والكروز وغيرهم كتير يبقي لازم يبقي في فرق وبعدين معلش ماهو ابوغالي منزل روميو واسباير وبريميرا واسعارهم مابين ال 55000 والي 65000 يبقي بالعقل ازاي الانجلون تبقي بنفس سعرهم يبقي اكيد العربيات التانيه مش هتبيع ولا ايه .؟ |
رد: من هي الانجلون ؟ ولماذا تهاجم ؟
اقتباس:
|
رد: من هي الانجلون ؟ ولماذا تهاجم ؟
اقتباس:
ثانيا دول لحد دلوقتى ثلاثة مراكز فقط لخدمة الماركة على مستوى الجمهورية ودول عدد قليل يعنى الدلتا مفيش فيها , خط القناة مفيش فيها ثالثا انا شفت العربية عند موزع لكم فى دمياط الجديدة لكن من الخارج ولم اتجرا واطلب من الاخ المسئول انه يفتح لى السيارة من الداخل فهل ممكن اطلب منه ذلك ولا هيحرجنى خصوصا انى عاوز اتعرف على العربية فقط مش هشترى يعنى |
رد: من هي الانجلون ؟ ولماذا تهاجم ؟
اقتباس:
ثانيا الجاك B15 طولها حوالى 4.67 متر و BYD F3 طولها حوالى 4.61 متر يعنى الفرق مش كبير لكن هى اطول من الاسبرانزا m11 بحوالى 30 سم وبعدين الطول مش ميزة اوى اذا كانت المساحة الداخلية ضيقة ( انا بصراحة معرفش المساحة الداخلية لها) واديك مثال السيراتو والالنترا و الكورولا والسيفك والمازدا 3 متقاربين جدا فى الطول الا ان اوسع مساحة داخلية فى السيراتو بس مش معنى ذالك ان الاخرين مساحتهم ضيقة لكن اقل من السيراتو ( وده مش دعاية للسيراتو) |
رد: من هي الانجلون ؟ ولماذا تهاجم ؟
اولا لما قولت الطول 4.682 مقصدت الطول بس لكن الحجم عموما وهو 4682*1725*1485 واتحدي حد يجيبلي عربيه بنفس الحجم ككل ولس طول بس او عرض بس والاهم من كده المساحه الداخليه وعالعموم هي اوسع من السيراتو وروح اتفرج واحكم بنفسك
|
رد: من هي الانجلون ؟ ولماذا تهاجم ؟
اقتباس:
واكيد اكيد مع الحجم ده اوسع من السيراتو, السيراتو 4.5 متر وشوية سنتيمترات وبالتصنيف السيراتو سيارة عائلية فى الفئة المتوسطة والانجلون بالطول اللى حضرتك ذكرته يخليها تدخل فئة السيارات العائلية الكبيرة يعنى من غير ما اتفرج ولا حاجة الخلاصة انا مش معترض على العربية فى حاجة الا فى جانب السعر يعنى انا شايف انها كانت المفروض تقع فى رنج من70.000 -75.000 بحد اقصى وبعدين اللى بينزل عربية جديدة فى السعر لازم يعمل فى حسابه ان يقدمها بسعر تنافسى لكن الوكيل قدمها بسعر اغلى من اى سيارة منافسة حاجة اخيرة الاتساع الداخلى ممكن يكون ميزة فى العربية فعلا لكن ممكن اكون غير محتاج لكل المساحة دى خصوصا لو بركب العربية لوحدى او عندى اسرة صغيرة , حاجة كمان لا تنسى ان طول العربية مشكلة فى الركنة وشكرا على مداخلة حضرتك |
| الساعة الآن 11:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017