مصر موتورز مجتمع السيارات - سوال عن الايدل ليرن

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - سوال عن الايدل ليرن (https://www.masrmotors.com/vb/showthread.php?t=43842)

رد: سوال عن الايدل ليرن

اقتباس:

لو المشكله دى ظهرت بعد تغييرك للبوجيهات مباشرة

فوارد يكون طقم البوجيهات الجديد وحش برضه

هى المشكلة دى انا مش عارف سببها بالظبط بس العربية كانت بتتلت قبل ما اغيرهم ولما غيرتهم وغيرت البطارية العربية بقت بتبطى فى الدوارة وصوتها على وبقت بتنتش على التانى كما ذكرت قبل كدة

اقتباس:

لأن كده فيه شك كبير أوى

فى كفاءة عمل الرشاشات

ممكن تلاقى رشاش مش شغال ( بسبب عدم جودة الأتصال الكهربى لفيشته )

أو لاقدر الله

يكون رشاش بيسيل جامد وملفه وحش

طب ازاى اعرف ان فيه عيب فى الرشاشات ولا لا على فكرة العربية مش بتتلت على طول انا باحس بيها لما تكون على السلانسيه اما وانا ماشى ماباخدش بالى منها
وياريت تجاوبنى على الموضو الخاص بالسخونة وصوت العربية لانها بجد بتسخن جامد وصوتها عالى خالص

اقتباس:

الحراره عندك كويسه بس موضوع قبل النصف ده مش صح برضه فى الدايو ( عامة )

ممكن افهم ايه قصدق
اسف للاطاله وشكرا للاهتمام................. ..........

رد: سوال عن الايدل ليرن

اقتباس:

وياريت تجاوبنى على الموضو الخاص بالسخونة

أنت عرفت منين أنها سخنه والمؤشر عندك بتاع الحراره

قبل النصف بشرطه ؟

اقتباس:

بيكون اقل من النص بحوالى شرطة

وخلينا نمسك حاجه حاجه

لعدم حدوث شوشره فى الأفكار

رد: سوال عن الايدل ليرن

اقتباس:

[أنت عرفت منين أنها سخنه والمؤشر عندك بتاع الحراره

قبل النصف بشرطه

؟انا بس بالاحظ انىا بتسخن بسرعة والمروحة بتشتغل مع العلم ان فيه ترشيح زيت من اوستيك الموبينة وترشيح ميه من الخرطوم اللى موصل للراداتير من اعلى الجنب اليمين

ولوسمحت هو انا باغير المياه من الحنفيه وما غسلتش الراداتير خالص والميه دايما بتنقص هل فيه مشكلة فى اى حاجه من ده.
وشكرا مرة تانيهROSE4U

رد: سوال عن الايدل ليرن

هل ممكن يكون فيه عيب فى فلتر الهوا او فلتر البنزين اوترمبة البنزين؟؟؟؟
فيه سؤال تانى لما باطلع بالعربية على الاول وبعدين اديها الثانى وانا باشيل رجلى من على الدبرياش العربيه بتكركر وبتخبط لحد لما تبدا تسحب وجهدها قل عن الاول خالص...

رد: سوال عن الايدل ليرن

لو سلوك الحراره على مؤشر الحراره طبيعى

بمعنى

الحراره بتكون تحت الشرطه الأولى من تحت وتبدأ ترفع مع شغل المكنه

بعد فترة أستقرار حمل السلانسيه أى فترة التسخين

وبيوقف وضع المؤشر بوضع ثابت قبل النصف

ومفيش عندك غليان شديد للميه فى القربه

يبقى معندكش مشكلة حراره أساسا

اقتباس:

مع العلم ان فيه ترشيح زيت من اوستيك الموبينة

ده عادى وملوش دخل بموضوع الحراره

حتحتاج فقط تغير أويل رنج رفيع ( بيسموه أستيك البوبينا )

وب 5 ج ( تقريبا ) لرفع كفاءة حبك نهاية تقفيل الجانب من عند البوبينا على حوض

التاكيهات ( جانب أيمن ) وأنت واقف وفاتح الكبوت وباصص

على المكنه

اقتباس:

وترشيح ميه من الخرطوم اللى موصل للراداتير من اعلى الجنب اليمين

لو تقصد خرطوم خروج الماء من وش السلندر للمكنه وألتقائه بزور الردياتير العلوى ( جانب أيسر )

وأنت واقف نفس الوقفه الموصوفه من جانبى من قبل ( الوصفه السابقه باللون الأحمر )

يبقى برضه ده علاجه سهل جدا

والمكنه مبطله أملص الخرطوم من على زور الردياتير وأشحطه صح على زور الردياتير

وركب أفيز تانى ( فلاحى ) من بتوعنا ....وبلاش الأفزان الدلع بتاعة الخواجات

وأربطه صح وحتتقلص تلك المشكله البسيطه

اقتباس:

ولوسمحت هو انا باغير المياه من الحنفيه وما غسلتش الراداتير خالص والميه دايما بتنقص هل فيه مشكلة فى اى حاجه من ده.
وشكرا مرة تانيهROSE4U

طالما بتستعمل ماء من الحنفيه

فليبقى الوضع على ماهو عليه وتابع حرارة المكنه

وياريت تغير الميه بميه مقطره ( يبقى أفضل ليك )

رد: سوال عن الايدل ليرن

[

اقتباس:

ومفيش عندك غليان شديد للميه فى القربه

دى انامش متاكد منها لانى مافتحتش القربه والعربية ساخنه قبل كدة

اقتباس:

يبقى معندكش مشكلة حراره أساسا

طب بالنسبة لموضوع المروحة

اقتباس:

طالما بتستعمل ماء من الحنفيه

فليبقى الوضع على ماهو عليه وتابع حرارة المكنه

وياريت تغير الميه بميه مقطره ( يبقى أفضل ليك )[/QUOTE

]
حضرتك يعنى ما فيش اى مشكلة من استخدام مية الحنفية اصل انا سمعت ان المية الموبل بترفع اداء المحرك وبتقلل درجة الحرارة

هل ممكن يكون فيه عيب فى فلتر الهوا او فلتر البنزين اوترمبة البنزين؟؟؟؟
فيه سؤال تانى لما باطلع بالعربية على الاول وبعدين اديها الثانى وانا باشيل رجلى من على الدبرياش العربيه بتكركر وبتخبط لحد لما تبدا تسحب وجهدها قل عن الاول خالص...

وازاى ممكن اعرف اذاكان فيه عيب فى الصبابات ولا لا؟؟؟؟؟؟

رد: سوال عن الايدل ليرن

اقتباس:

دى انامش متاكد منها لانى مافتحتش القربه والعربية ساخنه قبل كدة

محدش بيفتح غطاء القربه والميه سخنه

بص عليها من بره وأنت حتعرف تتيقن من هذا

اقتباس:

طب بالنسبة لموضوع المروحة

أحمد الله على شغل المروحه

فالمروحه بتاخد كهربتها من خلال وحدة التحكم

( على فكره دول مروحتين بيشتغلوا مع بعض ويبطلوا مع بعض )

اقتباس:

حضرتك يعنى ما فيش اى مشكلة من استخدام مية الحنفية اصل انا سمعت ان المية الموبل بترفع اداء المحرك وبتقلل درجة الحرارة

طبعا مية الحنفيه مش صح فنيا ( على المدى البعيد )

بس غلط أنك تحط ميه خضراء مثلا حاليا

لعدم تآكل مواسير الردياتير

بسبب التفاعل الكيميائى الذى سيتم بين الأملاح الموجوده حاليا على جدر مواسير الردياتير من الداخل

ومادة الأيئيل جليكول ( الداخله فى تكوين الماء الأخضر )

يبقى الصح أيه .............؟

فليبقى الوضع على ماهو عليه

وإن أردت تميزا ( يمكنك تغيير ماء الحنفيه لماء مقطر )

اقتباس:

هل ممكن يكون فيه عيب فى فلتر الهوا او فلتر البنزين اوترمبة البنزين؟؟؟؟

هو أنت مغيرتش فلاتر من أمتى ...........؟

اقتباس:

فيه سؤال تانى لما باطلع بالعربية على الاول وبعدين اديها الثانى وانا باشيل رجلى من على الدبرياش العربيه بتكركر وبتخبط لحد لما تبدا تسحب وجهدها قل عن الاول خالص...

أكيد ده بسبب التتليته المذكوره فى كلامك السابق ( أول الموضوع )

اقتباس:

وازاى ممكن اعرف اذاكان فيه عيب فى الصبابات ولا لا؟؟؟؟؟؟

طالما مشكلة التتليته بتظهر معاك فقط ( على السلانسيه )

يبقى سيبك من قصة الصبابات